Obhusweruro 21:5 - Indagano Inyaaya mu-Chijita

⁵ Neeya unu aariga eenyanjire ku‑chitebhe cha ingʼoma ˆnaayika ati, “Ringira, enikora bhuri chiinu okubha echiyaaya!” ˆNaambwira wone ati, “Kaama ati, ejo ni misango ja okwiyikanyibhwa na ja echimari.”

INDAGANO INYA:YA

⁵ Oyo enyanjire ku citebe ca iŋoma na:ika ati, Rora enibikora byone kuba biya:ya. Na:ika ati, Yandika, okuba emisango jinu ni jo kwiikanyibwa na je cimari.

Obhusweruro 21:5 ပူးပေါင်းရင်းမြစ်များ

Ruuka 5:38

Nawe echifuufu echiyaaya, cheenderwe chituurwe mu‑sagwa ja jinjayi jinyaaya!

2 Bakorinto 5:17

Omuunu woonewoone unu ari na obhumwi na Kirisito, aabha echibhumbwa echiyaaya, emisango ja kara jaayitingʼeene, woori ni miyaaya!

Baeburania 12:27

Omusango ogwo “rindi” ogweresya abhwerubhweru ati, ebhiinu bhyone bhinu ꞉bhyabhumbirwe, bhirisingisibhwa na okusoosibhwa‑wo, korereki bhisigare ebhiinu bhinu bhitakutura okusingisibhwa.

Obhusweruro 1:11

Obhuraka obhwo nibhumbwira ati, “Kaama mu‑chitabho emisango joone jinu owuja okurora. Ukamara usire echitabho echo mu‑makanisa ganu gari mu‑misi etaanu na ebhiri jinu jiri Yefeeso, Simuriina, Perigaamo, Tiyaatira, Sariidi, Firadeefiya, na Rawodeekiya.”

Obhusweruro 1:19

“Woori kaama emisango jinu waarora, jinu ejikorekana woori kutya na jinu jirikorekana aribha ejo jaatura.

Obhusweruro 19:9

Maraayika urya ˆnaambwira ati, “Kaama ati, bhari na ribhando bhanu bhakokerwe mu‑bhuregesi bhwa Omwana wa Inaama.” ˆNaambwira wone ati, “Ejo nijo emisango ja echimari ja Nyamuwanga.”

Obhusweruro 20:11

Nejire neeya, nindora Nyamuwanga eenyanjire ku‑chitebhe echeeru echinene cha ingʼoma. Orutumba na echaaro nibhiiruka okusooka imbere yaaye na ꞉bhitaabhonekeene rindi.

Obhusweruro 22:19

Omuunu woonewoone akasoosya‑mo omusango gwonegwone okusooka ku‑misango ja obhuragi bhwa echitabho chinu, Nyamuwanga wone atariikirisya omuunu oyo okurya amatwasyo ga riiti rinu erisoosya obhuwanga bhwa akajaanende koone noorwo okwikara mu‑musi omweru gunu emisango jaagwo jikaamirwe mu‑chitabho chinu.

Obhusweruro 22:6

Neeya maraayika oyo, ˆnaambwira ati, “Emisango jinu ni ja okwiyikanyibhwa na ja echimari. Raatabhugenyi Nyamuwanga unu kaayaana abharagi Mwoyo Mweru waaye, ꞉aatumire maraayika waaye okweresya abhakosi bhaaye emisango jinu ni bhusibhusi jikorekane bhwangu.”

Obhusweruro 4:2

Awoawo Mwoyo Mweru ˆneeka inguru yaani, nindora echitebhe cha ingʼoma mu‑rwire eyo chiyanjirwe‑ko omuunu.

Obhusweruro 4:9

Ebhibhumbwa bhina ebhyo bhyariga nibhikuuya, nibhiyaana echibharo na okusiima unu eenyanjire ku‑chitebhe cha ingʼoma. Omwene oyo, niwe omuwanga akajaanende koone.

Obhusweruro 5:1

Nejire neeya, nindora unu aariga eenyanjire ku‑chitebhe chirya cha ingʼoma ari na echitabho mu‑kubhoko kwaye kwa ebhuryo. Echitabho echo, chaariga chikaamirwe mbaara joone ebhiri, ka wone chaariga chibhoyerwe na jimboyero etaanu na ebhiri ja obhurimbo.