Obhusweruro 20:4 - Indagano Inyaaya mu-Chijita

⁴ Nejire neeya, nindora ebhitebhe bhya obhutungi bhinyanjirwe‑ko bhanu bhaariga bhayaaywe obhuturo bhwa okusoosya indamu. Abho, jaariga jiri emitima ja abhaanu bhanu ꞉bheetirwe isonga iri ati, ꞉bhaasoosiisye obhubhambaasi inguru ya Yeesu na okuraasya emisango ja Nyamuwanga. ꞉Bhataaramiisye rityanyi rirya noorwo risusano ryaryo. ꞉Bhateekirisiisye okutuurwa‑ko orunabho rwa rityanyi eryo ku‑bhisuusu bhyebhwe noorwo ku‑mabhoko geebhwe. Mbe abhaanu abho nibhasuuruka, nibhatunga aamwi na Kirisito emiguuga chiwumbi chimwi.

INDAGANO INYA:YA

⁴ Nindora ebitebe bye cikama, na banu bariga benyanjireko, nibayanwa okutema eci:na. Nindora emyoyo ja banu batemerweko emitwe okuba be:mire ku Yesu, na kurwo musango gwa Nyamuanga, ka banu baremere okuramya rityanyi amwi ecisusano caryo, amwi bate:kirisisye runyamo ku bisu:su amwi ku maboko gebwe. Nibasubo:rora nibatunga aamwi na Kristo myaka cisira.

Obhusweruro 20:4 ပူးပေါင်းရင်းမြစ်များ

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Matayo 24:10

Niwo abhaanu bhaafu bharisiga okunduubha. Bhariromerana iniku na okusokana abheene kwa abheene.

Mariko 6:16

Omwanya gunu Yeroode ꞉oonguuwe emisango ejo, ˆnaayika ati, “Oyo niwe Yowana, unu ꞉naatemere‑ko omutwe. Aasuuruka okusooka mu‑bhafuuwe!”

Mariko 6:27

ˆNaatuma omusirikare agende okutema Yowana omutwe. Omusirikare ˆnaagenda mw‑ibhoyero, ˆnaamutema‑ko omutwe.

Mariko 9:11

Nibhabhuusya Yeesu ati, “Kurwa ki abheeyigisya bha ebhiraagiro bhya Muusa abhaayika ati, jeenderwe Yeeriya atangatire Kirisito okuuja?”

Ruuka 1:17

Aritangata imbere ya Raatabhugenyi, aritangasibhwa na obhuturo bhwa omwoyo rwa ogwa omuragi Yeeriya. Arikora abhaana na bheesemwene bhoongwane, arikora bhanyatagayuka bhabhe na obhwiganirisya bhwa obhurengeresi na kwa okukora kutyo keeraabhira Raatabhugenyi abhaanu bhaaye.”

Ruuka 14:14

Niwo uriyaanwa amabhando, kwa okubha abheene abho bhatari na echiinu cha okukuriya. Kurwa ejo, Nyamuwanga arikuriya omwanya gunu arisuurura abharengeresi.”

Ruuka 22:30

Muriryaga na okunywa mu‑chikukuru ya obhukama bhwani na okwinyanja ku‑bhitebhe bhya obhutungi nimuramuraga jingʼanda ekumi na ebhiri ja Abhayisirayeeri.”

Yowana 14:19

Guchaari mwanya mufuyi era abhaanu bha ku‑chaaro kunu bhatarindora. Nawe emwe murindora kwa okubha anye enirama, emwe wone murirama.

Barumi 11:15

Ringira, Nyamuwanga ꞉aaremere Abhayisirayeeri, ˆnaagwatana na abhaanu bhanu bhatari Bhayisirayeeri. Kurwa ejo, omwanya gunu Nyamuwanga ariikirisya Abhayisirayeeri rindi, jiribha wuti abhafuuwe bhaasuuruka!

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

Obhusweruro 1:2

Anye Yowana enisoosya obhubhambaasi bhwa emisango joone jinu ꞉naarorere. Emisango ejo ni inguru ya echimari chinu Yeesu Kirisito ꞉aasweruuye na nigwo omusango gwa Nyamuwanga.

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Obhusweruro 11:11

Omwanya gwa amasuubha gasatu na esinja gwejire gwatura, Nyamuwanga ˆnaasubhya‑mo emyoyo abhabhambaasi abho, nibheemereeguru. Abhaanu bhoone bhanu ꞉bhaabharorere, nibhoobhaya muno.

Obhusweruro 11:15

Neeya, maraayika wa kataanu na kabhiri ˆnaabhuma ingʼombi yaaye. Niwo ninuungwa obhuraka bhunene bhwa bhamaraayika bhaafu mu‑rwire eyo, nibhwayikaga ati, “Obhutungi bhwa echaaro bhwabheeye bhwa Raatabhugenyi Nyamuwanga weeswe, aamwi na Kirisito waaye. Nyamuwanga niwe aritunga akajaanende koone.”

Obhusweruro 11:3

Nirituma abhabhambaasi bhaani bhabhiri, niribhayaana obhuturo bhwa okusoosya obhuragi, ku‑mwanya ogwoogwo gwa siku echiwumbi chimwi, magana gabhiri na makumi gataanu na rimwi (1,260). Bharisoosya obhuragi obhwo bhafwayega amagunira okweresya obhusurumbaaye bhwebhwe.”

Obhusweruro 11:7

Omwanya gunu bharimara okusoosya obhuragi bhwebhwe inguru ya Nyamuwanga, niwo rityanyi rinu ꞉ryariinyire okusooka mu‑ryobho rinu ritari na obhuteero, ririrwana nabho. Niribhayiga na okubheeta.

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.

Obhusweruro 14:11

Ingesi ya okurungura kwebhwe iririinya inguru akajaanende koone. Abhaanu abho bharinyaaka mu‑ngeta na mu‑mwisi, kwa okubha bharamiisye rityanyi na risusano ryaryo na okukaamwa‑ko risiina rya rityanyi eryo.”

Obhusweruro 15:2

Ka wone, nindora echiinu chinu chaariga chiri rwa inyanja ya rirore, inu isasikeene na omuriro. Ku‑mbarimbari awo, bhaariga bheemereeguuyu‑wo abhaanu bhanu ꞉bhaayigire rityanyi rirya, risusano ryaryo, aamwi na obhukumi bhwa risiina ryaryo. Abhaanu abho bhaariga bhagwatiriiye jindono mu‑mabhoko geebhwe ganu bhaariga bhayaaywe na Nyamuwanga korereki bhamuramye.

Obhusweruro 17:8

Rityanyi rinu ꞉waarorere, ryariga riri aanga nawe woori ryafuuwe. Rityanyi eryo, riri yeeyi okusooka mu‑ryobho rinu ritari na obhuteero, korereki Nyamuwanga arisingaarisye. Abhaanu bhoone ku‑chaaro bhanu amasiina geebhwe ꞉gataakaamirwe mu‑chitabho cha obhuwanga echaaro chichaari okubhumbwa, bhariruguura aribha bhaarora rityanyi eryo ryariga riri‑wo, woori ritari‑wo na riribha‑wo rindi.”

Obhusweruro 2:26

Omuunu woonewoone unu ariyiga na okugenderera okukora okwenda kwani okukingira ku‑bhuteero, nirimuyaana obhuturo bhwa okutunga amaanga goone.

Obhusweruro 20:6

Obhusuuruko bhurya bhwa abhaana bha Nyamuwanga nibhwo obhusuuruko bhwa okwamba. Bhari na amabhando bhanu bharisuuruka mu‑bhusuuruko obhwo, ka wone nibho abheeru bha Nyamuwanga. Okubha okufwa kwa kabhiri kutaribha na amanaga inguru yeebhwe. Abho bharibha abhagabhisi bha Nyamuwanga na Kirisito, bharitunga aamwi nage ku‑mwanya ogwo gwa emiguuga chiwumbi chimwi.

Obhusweruro 22:5

Ingeta itaribha‑mo rindi mu‑musi omwo. Abhaanu bhatarikena idara noorwo risuubha, okubha Raatabhugenyi Nyamuwanga aribha obhweru bhwebhwe. Abhaanu abho bharitunga akajaanende koone.

Obhusweruro 3:21

Omuunu woonewoone unu ariyiga, nirimwikirisisya okwinyanja aamwi na anye ku‑chitebhe chaani cha ingʼoma, rwa kutyo anye wone ꞉naayigire, woori niinyanjire na Raata waani ku‑chitebhe chaaye cha ingʼoma.

Obhusweruro 4:4

Ka wone, echitebhe cha ingʼoma echo chaariga chisingiywe na ebhitebhe ebhindi makumi gabhiri na bhina bhya obhutungi. Ku‑bhitebhe ebhyo, bhaariga bheenyanjire‑ko abhakaruka makumi gabhiri na bhana. Abhakaruka abho, bhaariga bhafwaye emyenda emyeru na ku‑mitwe jeebhwe bhaariga bhafwaye jitengya ja inaaryo.

Obhusweruro 6:9

Neeya, Omwana wa Inaama ˆnaasuruumura imboyero ya kataanu ya obhurimbo. Mw‑ifuufu rya echigabhiro, nindora emitima ja abhaanu. Abhaanu abho bhaariga bheetirwe ku‑songa ya okwikirisya omusango gwa Nyamuwanga na okuguraasya ku‑bhaanu abhandi.

Obhusweruro 7:3

ˆnaayikaga ati, “Murindirire okwamba! Musige okunyamura echaaro, inyanja noorwo amati, okukingira anu chirimara okutuura‑ko orunabho ku‑bhisuusu bhya abhakosi bha Nyamuwanga weeswe.”