Obhusweruro 20:2 - Indagano Inyaaya mu-Chijita

^2-3 ˆNaagwata riyoka rirya, injoka irya ya kara inu eyitogwa ati Mubheeyeresya amwi Syetaani, ˆnaaribhoya kwa riseega eryo na okuryesa mu‑ryobho rinu ritari na obhuteero. ˆNeegara orwigi rwa eryobho eryo na okurutuura‑ko orunabho. Omubheeyeresya oyo, ni bhusibhusi ariikara mu‑ryobho eryo emiguuga chiwumbi chimwi. Ku‑mwanya ogwo ataribha na obhuturo bhwa okujiga abhaanu ku‑chaaro anu. Aribha emiguuga chiwumbi chimwi jaawa, ariigurirwa kwa omwanya mufuyi era.

INDAGANO INYA:YA

² Nagwata riyoka, niyo injoka ya kara, inu eitogwa Mubeeresya na Syetani, namuboya myaka cisira,

Obhusweruro 20:2 ပူးပေါင်းရင်းမြစ်များ

Matayo 19:29

Mbe, omuunu woonewoone unu asigire inju yaaye, amwi abhamura bhaabho, amwi abhayara bhaabho, amwi esemwene, amwi nyiramwene, amwi abhaana bhaaye, amwi amabhwi inguru yaani, ariramira bhyone ku‑bhwafu muno. Aamwi na ejo, aribhona obhuwanga bhwa akajaanende koone.

Matayo 8:29

Mbe, amasambwa ago, nigaamura obhuraka nigaayika ati, “Yeesu, Omwana wa Nyamuwanga awe, owuchiyenja‑ko ki? Angu, waaja okuchinyaasya omwanya gweswe guchaari okukinga?”

Mariko 4:15

Abhaanu abhandi abhasusana na amayaru ga ku‑njira, anu omusango gwa Nyamuwanga ogubhibhwa. Omwanya gunu abhaguungwa era, Syetaani kaaja, na okusoosya‑mo omusango ogwo mu‑mitima jeebhwe.

Mariko 5:7

ˆNaamura obhuraka ˆnaayika ati, “Yeesu Omwana wa Nyamuwanga unu ari Inguru ya Bhyone, owunyenja‑ko ki? Enikurayisya ku‑Nyamuwanga, waasiga okunnyaasya!”

Yowana 12:31

Woori gwakinga omwanya gwa Nyamuwanga okuramura echaaro chinu. Woori gwakinga omwanya gwa Nyamuwanga okubhirimya Syetaani okusooka ku‑bhutungi bhwa ku‑chaaro kunu.

Yowana 16:11

Aribhaga ˆnaabheeresya ati Nyamuwanga aribharamura, kwa okubha aaramuuye Syetaani omukuru wa echaaro chinu.

Barumi 16:20

Nyamuwanga unu kaabhayaana omurembe, arifwonyorera aasi Syetaani bhwangu, na okubhayaana obhuyigi inguru yaaye. Obhwitiriranya bhwa Raatabhugenyi weeswe Yeesu Kirisito bhubhe aamwi na emwe. [Jibhe kutyo.]

Baeburania 2:14

Mbe, kwa okubha abhaana bhari na emibhiri na isagama, Yeesu wone ꞉eejire ari na omubhiri na isagama rwa abheene. ꞉Aakorere kutyo, korereki ku‑njira ya orufu rwaye, ayige amanaga ga Syetaani, unu ari na obhuturo bhwa orufu.

1 Petero 5:8

Mwiyingirire na okutengeeja, omwanya gwone. Okubha omusoko weemwe, Syetaani, keeyinda enu na erya rwa itare inu eyiruuta, niiyenja omuunu wa okusingaarisya.

2 Petero 2:4

Nikwo kutyo bhamaraayika bhanu ꞉bhaakorere ebhibhiibhi, Nyamuwanga ꞉ataabhasigire, tari ꞉aabheesere nyombe, anu bhabhoyerwe na amaseega. Mu‑chisuute echirafuru cha nyombe eyo, abharindirira orusuku rurya rwa okuramurwa.

Yuuda 1:6

Ka wone, mwichuke bhamaraayika bhanu ꞉bhateeyirwe na obhukuru bhwebhwe, nibhasiga obhwikaro bhwebhwe. Nyamuwanga abhateeye mu‑chisuute echirafuru, abhabhoyere na amaseega ga akajaanende. Eyo abharindirira orusuku orukuru rwa okuramurwa.

Obhusweruro 12:13

Mbe, riyoka rirya, ryejire ryarora ati, ryeswa ku‑chaaro anu, niriruubha omugasi unu aariga eebhuuye omwana wa echirume.

Obhusweruro 12:15

Injoka eyo niifubhura amanji maafu muno okusooka mu‑kanwa karyo, ngawurura rwa omusima inyuma ya omugasi oyo, korereki amanji ago gamugege.

Obhusweruro 12:17

Riyoka eryo, niribhiyirirwa muno omugasi oyo, ndigenda okurwana na abhaana abhandi bha omugasi oyo bhanu bhaariga bhasigaaye. Abhaana abho nibho bhanu abhagayuka ebhiraagiro bhya Nyamuwanga na okusoosya obhubhambaasi inguru ya Yeesu. Mbe, riyoka eryo, niriimereeguru ku‑njekekera ya inyanja.

Obhusweruro 12:3

Nikwiya, ku‑rutumba okwo, nichibha‑ko echibharikisyo echindi cha okuruguusya. Mbe rora! Riyoka rinene ritukurasi kaa nirisoromoka. Riyoka eryo ryariga riri na emitwe etaanu na ebhiri na amayembe ekumi, bhuri omutwe gwariga guri na orutengya.

Obhusweruro 12:4

Omukira gwa riyoka eryo, nigukurura ribhaara erimwi kw‑isatu rya jinjota mu‑rutumba, nigujeesa ku‑chaaro anu. Ryejire ryamara, niriimereeguru imbere ya omugasi oyo, unu aariga ari yeeyi okwibhura, korereki rirye omwana, akeebhurwa.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Obhusweruro 13:2

Rityanyi rinu ꞉naarorere ryariga nirisusana rwa ingo, nawe amaguru gaaryo gaariga gari rwa ga ritarago na omunwa gwaryo gwariga guri rwa gwa itare. Riyoka rirya, niriyaana rityanyi eryo, amanaga gaaryo, echitebhe chaaryo cha obhutungi na obhuturo bhwafu.

Obhusweruro 13:4

Nibharamya riyoka rirya, kwa okubha ꞉ryayaanire rityanyi eryo obhuturo bhwa okutunga. Abhaanu nibharamya wone rityanyi eryo, nibhaayikaga ati, “Atari‑wo omuunu owundi rwa rityanyi rinu! Ka wone, atari‑wo unu kaatura okurwana naryo!”

Obhusweruro 20:10

Syetaani unu aabhajigaga, aryeswa mu‑nyanja ya omuriro omururu gwa emisimu ja echibhiriiti. Omwo nimwo ꞉ryeeserwe rityanyi rirya na omuragi omubheeyi urya. Abho bhoone bharinyaasibhwa omwo mu‑ngeta na mu‑mwisi, akajaanende koone.

Obhusweruro 20:7

Aribha emiguuga chiwumbi chimwi jaawa, Syetaani ariigurirwa okusooka mw‑ibhoyero ryaye.

Obhusweruro 9:11

Jiisige ejo, jaariga jiri na omukama waajo. Omukama oyo aariga ari maraayika omukuru wa mu‑ryobho rinu ritari na obhuteero. Maraayika oyo, mu‑Chiyebhuraniya kaatogwa Abhadooni na mu‑Chiyunaani kaatogwa Aporiyooni. Obhugajuro bhwagwo ni “Omusingaarisi.”