Obhusweruro 20:12 - Indagano Inyaaya mu-Chijita

¹² Nindora abhafuuwe bhoone, abharera na abhakuru, bheemereeguuyu imbere ya echitebhe cha ingʼoma. Niwo ebhitabho bhinu bhyariga bhikaamirwe‑mo ebhikorwa bhya abhaanu bhoone nibhifumburwa. Echitabho echindi nichifumburwa, echo nicho echitabho cha obhuwanga. Abhafuuwe abho nibharamurwa okuruubhana na ebhikorwa bhyebhwe bhinu bhyariga bhikaamirwe mu‑bhitabho omwo.

INDAGANO INYA:YA

¹² Nindora abafu:ye abakuru na bato:to be:mereguyu imbere ye citebe ca iŋoma. Ebitabo nibifumburwa. Ecitabo ecindi nicifumburwa nico ecitabo co buanga. Abafu:ye nibatemerwa eci:na ku misango jinu jandikirwe mu bitabo, rwe bikorwa byebwe kutyo byariga biri.

Obhusweruro 20:12 ပူးပေါင်းရင်းမြစ်များ

Matayo 11:22

Nawe, enibhabhwira ati, ku‑rusuku rwa indamu, Nyamuwanga arisoosya indamu isito muno, okukira kutyo ariramura abhaanu bha emisi ja Tiiro na Sidooni.

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Ruuka 10:20

“Noorwo kutyo, musige okukondererwa kwa okubha ati amasambwa agabhagayuka. Tari mukondererwega omusango gunu ati, amasiina geemwe gakaamirwe mu‑rwire.”

Ebikorwa 24:15

Anye niri na obhwiyikanyo ku‑Nyamuwanga ati, arisuurura abhafuuwe bhoone, abha rirenga na bhanu bhatari abha rirenga. Noorwo abheene wone abhagwikirisya ogwo.

Barumi 2:6

Orusuku orwo, Nyamuwanga aririya bhuri muunu okuruubhana na ebhikorwa bhyaye.

1 Bakorinto 4:5

Woori, mwasiga okuramura abhaanu omwanya guchaari kukinga, rindirira okukingira orusuku runu Raatabhugenyi Yeesu ariija. Omwene niwe arituura abhweru ebhiinu bhyone bhinu bhibhisirwe mu‑chisuute na okweresya bhinu bhiri mu‑myoyo ja abhaanu. Niwo bhuri muunu aribhona jikuma jinu jimwiyire, okusooka ku‑Nyamuwanga.

2 Bakorinto 5:10

Nikwo kutyo, kwa okubha eswe bhoone chiriimereeguru imbere ya echitebhe cha indamu cha Kirisito, korereki bhuri umwi, ayaanwe omuyeero okuruubhana na kutyo ꞉aakorere ku‑chaaro kunu, jibhe ja kisi amwi mibhiibhi.

Bafilipi 4:3

Noorwo awe omukosi weejaasu omwiyikanyibhwa, enikusabhwa usakire abhagasi abho, korereki bhabhe na obhukarariiye bhumwi. Abho bhoone bhaanyaakaga muno aamwi na anye na Keremeeti na abhakosi bheejaasu abhandi, mu‑kuraasya Emisango ja Ekisi. Amasiina ga abhaanu abho bhoone gakaamirwe mu‑chitabho cha obhuwanga.

Obhusweruro 11:18

Abhaanu bha amaanga ꞉bhaakusokere, nawe omwanya gwa risungu ryawo gwakingire. Woori ni omwanya gwawo gwa okuramura abhaanu bhanu ꞉bhaafuuwe. Ka wone, nigwo omwanya gwa okuyaanira‑mo echiyaanwa abhakosi bhaawo abharagi, na abheeru bhaawo bhoone bhanu abhakusya risiina ryawo, abharera na abhakuru. Gunu nigwo omwanya gwa okusingaarisya abhaanu bhanu abhasingaarisya echaaro.”

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 17:8

Rityanyi rinu ꞉waarorere, ryariga riri aanga nawe woori ryafuuwe. Rityanyi eryo, riri yeeyi okusooka mu‑ryobho rinu ritari na obhuteero, korereki Nyamuwanga arisingaarisye. Abhaanu bhoone ku‑chaaro bhanu amasiina geebhwe ꞉gataakaamirwe mu‑chitabho cha obhuwanga echaaro chichaari okubhumbwa, bhariruguura aribha bhaarora rityanyi eryo ryariga riri‑wo, woori ritari‑wo na riribha‑wo rindi.”

Obhusweruro 19:5

Nejire neeya, ninuungwa obhuraka obhundi okusooka ku‑chitebhe cha ingʼoma nibhwayikaga ati, “Mukusye Nyamuwanga weeswe, emwe abhakosi bhaaye bhoone. Mumukusye emwe bhanu omumuramya, abharera na abhakuru!”

Obhusweruro 2:23

Ka wone, chimari niriita chimwi abharuubhirisya bhaaye. Niwo abhaanu bha amakanisa goone bharimenya ati, anye enitatirisya kisi omutima na obhwiganirisya bhwa bhuri muunu. Ka wone, niririya bhuri owumwi weemwe okuruubhana na ebhikorwa bhyaye.

Obhusweruro 20:11

Nejire neeya, nindora Nyamuwanga eenyanjire ku‑chitebhe echeeru echinene cha ingʼoma. Orutumba na echaaro nibhiiruka okusooka imbere yaaye na ꞉bhitaabhonekeene rindi.

Obhusweruro 20:13

Inyanja nisoosya abhafuuwe bhanu bhaariga bhari‑mo. Orufu na nyombe wone nibhisoosya abhafuuwe bhanu bhaariga bhari‑mo. Bhuri umwi weebhwe ˆnaaramurwa okuruubhana na ebhikorwa bhyaye.

Obhusweruro 20:15

Omuunu woonewoone unu risiina ryaye ryariga ritakaamirwe mu‑chitabho cha obhuwanga, oyo wone ꞉eeserwe mu‑nyanja ya omuriro.

Obhusweruro 21:27

Nawe echiinu choonechoone chinu chiri echijabhi chitariingira mu‑musi omwo noorwo na akatyari, noorwo omuunu woonewoone unu kaakora emisango jinu ejifuruurusya amwi ja orubheeyi. Tari bhanu bhariingira mu‑musi omwo ni bharya era bhanu amasiina geebhwe gakaamirwe mu‑chitabho cha obhuwanga cha Omwana wa Inaama.

Obhusweruro 22:12

Yeesu kaayika ati, “Tegeresya! Eniija bhwangu! Eniija okuriya bhuri muunu okuruubhana na ebhikorwa bhyaye.

Obhusweruro 3:5

Omuunu woonewoone unu ariyiga, nirimufwafya emyenda emyeru rwa abho. Nitarisoosya‑mo risiina ryaye kata mu‑chitabho cha obhuwanga, tari nirimwikirisya imbere ya Raata waani na bhamaraayika bhaaye ati unu ni waani.