Obhusweruro 20:11 - Indagano Inyaaya mu-Chijita

¹¹ Nejire neeya, nindora Nyamuwanga eenyanjire ku‑chitebhe echeeru echinene cha ingʼoma. Orutumba na echaaro nibhiiruka okusooka imbere yaaye na ꞉bhitaabhonekeene rindi.

INDAGANO INYA:YA

¹¹ Nindora ecitebe ce:ru cinene ca iŋoma, na Unu ariga aci:nyanyireko, oyo orwire na i:si nibi:ruka okuso:ka imbere yae. Na:nu byariga biri atasubire kuboneka.

Obhusweruro 20:11 ပူးပေါင်းရင်းမြစ်များ

Matayo 11:22

Nawe, enibhabhwira ati, ku‑rusuku rwa indamu, Nyamuwanga arisoosya indamu isito muno, okukira kutyo ariramura abhaanu bha emisi ja Tiiro na Sidooni.

Matayo 24:35

Orutumba na echaaro bhiritura, nawe emisango jaani jitaritura wuri.

Matayo 25:31

Yeesu ˆnaagenderera okwayika na abheeyigisibhwa bhaaye, ˆnaabhabhwira ati, “Omwanya gunu anye Omwana wa Omuunu niriija mw‑ikusyo ryani, aamwi na bhamaraayika abheeru bhoone, niwo niriinyanja rwa omukama ku‑chitebhe chaani cha rikusyo.

Barumi 2:5

Awe uri na echigundu, ka wone owurema okuta ebhibhiibhi bhyawo. Kurwa ejo mbe, owiibhiikira ebhitiibha ku‑rusuku runu Nyamuwanga arisoosya indamu yaaye ya obhurengeresi.

2 Petero 3:7

Ka wone ku‑musango ogwoogwo Nyamuwanga aangariiye orutumba na echaaro chinu, korereki bhyochibhwe kwa omuriro. Abhyangariiye inguru ya orusuku runu ariramura abhaanu bhanu bhatakumugayuka, awo woori niwo bharisingaarika.

Obhusweruro 12:8

Nawe, riyoka na bhamaraayika bhaaryo, nibhabhumwa na okubhirimibhwa okusooka mu‑rwire.

Obhusweruro 16:20

Rinyamutikima eryo ꞉ryakorere amasinga goone nigasika na ebhiima bhyone wone ꞉bhitaabhonekeene rindi.

Obhusweruro 19:11

Nejire neeya, nindora orwire rwigukire. Ringira, ifwaraasi iinyeru na unu aariga ayiriinyire‑ko kaatogwa ati, “Mwiyikanyibhwa” na “Owa Echimari.” Niwe kaaramura na okurwana riremo kwa obhurengeresi.

Obhusweruro 20:2

ˆNaagwata riyoka rirya, injoka irya ya kara inu eyitogwa ati Mubheeyeresya amwi Syetaani, ˆnaaribhoya kwa riseega eryo na okuryesa mu‑ryobho rinu ritari na obhuteero. ˆNeegara orwigi rwa eryobho eryo na okurutuura‑ko orunabho. Omubheeyeresya oyo, ni bhusibhusi ariikara mu‑ryobho eryo emiguuga chiwumbi chimwi. Ku‑mwanya ogwo ataribha na obhuturo bhwa okujiga abhaanu ku‑chaaro anu. Aribha emiguuga chiwumbi chimwi jaawa, ariigurirwa kwa omwanya mufuyi era.

Obhusweruro 21:1

Nejire neeya nindora orutumba oruyaaya na echaaro echiyaaya, okubha orutumba rwa okwamba na echaaro cha okwamba bhyariga bhyasoosiibhwe‑wo, noorwo inyanja yaariga itari‑wo rindi.

Obhusweruro 21:5

Neeya unu aariga eenyanjire ku‑chitebhe cha ingʼoma ˆnaayika ati, “Ringira, enikora bhuri chiinu okubha echiyaaya!” ˆNaambwira wone ati, “Kaama ati, ejo ni misango ja okwiyikanyibhwa na ja echimari.”

Obhusweruro 4:2

Awoawo Mwoyo Mweru ˆneeka inguru yaani, nindora echitebhe cha ingʼoma mu‑rwire eyo chiyanjirwe‑ko omuunu.

Obhusweruro 6:14

Orutumba nirusooka‑wo rwa kutyo orufunjo orufunywa. Ebhiima bhyone na amasinga goone nibhisoosibhwa anu bhyariga bhiri.