Obhusweruro 2:9 - Indagano Inyaaya mu-Chijita

⁹ Enimenya ebhinyaasyo bhyemwe na obhutaka bhwemwe. Nawe chimari emwe muri bhaniibhi! Ka wone, enimenya amafumo ganu omufumwa. Amafumo ago agasoosibhwa na bhanu abheetoga ati, ni bhaana bha Nyamuwanga, nawe bhatari abhaana bha Nyamuwanga, abheene ni bharuubhirisya bha Syetaani.

INDAGANO INYA:YA

⁹ Nimenyere okunya:sibwa kwao no butaka bwao, nawe uri muni:bi. Nimenyere no kufuma kwa banu abe:toga Bayaudi, ke:nu hatari nibo, nawe ni ba rikofyanyisyo rya Syetani.

Obhusweruro 2:9 ပူးပေါင်းရင်းမြစ်များ

Matayo 4:10

Nawe Yeesu ˆnaamusubhya ati, “Sooka anu, Syetaani! Jikaamirwe mu‑Bhikaame Ebhyeru ati, ‘Uramye Raatabhugenyi Nyamuwanga waawo. Umukorere emirimu omwene era.’”

Ruuka 12:21

Yeesu, ˆnaamariisya kwa okwayika ati, “Nikwo kutyo jiribha, ku‑muunu unu keekumanyisya ebhiinu bhyafu inguru yaaye omwene, nawe obhuniibhi bhwaye bhutari na omuriiro gwonegwone imbere ya Nyamuwanga.”

Ruuka 22:65

Nibhagenderera okumufuma amafumo maafumaafu.

Ruuka 4:18

“Mwoyo Mweru wa Raatabhugenyi Nyamuwanga, ari aamwi na anye. Aansorere, nibhega nindaasisya abhataka Emisango ja Ekisi. Aantumire ku‑bhaanu bhanu bhabhoyerwe, okubharaasisya ati abhaja okwigurirwa, na okubhwira abhawofu ati abhaja okurora, na niwonʼye abhaanu bhoone bhanu abhanyaasibhwa.

Ruuka 6:20

Yeesu ˆnaaringira abheeyigisibhwa bhaaye abho, ˆnaabhabhwira ati, “Muri na ribhando emwe abhataka, kwa okubha, emwe neemwe abhaanu bha obhukama bhwa Nyamuwanga.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Ebikorwa 26:11

Omwanya omwafu, naaragiriraga ati, bhabhumwe mu‑nju joone ja ameekofyanyo, naabhasinyirisyaga bheefumirisye risiina rya Yeesu. Naabhasokaga muno, okukingira okubhayenja noorwo mu‑misi ja mu‑bhyaro ebhindi korereki nibhanyaasye.

Barumi 12:12

Mukondererwega nimurindirira okubhona jinu Nyamuwanga ꞉aabharagire. Mwigumiirisyega mu‑myanya ja jinyaako, na mugendererega okusabhwa Nyamuwanga.

Barumi 2:17

Woori awe uri muunu unu owitoga ati chimari uri Muyawudi, owiyikanya okubha omurengeresi imbere ya Nyamuwanga kwa okuruubha ebhiraagiro bhya Muusa, na owikuuya ati awe uri muunu wa Nyamuwanga.

Barumi 5:3

Noorwo ebhinyaasyo bhyonebhyone bhikabha nibhichiija‑ko, eswe chirigenderera okukonderwa, kwa okubha echimenya ati ebhinyaasyo ebhichireetera obhwigumiirisya.

Barumi 8:35

Ni chiinu ki chinu echitura okuchitaaganya na eryenda rya Kirisito? Chitari‑wo! Noorwo chibhe chiri mu‑tambara inene, chiri mu‑nyaako, chiri mu‑bhinyaasyo, chibhe nichisaraarira, nichiweerwa emyenda, nichirebherera okubhusya obhuwanga, amwi okwitwa, Kirisito arigenderera okucheenda.

Barumi 9:6

Nitakwayika ati Nyamuwanga ꞉aataamiibhwe okukuumisya emirago jaaye ku‑Bhayisirayeeri. Jitari kutyo, kwa okubha bhatari Bhayisirayeeri bhoone bhanu bhari Bhayisirayeeri bha echimari.

2 Bakorinto 6:10

Ka wone echibhonekana wuti chisurumbaaye, nawe echikondererwa omwanya gwone. Echibhonekana wuti chiri bhataka, nawe chiniibhiisye bhaafu. Echibhonekana wuti chitari na echiinu choonechoone, nawe chiri na ebhiinu bhyone.

2 Bakorinto 8:2

Abhaanu abho ni bhataka muno, ka wone ꞉bhaaregeejerwe kwa ebhinyaasyo bhyafu, nawe bhaariga bhari na rikonderwa enene rinu ꞉ryakorere nibhabha bhafura muno mu‑kusoosya ebhiinu bhyebhwe.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

1 Batesalonika 3:4

Mumenyere ejo, kwa okubha omwanya gunu chaariga chiri aamwi na emwe, ꞉chaabhabhwiriiye ati, chirinyaasibhwa. Woori ejo nijo jaakorekana.

1 Timoteo 1:13

noorwo kutyo ku‑bhwambiro naamufumaga na okunyaasya abhaanu bhaaye, naariga niri murakoko. Nawe, omwene ꞉aanfwiriiye echigongo, kwa okubha naariga ninkora ejo mu‑bhumuumu na naariga nitari na eriikirisya.

1 Timoteo 6:18

Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Obhusweruro 2:13

Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.

Obhusweruro 2:2

Enimenya ebhikorwa bhyemwe, okwikomeesya kwemwe na obhwigumiirisya bhwemwe. Enimenya wone ati mutakutura okwigumiirisya abhaanu abhabhiibhi. Ka wone, mwaregeejere abhaanu bhanu abheetoga ati ni jitumwa, keenu bhatari jitumwa. Mwabharegeeja, nimusongʼana ati, ni bhabheeyi.

Obhusweruro 2:24

Woori emwe mw‑ikanisa rya Tiyaatira, agati yeemwe bhari‑wo abhandi bhanu bhari abheeyikanyibhwa. Abhaanu abho bhatakuruubha ameeyigisyo ga Yejebheeri oyo, noorwo bhatakumenya emisango jinu abhaanu abhandi abhatoga ati ni emisango ja imbisike muno. Chimari emisango ejo ni meeyigisyo ga Syetaani! Tari abhaanu abheeyikanyibhwa bharya, enibhabhwira ati, nitaribhoongesya‑ko omugugu ogundi,

Obhusweruro 3:9

Mutegeresye! Niribhareeta abharuubhirisya bha Syetaani. Abheene abheetoga ati ni bhaana bha Nyamuwanga keenu bhatari nibho, tari ni abhabheeyi. Mbe abho, niribhakora bhaaje bhabharamye. Niwo abho bhoone bharimenya ati nibheendere emwe.

Obhusweruro 7:14

Niimusubhya ati, “Mwami waani, awe naawe umenyere.” ˆNaambwira ati, “Abhaanu abho nibho ꞉bhaayigire ebhinyaasyo bhinene bhirya. ꞉Bhaafurire emingiro jeebhwe mu‑sagama ya Omwana wa Inaama, nijeera pee.