Obhusweruro 2:3 - Indagano Inyaaya mu-Chijita

³ Ka wone, enimenya ati, mwanyaakire muno inguru yaani, nawe mwigumiirisiisye, noorwo woori muchaari okuyigwa.

INDAGANO INYA:YA

³ Ka we:gumirisyaga niwi:kome:sya kurwa risi:na ryani, amwi utaigirwe.

Obhusweruro 2:3 ပူးပေါင်းရင်းမြစ်များ

Mariko 15:21

Bhari ku‑njira, nibhabhugana na omuunu unu aariga ˆnaasooka mw‑isambu, ˆnaayitingʼana mu‑musi gurya, aariga ˆnaatogwa Simooni, omwinengo wa mu‑musi gwa Kureene. Omuunu wurya aariga ari semwene Arekijanda na Ruufo. Abhasirikare abho nibhamusinyiirisya okwitwika omusarabha gwa Yeesu.

Ruuka 14:27

Omuunu woonewoone unu atakwenda okugega omusarabha gwaye na okunduubha, atakutura okubha omwiyigisibhwa waani.

Ruuka 18:1

Mbe, Yeesu ˆnaabhwira abheeyigisibhwa bhaaye echijekekanyo, korereki okubheeresya ati, bheenderwe bhagenderere okusabhwa Nyamuwanga okufwa omutima wuri.

Ruuka 21:19

Obhurame bhwemwe bhurichungurwa, mu‑kwigumiirisya kwemwe.

Ruuka 5:5

Simooni ˆnaamusubhya ati, “Mwami weeswe, chaatega obhwire bhwone chitaabhona echiinu wuri! Nawe kwa okubha awe waayika, echija okusikya amagoobhe.”

Ruuka 8:15

“Jimbibho jinu ꞉jaaguuwe mu‑mayaru ga ekisi, ejisusanyibhwa na abhaanu bhanu abhoongwa omusango gwa Nyamuwanga, nibhagugwata mu‑mwoyo gwa echimari, na mu‑bhwigumiirisya bhwebhwe abhatwasya amatwasyo omwanya gwone.

Yowana 15:21

Nawe abhaja okubhakorera joone ejo kwa okubha omunduubha, ka wone kwa okubha bhatakumenya unu antumire.

Barumi 12:12

Mukondererwega nimurindirira okubhona jinu Nyamuwanga ꞉aabharagire. Mwigumiirisyega mu‑myanya ja jinyaako, na mugendererega okusabhwa Nyamuwanga.

Barumi 16:12

Mukeesye Turufina na Turufoosa. Abhagasi abho abheekomeesya muno okukora emirimu ja Raatabhugenyi Yeesu Kirisito. Ka wone, mukeesye omwendwa waani Perisisi. Omwene wone ni mugasi unu ꞉eekomeesiisye muno okukora emirimu ja Raatabhugenyi Yeesu Kirisito.

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

Barumi 8:25

Nawe chikeeyikanya okuyaanwa echiinu chinu chitakutura okuchirora, echirindirira kwa obhwigumiirisya okufwa omwoyo wuri.

1 Bakorinto 13:7

Eryenda erikora eegumiirisye mu‑joone, abhe na eriikirisya omwanya gwone, abhe na obhwiyikanyo omwanya gwone, ka wone eekomeesyega mu‑joone.

1 Bakorinto 16:16

mugayukega abhaanu rwa abho, na abhandi bhoone bhanu abhakora emirimu ejo aamwi nabho mu‑bhwikomeesya.

2 Bakorinto 10:15

Ka wone chitakwikuuya inguru ya omurimu gwa abhaanu abhandi, omurimu gunu eswe ꞉chitaayaaywe. Tari echiiyikanya ati, rwa kutyo eriikirisya ryemwe erigenderera okukura, nikwo kutyo omurimu gweswe agati yeemwe guribhaga nigwiyongesya.

2 Bakorinto 11:23

Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

2 Bakorinto 4:1

Mbe, kwa okubha Nyamuwanga achiyaaye obhukosi bhunu ku‑chigongo chaaye, chitakufwa omutima wuri.

2 Bakorinto 4:16

Kutyo, chitakufwa omutima. Noorwo kutyo emibhiri jeeswe ejikokora, nawe mu‑myoyo jeeswe, Nyamuwanga kaachikora okubha abhayaaya siku joone.

2 Bakorinto 5:9

Kurwa ejo, chiikare mu‑mibhiri jinu, amwi chiikare ku‑Raatabhugenyi, obhukarariiye bhweswe ni kumukondisya.

2 Bakorinto 6:5

mu‑kubhumwa, mu‑kubhoywa mw‑ibhoyero, na mu‑kuworoomerwa na ebhise bhya abhaanu. Echikora emirimu emisito, echitaamibhwa okuwongera na echisaraarira.

Bagalatia 6:2

Musakiranega na okugegerana emigugu jeemwe emisito, niwo murikuumisya echiraagiro cha Kirisito.

Bagalatia 6:9

Kurwa ejo, chisige okuyigwa okukora ebhikorwa bhya ekisi! Araabha echiigumiirisya mu‑kukora ja ekisi, chirigesa ja ekisi omwanya gwa okugesa gukakinga.

Bafilipi 2:16

Ka wone muraasisye abhaanu omusango gwa Nyamuwanga gunu ogubhayaana obhuwanga bhwa akajaanende. Mukakora kutyo, niribhona echiinu cha okwikuuyisya ku‑rusuku rurya Kirisito arisubha. Okubha emirimu jinu ꞉naayambeene okukora agatigati yeemwe jaariga jitari ja okufwirwa‑mo.

Bafilipi 4:3

Noorwo awe omukosi weejaasu omwiyikanyibhwa, enikusabhwa usakire abhagasi abho, korereki bhabhe na obhukarariiye bhumwi. Abho bhoone bhaanyaakaga muno aamwi na anye na Keremeeti na abhakosi bheejaasu abhandi, mu‑kuraasya Emisango ja Ekisi. Amasiina ga abhaanu abho bhoone gakaamirwe mu‑chitabho cha obhuwanga.

Bakolosai 1:11

Echisabhwa Nyamuwanga abhasakirega ku‑managa gaaye amaafu, korereki mubhe na obhuturo bhwa okwigumiirisya mu‑joone aamwi na okukondererwa.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

1 Batesalonika 5:12

Woori, emwe abhayiri bheeswe, echibheerembeeresya mugayuke abhaanu bhanu abhakora emirimu ja Nyamuwanga mw‑imwe, abhabhatangasya na okubhagonya ku‑bhuturo bhwa Raatabhugenyi Yeesu.

2 Batesalonika 3:13

Nawe emwe abhayiri bheeswe, musige okuyigwa okukora ja ekisi.

2 Batesalonika 3:5

Raatabhugenyi atangasye emyoyo jeemwe mu‑ryenda rinu erisooka ku‑Nyamuwanga na okwigumiirisya kunu okusooka ku‑Kirisito.

2 Batesalonika 3:8

ka wone ꞉chitaariye ebhiryo bhya omuunu woonewoone, chitasoosisye jipirya. Chaariga nichikora emirimu kwa obhwikomeesya mu‑ngeta na mu‑mwisi, korereki chisige okunyaasya omuunu woonewoone mw‑imwe.

1 Timoteo 4:10

Ogwo nigwo ogukora nichiikomeesya na okukora emirimu ku‑managa goone, kwa okubha, echiiyikanya Nyamuwanga omuwanga. Omwene niwe Omuchungusi wa abhaanu bhoone, chimwichimwi bhanu abhamwikirisya.

1 Timoteo 5:17

Abhakaruka bhanu abhaangarira rikanisa kisi, bhayaanwe echibharo na okukorerwa eja ekisi, chimwichimwi bhanu abheesoosya okuraasya na okwiyigisya.

Baeburania 10:36

Mwenderwe mwigumiirisyega, korereki mubhe nimukora jinu Nyamuwanga keenda. Ku‑njira eyo, muriramira jinu Nyamuwanga ꞉aaragire okubhayaana.

Baeburania 12:1

Mbe, kwa okubha chiri na echise echinene echo cha abhabhambaasi bhanu bhachisingiiye, chisoosye‑wo joone jinu ejichiyingirira na okusiga ebhibhiibhi bhinu bhichumiriiye‑ko. Ka wone chiikomeesye okukora jinu Nyamuwanga ateeye imbere yeeswe, rwa omuunu unu kaabhirima muno mu‑bhwigumiirisya.

Baeburania 13:13

Kurwa ejo eswe wone chimujee‑ko ku‑mwira gwa omusi eyo na okwigumiirisya jiswaro rwa kutyo omwene wone ꞉aajigumiirisiisye.

Baeburania 6:10

Nyamuwanga ni murengeresi, atakutura okurabhirwa ebhikorwa bhya ekisi bhinu mukorere. Ka wone atakutura okurabhirwa eryenda rinu ꞉mweresiisye inguru yaaye ku‑njira ya okusakira abheekirisya abheejaanyu okusookerera ku‑bhwambiro okukingira woori.

Baeburania 6:12

Mwasiga okurengaara, tari mubhe rwa abhaanu bhanu ku‑njira ya okwikirisya na okwigumiirisya, bhaaramira jinu Nyamuwanga ꞉aaragire okubhayaana.

Baeburania 6:15

Kurwa ejo Bhurayimu ꞉aarindiriiye na okwigumiirisya, okukingira ˆnaabhona joone jinu Nyamuwanga ꞉aamuragire.

2 Petero 1:6

Ka wone, obhumenyi obhwo bhwongesibhwe okwiyingirira, okwiyingirira okwo kwongesibhwe obhwigumiirisya, obhwigumiirisya obhwo bhwongesibhwe okuyaana Nyamuwanga echibharo.

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Obhusweruro 3:10

Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.