Obhusweruro 2:23 - Indagano Inyaaya mu-Chijita

²³ Ka wone, chimari niriita chimwi abharuubhirisya bhaaye. Niwo abhaanu bha amakanisa goone bharimenya ati, anye enitatirisya kisi omutima na obhwiganirisya bhwa bhuri muunu. Ka wone, niririya bhuri owumwi weemwe okuruubhana na ebhikorwa bhyaye.

INDAGANO INYA:YA

²³ Ka na ba:na bae ndibe:ta no rufu, ndijei jikanisa jo:ne nijimenya ati, nanye unu enitatirisya obwiganirisya no mutima, ka ndiyana buri mu:nu mwimwe rwe bikorwa byae kutyo biri.

Obhusweruro 2:23 ပူးပေါင်းရင်းမြစ်များ

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Ruuka 16:15

Kurwa ejo, Yeesu ˆnaabhabhwira ati, “Emwe, omwikora okubha abharengeresi imbere ya abhaanu. Nawe, Nyamuwanga amenyere emisango jinu jiri mu‑myoyo jeemwe. Okubha, emisango jinu abhaanu abharora ati ni ja kisi muno, ejo nijo ejifuruurusya Nyamuwanga muno!

Yowana 21:17

Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani.

Yowana 4:16

Yeesu ˆnaamubhwira ati, “Genda ubhirikire omurume waawo, uuje nage anu.”

Ebikorwa 1:24

Nibhasabhwa Nyamuwanga nibhaayikaga ati, “Raatabhugenyi, naawe owumenya emyoyo ja abhaanu bhoone. Kurwa ejo, echikusabhwa ucheeresye, ni wuuya agati ya abhabhiri bhanu unu usorere

Barumi 14:12

Kurwa ejo, bhuri umwi weeswe, ariibhagira omwene imbere ya Nyamuwanga.

Barumi 8:27

Nyamuwanga unu kaatatirisya joone jinu jiri mu‑myoyo jeeswe, niwe kaamenya obhwiganirisya bhwa Mwoyo Mweru, kwa okubha Mwoyo oyo kaasabhirwa abheeru bha Nyamuwanga rwa kutyo Nyamuwanga keenda.

2 Bakorinto 5:10

Nikwo kutyo, kwa okubha eswe bhoone chiriimereeguru imbere ya echitebhe cha indamu cha Kirisito, korereki bhuri umwi, ayaanwe omuyeero okuruubhana na kutyo ꞉aakorere ku‑chaaro kunu, jibhe ja kisi amwi mibhiibhi.

Bagalatia 6:5

Okubha bhuri muunu kaakenwa okwitwika omugugu gwaye omwene.

Baeburania 4:13

Chitari‑wo echibhumbwa choonechoone chinu chiiyibhisire imbere ya Nyamuwanga. Ebhiinu bhyone bhiri abhweru imbere yaaye, na ku‑mwene chiryendwa okweresya ebhikorwa bhyeswe bhyone.

1 Petero 1:17

Omwanya gunu omusabhwa, omubhirikira Nyamuwanga ati Raata. Omwene atari na isoroore ku‑muunu woonewoone. Ariramura abhaanu bhoone okuruubhana na ebhikorwa bhinu bhakorere. Kurwa ejo, mwikare nimuramya Nyamuwanga omwanya gunu gusigaaye emwe okwikara ku‑chaaro kunu.

Obhusweruro 2:11

Unu kaategeresya, noongwe emisango jinu Mwoyo Mweru kaabhwira amakanisa. Omuunu woonewoone unu ariyiga, atarikuunibhwa‑ko noorwo kutooto na orufu rwa kabhiri. Orufu orwo nirwo omuriro gwa akajaanende koone.

Obhusweruro 2:7

Unu kaategeresya, noongwe emisango jinu Mwoyo Mweru kaabhwira amakanisa. Woonewoone unu ariyiga, nirimwikirisisya okurya amatwasyo ga riiti rinu erisoosya obhuwanga bhwa akajaanende koone. Riiti eryo riri mu‑rwire mw‑isambu rya Nyamuwanga.

Obhusweruro 20:12

Nindora abhafuuwe bhoone, abharera na abhakuru, bheemereeguuyu imbere ya echitebhe cha ingʼoma. Niwo ebhitabho bhinu bhyariga bhikaamirwe‑mo ebhikorwa bhya abhaanu bhoone nibhifumburwa. Echitabho echindi nichifumburwa, echo nicho echitabho cha obhuwanga. Abhafuuwe abho nibharamurwa okuruubhana na ebhikorwa bhyebhwe bhinu bhyariga bhikaamirwe mu‑bhitabho omwo.

Obhusweruro 20:13

Inyanja nisoosya abhafuuwe bhanu bhaariga bhari‑mo. Orufu na nyombe wone nibhisoosya abhafuuwe bhanu bhaariga bhari‑mo. Bhuri umwi weebhwe ˆnaaramurwa okuruubhana na ebhikorwa bhyaye.

Obhusweruro 22:12

Yeesu kaayika ati, “Tegeresya! Eniija bhwangu! Eniija okuriya bhuri muunu okuruubhana na ebhikorwa bhyaye.

Obhusweruro 6:8

Mbe, nindingira, nindora ifwaraasi inyeererefu. Omuunu unu aariga ayiriinyire‑ko aariga ˆnaatogwa ati, Orufu. Nyombe yaariga niiruubhana nage. Bhabhiri bhoone nibhayaanwa obhuturo bhwa okwita ribhaara erimwi kw‑ina rya abhaanu ku‑chaaro ku‑njira ya riremo, omweko, amarwara na jityanyi jinduru ja ibhara.