Obhusweruro 2:21 - Indagano Inyaaya mu-Chijita

²¹ Anye naamuyaana omwanya agwa okuta ebhibhiibhi bhyaye, nawe omwene atakwenda okusiga obhuromesi bhwaye.

INDAGANO INYA:YA

²¹ Namuyae omwanya gwo kuta, nawe atakwenda kuta mu buromerwa bwae.

Obhusweruro 2:21 ပူးပေါင်းရင်းမြစ်များ

Barumi 9:22

Nikwo kutyo jiri ku‑Nyamuwanga. ꞉Eendere okweresya abhaanu risungu ryaye na okweresya amanaga gaaye, nawe ꞉aabheegumiirisiisye muno bhanu bheeyire okusingaarisibhwa.

1 Petero 3:20

Emyoyo ejo, ni ja abhaanu bhanu ꞉bhataagayukire Nyamuwanga kara awo, omwanya gunu Nuuwu aariga achaakonja ingarabha. Nyamuwanga ꞉eegumiirisiisye ebhibhiibhi bhyebhwe okukingira omwanya gunu ingarabha ꞉yaamarirwe okukonjwa. Mu‑ngarabha omwo, nimwo ꞉bheengiiye abhaanu bhatooto era, abhaanu bhataanu na bhasatu, bhanu ꞉bhaawonere okusingaarika mu‑manji.

2 Petero 3:15

Mumenye ati, Raatabhugenyi keegumiirisya abhaanu, korereki bhabhone omwanya gwa okuchunguka. Nikwo kutyo omuyiri weeswe Pawuro omwendwa ꞉aabhakaamiiye ku‑bhwengeeso bhunu Nyamuwanga amuyaaye.

2 Petero 3:9

Abhaanu abhandi abheetogera ati Raatabhugenyi kaakoora okukuumisya jinu ꞉aaragire, nawe atakukoora. Tari omwene keegumiirisya ku‑songa yeemwe, okubha atakwenda omuunu noorwo umwi abhure. Chinu keenda ni ati bhoone bhate ebhibhiibhi bhyebhwe.

Obhusweruro 16:11

Nibhafuma Nyamuwanga wa mu‑rwire ku‑songa ya obhwasye bhwafu na ebhironda bhyebhwe ebhibhiibhi. Noorwo ꞉bhataasigire okukora ebhikorwa bhyebhwe ebhibhiibhi.

Obhusweruro 16:9

Abhaanu nibhoochiibhwa kubhiibhi muno. Nibhafuma risiina rya Nyamuwanga kwa okubha omwene aariga ari na obhuturo ku‑tambara ejo, nawe ꞉bhataataaye ebhibhiibhi bhyebhwe ku‑mwene noorwo ꞉bhataamukusiisye.