Obhusweruro 2:13 - Indagano Inyaaya mu-Chijita

¹³ Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.

INDAGANO INYA:YA

¹³ Nimenyere anu wikae niwo ciri ecitebe ca iŋoma eca Syetani. Na ka ugwatire muno risi:na ryani, amwi utaremere kwikirisya anye, nakabee mu siku ja Antipa omwiikanyibwa wani unu anyimireko, unu e:tiywe mwimwe anu Syetani e:kae.

Obhusweruro 2:13 ပူးပေါင်းရင်းမြစ်များ

Matayo 10:23

Araabha bharibhanyaasya mu‑musi omurebhe, mbe mwirukire mu‑musi ogundi. Ni chimari enibhabhwira ati, mutarimara emirimu jeemwe mu‑misi joone ja Yisirayeeri, anye Omwana wa Omuunu nichaari kuuja.

Matayo 24:9

Ku‑mwanya ogwo, abhaanu bharibhaga nibhabhanyaasya na okubheeta na abhaanu bha amaanga goone bharibhasoka kwa okubha muri bharuubhirisya bhaani.

Matayo 4:10

Nawe Yeesu ˆnaamusubhya ati, “Sooka anu, Syetaani! Jikaamirwe mu‑Bhikaame Ebhyeru ati, ‘Uramye Raatabhugenyi Nyamuwanga waawo. Umukorere emirimu omwene era.’”

Ruuka 21:17

Abhaanu bhoone, bharibhasoka ku‑songa yaani.

Ebikorwa 22:20

Ka wone, bhunu isagama ya omubhambaasi waawo Tefwano ꞉yeetikire, naanye ꞉neemereeguuyu awo ninikirisyaga ati eetwe. Naanye naangariraga emyenda ja bhanu ꞉bhaamwitire.’

Ebikorwa 9:14

Woori ari anu, ari na inyarubha okusooka ku‑bhakuru bha abhagabhisi agwate bhoone bhanu abhasabhwa kw‑isiina ryawo.”

1 Batesalonika 5:21

tari, muregeeje emisango joone ja obhuragi, nawe mugwate‑mo ja ekisi

1 Timoteo 5:8

Nawe omuunu woonewoone unu atakusakira abhaanu bhaaye, chimwichimwi bharya bha mu‑musi gwaye, oyo kaabha asigire eriikirisya, ka wone, ni mubhiibhi okukira unu atari mwikirisya.

2 Timoteo 1:13

Ugwate kisi ameeyigisyo ga echimari ganu ꞉naakwiyigisiisye. Wiyigisye ago, ubhe echijekekanyo cha eriikirisya na eryenda bhinu ebhibhonekana kwa okwikirisya Kirisito Yeesu.

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

Baeburania 10:23

Chiikomeesye muno okugwatirira jinu echiikirisya na okwiyikanya, okubha Nyamuwanga unu ꞉aaragire, ni mwiyikanyibhwa.

Baeburania 3:6

Nawe Kirisito ni mwiyikanyibhwa rwa Omwana unu keemereegururu abhaanu bha mu‑nju ya Nyamuwanga. Abhaanu abho niiswe araabha chikagenderera okukingira ku‑bhuteero chiri na ribhaasi na okwikuuyisya jinu echiiyikanya.

Yakobo 2:7

Itari ati, nibho abho abhafuma risiina rya ekisi rya Yeesu Kirisito unu emwe muri abhaana bhaaye?

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

Obhusweruro 11:3

Nirituma abhabhambaasi bhaani bhabhiri, niribhayaana obhuturo bhwa okusoosya obhuragi, ku‑mwanya ogwoogwo gwa siku echiwumbi chimwi, magana gabhiri na makumi gataanu na rimwi (1,260). Bharisoosya obhuragi obhwo bhafwayega amagunira okweresya obhusurumbaaye bhwebhwe.”

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.

Obhusweruro 13:2

Rityanyi rinu ꞉naarorere ryariga nirisusana rwa ingo, nawe amaguru gaaryo gaariga gari rwa ga ritarago na omunwa gwaryo gwariga guri rwa gwa itare. Riyoka rirya, niriyaana rityanyi eryo, amanaga gaaryo, echitebhe chaaryo cha obhutungi na obhuturo bhwafu.

Obhusweruro 14:12

Woori, abheeru bha Nyamuwanga abhakenwa bheegumiirisye. Abho nibho abhagwata ebhiraagiro bhya Nyamuwanga na okwikirisya Yeesu.

Obhusweruro 17:14

Bharigwatana na rityanyi eryo, okukora riremo na Omwana wa Inaama. Nawe Omwana wa Inaama aribhayiga, kwa okubha omwene niwe Raatabhugenyi wa bharaatabhugenyi na Omukama wa abhakama. Bhanu bhari aamwi nage nibho bhabhirikiiywe na okusorwa na Nyamuwanga, abheene ni bheeyikanyibhwa.”

Obhusweruro 17:6

꞉Naaruguurire muno, nejire naarora omugasi oyo akorerwe isagama ya abheeru bha Nyamuwanga, bhanu ꞉bheetirwe ku‑songa ya okubha abhabhambaasi bha Yeesu.

Obhusweruro 2:2

Enimenya ebhikorwa bhyemwe, okwikomeesya kwemwe na obhwigumiirisya bhwemwe. Enimenya wone ati mutakutura okwigumiirisya abhaanu abhabhiibhi. Ka wone, mwaregeejere abhaanu bhanu abheetoga ati ni jitumwa, keenu bhatari jitumwa. Mwabharegeeja, nimusongʼana ati, ni bhabheeyi.

Obhusweruro 3:11

Eniija bhwangu! Mubhe abheeyikanyibhwa, korereki omuunu woonewoone aasiga okubhateesya orutengya rwemwe.

Obhusweruro 3:3

Mwichuke jinu ꞉mweeyigisiibhwe, nimujungwa. Mbe, muruubhe ejo na okuta ebhibhiibhi bhyemwe. Mukarema okutengeeja, niriija rwa kutyo omwifi kaaja na mutarimenya omwanya gunu niribhaaja‑ko.