Obhusweruro 17:5 - Indagano Inyaaya mu-Chijita

⁵ Ku‑chisuusu chaaye, ryariga rikaamirwe‑ko risiina rinu obhugajuro bhwaryo bhwariga bhuri mbisike. Risiina eryene ni rinu, Omusi Omukuru gwa Bhaabheeri, Nyiramwene Abhagasi Bhanu Abheegusya Okwibhonera Ribhona na Owa Amafuruurusyo ga Echaaro.

INDAGANO INYA:YA

⁵ Ku cisu:su cae ryandikirweko risi:na ryo bumbise ati, babuloni omukuru, nyira bamaraya na nyira binu ebifururusya ebye ca:ro.

Obhusweruro 17:5 ပူးပေါင်းရင်းမြစ်များ

Bafilipi 3:19

Abhaanu abho bharisingaarisibhwa ku‑bhuteero, kwa okubha inda niryo risambwa ryebhwe. Abheene abheekuuyisya ebhikorwa bhya jiswaro bhinu abhakora. Ka wone abheeganirisya era emisango ja ku‑chaaro.

2 Batesalonika 2:7

Omunyamusi oyo, noorwo woori kaakora emirimu jaaye bhumbise muno. Nawe, ataribhonekana abhweru okukingira unu kaamuyingirira arisoosibhwa‑wo.

Obhusweruro 1:20

꞉Waarorere jinjota etaanu na ebhiri mu‑kubhoko kwani kwa ebhuryo. ꞉Waarorere wone emitereko etaanu na ebhiri ja inaaryo ja okutuura‑ko jidara. Siga nikwiyigisye obhugajuro bhwa jimbisike ejo. Emitereko jirya ni amakanisa garya agataanu na gabhiri, jinjota jirya etaanu na ebhiri ni bhamaraayika bha amakanisa ago.”

Obhusweruro 11:8

Emitumbi ja abhabhambaasi abho jirimaama kw‑iparapara rikuru rya omusi omukuru. Ogwo nigwo omusi gunu Raatabhugenyi weebhwe ꞉aabhambirwe ku‑musarabha. Omusi ogwo guri na itungwa rwa ya Sodoma na ya echaaro cha Miisiri.

Obhusweruro 14:8

Neeya, maraayika owundi ˆnaaruubhira ˆnaayikaga ati, “Gwasingaarika! Omusi omukuru gwa Bhaabheeri gwasingaarika chimwi! Omusi ogwo ꞉gwanywesiisye abhaanu bha amaanga goone echifuufu echiruru kabhukabhu. Echifuufu echo ni obhuromesi bhwagwo.”

Obhusweruro 16:19

Kutyo nirireterera omusi omukuru gwa Bhaabheeri nigutaana‑mo mabhaara gasatu na emisi emikuru ja amaanga nijisingaarisibhwa joone. Nawe Nyamuwanga ꞉ataarabhiiywe omusi omukuru gwa Bhaabheeri. ˆNaagusinyiirisya gunywe echifuufu echiruru okusooka mu‑mutawo gwa risungu ryaye eryafu.

Obhusweruro 17:1

Neeya, owumwi wa bhamaraayika bhataanu na bhabhiri bhanu bhaariga bhari na amabhakuri garya ga risungu rya Nyamuwanga ˆnaanyiija‑ko, ˆnaambwira ati, “Iija enu, nikweresye kutyo Nyamuwanga ariramura omugasi urya omukuru unu eegusyaga okwibhonera ribhona, eenyanjire ku‑misima myafu.

Obhusweruro 17:2

Abhakama bha echaaro ꞉bhaakorere obhuromesi nage, na abhaanu bhanu bheekaaye ku‑chaaro wone, bhakorerwe obhuromesi bhwaye rwa omuunu unu akorerwe echifuufu.”

Obhusweruro 17:7

Nawe maraayika urya ˆnaambusya ati, “Kurwa ki owuruguura? Siga nikubhwire obhugajuro bhwa imbisike ya omugasi oyo na obhwa rityanyi rinu ariinyire‑ko erya emitwe etaanu na ebhiri na amayembe ekumi.

Obhusweruro 18:2

ˆNaamura obhuraka bhunene muno, ˆnaayika ati, “Gwasingaarika! Omusi omukuru gwa Bhaabheeri gwasingaarika! Woori gwabha obhwikaro bhwa okwiyibhisa‑mo amasambwa ga bhuri mbaga. Gwabha obhwigamo bhwa bhuri inyonyi joone jimbiibhi na jinu ejifuruurusya.

Obhusweruro 18:21

Mbe, maraayika owumwi owa amanaga, ˆnaabhatura ribhuyi risito rwa orubhuyi rwa okuseera‑ko, ˆnaaryesa mu‑nyanja, ˆnaayika ati, “Ku‑managa maafu rwa kutya, omusi omukuru gwa Bhaabheeri guryeswa na okusingaarika chimwi.

Obhusweruro 19:2

okubha indamu yaaye ni ya chimari na ya rirenga. Aaramura omugasi omukuru urya eegusyaga okwibhonera ribhona unu ꞉aanyamuuye echaaro ku‑bhusengani bhwaye. Nyamuwanga aasubhya orusiima, inguru ya isagama ya abhakosi bhanu omugasi oyo ꞉eetire.”

Obhusweruro 7:3

ˆnaayikaga ati, “Murindirire okwamba! Musige okunyamura echaaro, inyanja noorwo amati, okukingira anu chirimara okutuura‑ko orunabho ku‑bhisuusu bhya abhakosi bha Nyamuwanga weeswe.”