Obhusweruro 17:2 - Indagano Inyaaya mu-Chijita

² Abhakama bha echaaro ꞉bhaakorere obhuromesi nage, na abhaanu bhanu bheekaaye ku‑chaaro wone, bhakorerwe obhuromesi bhwaye rwa omuunu unu akorerwe echifuufu.”

INDAGANO INYA:YA

² Niwe unu abakama be ca:ro bama:maga nage. Na banu be:kae ku ca:ro nibakorwaga obwarwa bwo buromerwa bwae.

Obhusweruro 17:2 ပူးပေါင်းရင်းမြစ်များ

Yowana 2:10

Omutwasi ejire aakinga, omukuru wa obhuregesi ˆnaamubhwira ati, “Bhuri muunu unu kaakora obhuregesi kaatangataga okwamba okuyaana abhagenyi echifuufu cha ekisi. Abhagenyi bhaakanywa, nibheeywa, niwo kaareeta echifuufu chinu chitari cha ekisi. Nawe awe waareeta echifuufu cha ekisi muno ku‑bhuteero!”

Obhusweruro 14:8

Neeya, maraayika owundi ˆnaaruubhira ˆnaayikaga ati, “Gwasingaarika! Omusi omukuru gwa Bhaabheeri gwasingaarika chimwi! Omusi ogwo ꞉gwanywesiisye abhaanu bha amaanga goone echifuufu echiruru kabhukabhu. Echifuufu echo ni obhuromesi bhwagwo.”

Obhusweruro 17:13

Abhakama ekumi abho bharibha na obhukarariiye bhumwi, bhariyaana rityanyi eryo obhuturo na amanaga geebhwe goone.

Obhusweruro 17:17

Nyamuwanga omwene niwe ꞉aabhakorere bhabhe na obhukarariiye bhumwi bhwa okuyaana rityanyi obhuturo bhwebhwe bhwa okutunga. Abho bharikora kutyo okukingira anu obhutinge bhwa Nyamuwanga bhurikuumira.

Obhusweruro 17:5

Ku‑chisuusu chaaye, ryariga rikaamirwe‑ko risiina rinu obhugajuro bhwaryo bhwariga bhuri mbisike. Risiina eryene ni rinu, Omusi Omukuru gwa Bhaabheeri, Nyiramwene Abhagasi Bhanu Abheegusya Okwibhonera Ribhona na Owa Amafuruurusyo ga Echaaro.

Obhusweruro 17:8

Rityanyi rinu ꞉waarorere, ryariga riri aanga nawe woori ryafuuwe. Rityanyi eryo, riri yeeyi okusooka mu‑ryobho rinu ritari na obhuteero, korereki Nyamuwanga arisingaarisye. Abhaanu bhoone ku‑chaaro bhanu amasiina geebhwe ꞉gataakaamirwe mu‑chitabho cha obhuwanga echaaro chichaari okubhumbwa, bhariruguura aribha bhaarora rityanyi eryo ryariga riri‑wo, woori ritari‑wo na riribha‑wo rindi.”

Obhusweruro 18:23

Idara itaryaka rindi. Noorwo bhutaribha‑wo obhuregesi bhwa omutwasi noorwo bhwa omwenga. Omusi gwa Bhaabheeri gurikorwa kutyo kwa okubha abhakaani bha ebhiinu bhyagwo bhaariga bhari abhaanu abhakuru bha echaaro. Ku‑bhurosi bhwa omusi ogwo, amaanga goone gajigirwe.

Obhusweruro 18:3

Gwagwa kwa okubha abhaanu bha amaanga goone ꞉bhaanyweye echifuufu chaagwo, ꞉bhaakorerwe obhurigire bhwafu bhwa obhuromesi bhwagwo, abhakama bha echaaro ꞉bhaakorere obhuromesi nage. Abhakaani bha ebhiinu ku‑chaaro ꞉bhaaniibhire ku‑songa ya ebhibhiibhi bhyaye bhinu bhitari na indengo.”

Obhusweruro 18:9

Abhakama bha echaaro bhanu ꞉bhaakorere obhuromesi nage na okusangira obhuniibhi bhwaye, bharirira na okusurumbarira omugasi urya omwanya gunu bharirora ingesi ya okusingaarisibhwa kwaye.

Obhusweruro 2:22

Mutegeresye! Woori ku‑songa eyo, nirimuteemera obhurwaye bhunu bhurikora asige okusooka ku‑bhuriri. Bhoone bhanu abhakora obhuromesi aamwi nage, aribha bhaarema okuta ebhikorwa bhyebhwe ebhibhiibhi, niribhanyaasya muno.

Obhusweruro 3:10

Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.

Obhusweruro 9:21

꞉Bhataataaye ebhibhiibhi bhyebhwe bhya okwitana, okuroga, okukora obhuromesi, noorwo obhwifi.