Obhusweruro 17:17 - Indagano Inyaaya mu-Chijita

¹⁷ Nyamuwanga omwene niwe ꞉aabhakorere bhabhe na obhukarariiye bhumwi bhwa okuyaana rityanyi obhuturo bhwebhwe bhwa okutunga. Abho bharikora kutyo okukingira anu obhutinge bhwa Nyamuwanga bhurikuumira.

INDAGANO INYA:YA

¹⁷ Okuba Nyamuanga niwe atee mu mitima jebwe okukora binu arwajire, barome gumwi, bayanega rityanyi obukama bwebwe, kukinga runu emisango ja Nyamuanga jiriku:mirira.

Obhusweruro 17:17 ပူးပေါင်းရင်းမြစ်များ

Ruuka 22:22

Anye Omwana wa Omuunu enigenda okwitwa rwa kutyo jikarariiywe. Nawe, jiribhona omuunu unu arintuura mu‑mabhoko ga abhasoko!”

Ruuka 22:3

Mbe, Yuuda Isikariyooti, umwi wa abheeyigisibhwa ekumi na bhabhiri bha Yeesu, ˆneengirwa na Syetaani mu‑mwoyo.

Ruuka 22:37

Okubha jikaamirwe ati, ‘꞉Aabhariiywe aamwi na abhakosi bha ebhibhiibhi.’ Emisango ejo, ꞉jaakaamirwe inguru yaani. Emisango jinu ꞉naakaamiiywe ni bhusibhusi jikuumire.”

Yowana 10:35

Jikaamirwe mu‑Bhikaame Ebhyeru ati, abhaanu bhanu ꞉bhaaramiiye emisango ja Nyamuwanga, abho Nyamuwanga ꞉aabhabhirikiiye ati ni bhanyamuwanga. Eswe chimenyere ati, jinu jikaamirwe mu‑Bhikaame Ebhyeru ni ja chimari.

Yowana 13:18

“Nitakwayika ejo inguru yeemwe bhoone. Nimenyere bhanu nisorere okubha abheeyigisibhwa bhaani. Nawe ni bhusibhusi jikuumire jinu jikaamirwe mu‑Bhikaame Ebhyeru ati, ‘Omuunu unu aari naarya aamwi na anye, niwe aayinduka okubha omusoko waani.’

Yowana 13:2

Yeesu na abheeyigisibhwa bhaaye bhaariga nibharya ebhiryo bhya keegoro. Omwanya ogwo, Syetaani aariga aamarire okukongya Yuuda, omwana wa Simooni Isikariyooti, korereki aromere Yeesu iniku.

Yowana 19:24

Mbe, nibhaayikana ati, “Chisige okutemura omwingiro gunu, tari chigwitongisye, chirore ati, oguja okubha gwa ga.” Ejo ꞉jaakorekeene korereki jikuumire jinu jikaamirwe mu‑Bhikaame Ebhyeru ati, “꞉Bhaagabheene emyenda jaani, na okwitongya inguru ya omwingiro gwani.” Nikwo kutyo abhasirikare abho ꞉bhaakorere.

Yowana 19:28

Mbe, Yeesu ˆnaasombookerwa ati aariga aamarire okukora emirimu jaaye joone. Mbe, ˆnaayika ati, “Obhwiro bhwanyita.” Kurwa ejo, nijikuumira jinu jikaamirwe mu‑Bhikaame Ebhyeru.

2 Bakorinto 8:16

Enisiima Nyamuwanga unu ayaaye Tiito omwoyo gwa okubhasakira, rwa gunu anye wone niri nagwo.

Obhusweruro 10:7

Omwanya gunu maraayika wa kataanu na kabhiri aribhuma ingʼombi yaaye, Nyamuwanga arikuumisya obhutinge bhwa imbisike yaaye. Irikuumisibhwa rwa kutyo ꞉aaraasisiisye abhakosi bhaaye abharagi.”

Obhusweruro 15:1

Nejire neeya, nindora echibharikisyo echindi echinene na cha okuruguusya mu‑rwire. ꞉Naarorere bhamaraayika bhataanu na bhabhiri nibhareetaga jitambara etaanu na ebhiri ja obhuteero. Jitambara ejo ejikuumisya risungu rya Nyamuwanga.

Obhusweruro 17:13

Abhakama ekumi abho bharibha na obhukarariiye bhumwi, bhariyaana rityanyi eryo obhuturo na amanaga geebhwe goone.

Obhusweruro 19:9

Maraayika urya ˆnaambwira ati, “Kaama ati, bhari na ribhando bhanu bhakokerwe mu‑bhuregesi bhwa Omwana wa Inaama.” ˆNaambwira wone ati, “Ejo nijo emisango ja echimari ja Nyamuwanga.”

Obhusweruro 6:11

Niwo abhaanu bhoone bhanu ꞉bheetirwe, nibhayaanwa emingiro jiinyeru. Nibhabhwirwa ati, bharindirire‑wo katungu katooto, okukingira abhakosi bheejaabho, bhanu bhari abhayiri bheebhwe mu‑riikirisya, wone bheetwe rwa kutyo abheene ꞉bheetirwe. Niwo obhukumi bhwebhwe obhuja okukuumira.