Obhusweruro 16:2 - Indagano Inyaaya mu-Chijita

² Mbe, maraayika wa okwamba ˆnaagenda, ˆnaasuka ku‑chaaro risungu rya Nyamuwanga rinu ryariga riri mw‑ibhakuri ryaye. Awoawo, abhaanu bhoone bhanu bhaariga bhari na orunabho rwa rityanyi rirya na bhanu bhaaramyaga risusano ryaryo, nibheemukirwa ebhironda ebhibhiibhi nibhiruma muno.

INDAGANO INYA:YA

² Owo kwamba nagenda, ne:ta akabiga kae ku ca:ro. Mbe aba:nu banu bari no runyamo rwa rityanyi, na banu abaramya ecisusano caryo, nibe:mukirwa bironda bibi:bi nibitatabuka.

Obhusweruro 16:2 ပူးပေါင်းရင်းမြစ်များ

Ebikorwa 12:23

Yeroode ꞉ataayaaye Nyamuwanga echibharo, kurwa ejo awoawo maraayika wa Raatabhugenyi ˆnaamubhuma kwa obhurwaye bhwa okutimbwa na jimuka, ˆnaafwa.

Obhusweruro 13:12

Nirikorera obhuturo bhwone bhwa rityanyi rirya rya okwamba na inguru yaaryo eryene. Rityanyi rya kabhiri eryo nirisinyiirisya abhaanu bhoone bha ku‑chaaro bharamye rityanyi rya okwamba rinu ryariga riri na riwuta rya okufwa rinu ꞉ryaworere.

Obhusweruro 14:16

Niwo omuunu oyo, ˆneesya omuworo gwaye ku‑chaaro, ˆnaagesa ebhigeswa bhya echaaro choone.

Obhusweruro 14:9

Mbe, ˆnaabhonekana maraayika owundi wa kasatu. ˆNaamura obhuraka ˆnaayika ati, “Araabha omuunu akaramya rityanyi eryo na risusano ryaryo, na okutuurwa‑ko orunabho ku‑chisuusu amwi ku‑kubhoko,

Obhusweruro 16:1

Nejire neeya, ninuungwa obhuraka bhunene okusooka mw‑Iyekaru rya Nyamuwanga omwo, nibhubhwiraga bhamaraayika bhataanu na bhabhiri bharya ati, “Mugende musuke ku‑chaaro risungu rya Nyamuwanga rinu riri mu‑mabhakuri gataanu na gabhiri garya.”

Obhusweruro 16:11

Nibhafuma Nyamuwanga wa mu‑rwire ku‑songa ya obhwasye bhwafu na ebhironda bhyebhwe ebhibhiibhi. Noorwo ꞉bhataasigire okukora ebhikorwa bhyebhwe ebhibhiibhi.

Obhusweruro 8:7

Maraayika wa okwamba ˆnaabhuma ingʼombi yaaye. Niwo niigwa ingʼubha ya amabhuyi na omuriro bhisasikeene na isagama, nibhyeswa ku‑chaaro. Omuriro ogwo nigusingaarisya orubhaara orumwi ku‑mbaara esatu ja echaaro na amati, nigusingaarisya amanyaasi amabhisi goone ku‑rubhaara orumwi orwoorwo.