Obhusweruro 16:16 - Indagano Inyaaya mu-Chijita

¹⁶ Mbe, amasambwa ago, nigakumanya abhakama bhoone na bhasirikare bheebhwe orubhaara runu mu‑Chiyebhuraniya orutogwa ati, Arimagidooni.

INDAGANO INYA:YA

¹⁶ Nibabakofifya anu katogwa mu Cieburania ati, Aramagedoni.

Obhusweruro 16:16 ပူးပေါင်းရင်းမြစ်များ

Yowana 19:13

Piraato ejire oongwa emisango ejo, ˆnaawurusya Yeesu anja. Piraato omwene ˆnaagenda okwinyanja ku‑chitebhe cha indamu, anu bhaabhirikiraga ati, Omwariro gwa Amabhuyi. Mu‑Chiyebhuraniya kaabhirikirwa ati, Gabhata.

Yowana 19:17

ˆNaagega omusarabha gwaye omwene, ˆnaasooka mu‑musi, ˆnaagenda anu mu‑nyaayika ya Echiyebhuraniya kaatogwa ati Gorigoota, obhugajuro bhwagwo ni chiyanga cha omuunu.

Yowana 5:2

Mu‑Yerusareemu omwo, ryariga riri‑wo rirango rinene rinu eritogwa ati, Rirango rya Jinaama. Ayeeyi na rirango eryo, ryariga riri‑wo ritanga rinene rinu risiina ryaryo mu‑nyaayika ya Echiyebhuraniya ni Bhetijaata. Ritanga eryo ryariga risingiiywe na amagaragariro gataanu ganu gaariga gagwatiriiywe na jingʼingi.

Ebikorwa 26:14

Eswe bhoone nichigwa aasi, anye ninuungwa obhuraka nibhumbirikira mu‑nyaayika yaasu ya Echiyebhuraniya ˆnaayika ati, ‘Saawuri awe! Saawuri awe! Ni kurwa ki owunnyaasya? Kukomeeye awe okubhara kw‑ichumu na okuguru kwawo!’

Obhusweruro 17:14

Bharigwatana na rityanyi eryo, okukora riremo na Omwana wa Inaama. Nawe Omwana wa Inaama aribhayiga, kwa okubha omwene niwe Raatabhugenyi wa bharaatabhugenyi na Omukama wa abhakama. Bhanu bhari aamwi nage nibho bhabhirikiiywe na okusorwa na Nyamuwanga, abheene ni bheeyikanyibhwa.”

Obhusweruro 9:11

Jiisige ejo, jaariga jiri na omukama waajo. Omukama oyo aariga ari maraayika omukuru wa mu‑ryobho rinu ritari na obhuteero. Maraayika oyo, mu‑Chiyebhuraniya kaatogwa Abhadooni na mu‑Chiyunaani kaatogwa Aporiyooni. Obhugajuro bhwagwo ni “Omusingaarisi.”