Obhusweruro 16:10 - Indagano Inyaaya mu-Chijita

¹⁰ Niwo maraayika wa kataanu ˆnaasuka ku‑chitebhe cha obhutungi cha rityanyi rirya, risungu rya Nyamuwanga rinu ryariga riri mw‑ibhakuri ryaye. Awoawo echisuute nichiswikira obhukama bhwaryo na abhaanu nibheerumaruma jindimi jeebhwe inguru ya obhwasye bhwa ebhironda.

INDAGANO INYA:YA

¹⁰ Maraika wa kata:nu nasuka akabiga kae ku citebe co bukama bwa rityanyi. Obukama bwaryo nibuba cisu:te, nibe:ruma jindimi jebwe kurwo kwasibwa.

Obhusweruro 16:10 ပူးပေါင်းရင်းမြစ်များ

Matayo 13:42

Bhamaraayika abho, bharyesa abhaanu abhajabhi bhoone mu‑nyanja ya omuriro. Omwo nimwo bhaririraga na okuguguna ameeno.

Matayo 13:50

Niwo bharyesa abhakosi bha ebhibhiibhi mu‑nyanja ya omuriro. Omwo nimwo bhaririraga na okuguguna ameeno.”

Matayo 22:13

Mbe, omukama ˆnaabhwira abhakosi bhaaye ati, ‘Mubhoye omuunu unu amaguru na amabhoko na mumwese anja mu‑chisuute. Omwo nimwo abhaanu bhaririraga na okuguguna ameeno.’”

Matayo 24:51

Niwo omwami waaye arimuyaana jimbuma muno na okumwesa anu abheerimaanya bhari. Omwo nimwo abhaanu bhaririraga na okuguguna ameeno.”

Matayo 8:12

Nawe Abhayisirayeeri abharebhe bhanu bhaariga nibheeyikanya okwingira mu‑bhukama obhwo, bharyeswa anja mu‑chisuute, omwo nimwo bhaririraga na okuguguna ameeno.”

Ruuka 13:28

“Niwo muririraga na okuguguna ameeno, kwa okubha murirora Bhurayimu, Isaaka, na Yakobho, na abharagi bhoone bhari mu‑bhukama bhwa Nyamuwanga, nawe emwe abheene muribhaga mujugunirwe anja!

1 Petero 2:17

Muyaane echibharo abhaanu bhoone na mwende abheekirisya abheejaanyu. Mugayuke Nyamuwanga na muyaane echibharo omukama weemwe.

Obhusweruro 11:10

Orufu rwa abharagi abhabhiri abho rurikora abhaanu bha ku‑chaaro anu bhakonderwe na okukora obhuregesi na okugenyana emigemu. Bharikora kutyo, kwa okubha abharagi abho ꞉bhaabhanyaasiisye muno.

Obhusweruro 11:2

Nawe waasiga okurenga orubhuga rwa Riyekaru rya Nyamuwanga, kwa okubha orwo bhayaaywe abhanyamanga. Abhaanu abho bharitajirira Yerusareemu omusi omweru ku‑mwanya gwa ameesi makumi gana na gabhiri.

Obhusweruro 11:8

Emitumbi ja abhabhambaasi abho jirimaama kw‑iparapara rikuru rya omusi omukuru. Ogwo nigwo omusi gunu Raatabhugenyi weebhwe ꞉aabhambirwe ku‑musarabha. Omusi ogwo guri na itungwa rwa ya Sodoma na ya echaaro cha Miisiri.

Obhusweruro 17:17

Nyamuwanga omwene niwe ꞉aabhakorere bhabhe na obhukarariiye bhumwi bhwa okuyaana rityanyi obhuturo bhwebhwe bhwa okutunga. Abho bharikora kutyo okukingira anu obhutinge bhwa Nyamuwanga bhurikuumira.

Obhusweruro 17:9

Maraayika oyo ˆnaagenderera okwayika ati, “Omusango gunu ogukena obhwengeeso. Emitwe etaanu na ebhiri jinu ꞉waarorere ni bhiima bhitaanu na bhibhiri bhinu omugasi oyo aariga eenyanjire‑ko.

Obhusweruro 18:2

ˆNaamura obhuraka bhunene muno, ˆnaayika ati, “Gwasingaarika! Omusi omukuru gwa Bhaabheeri gwasingaarika! Woori gwabha obhwikaro bhwa okwiyibhisa‑mo amasambwa ga bhuri mbaga. Gwabha obhwigamo bhwa bhuri inyonyi joone jimbiibhi na jinu ejifuruurusya.

Obhusweruro 18:21

Mbe, maraayika owumwi owa amanaga, ˆnaabhatura ribhuyi risito rwa orubhuyi rwa okuseera‑ko, ˆnaaryesa mu‑nyanja, ˆnaayika ati, “Ku‑managa maafu rwa kutya, omusi omukuru gwa Bhaabheeri guryeswa na okusingaarika chimwi.

Obhusweruro 18:23

Idara itaryaka rindi. Noorwo bhutaribha‑wo obhuregesi bhwa omutwasi noorwo bhwa omwenga. Omusi gwa Bhaabheeri gurikorwa kutyo kwa okubha abhakaani bha ebhiinu bhyagwo bhaariga bhari abhaanu abhakuru bha echaaro. Ku‑bhurosi bhwa omusi ogwo, amaanga goone gajigirwe.

Obhusweruro 8:12

Maraayika wa kana wone ˆnaabhuma ingʼombi yaaye. Niwo ribhaara erimwi ku‑mbaara esatu ja risuubha, ja okwesi na ja jinjota, niribhumwa niribha chisuute. Orubhaara rwa kasatu rwa mu‑mwisi na mu‑ngeta nichibha chisuute chaafu muno.

Obhusweruro 9:2

Niyiigura eryobho eryo, ingesi nyafu muno rwa ingesi ya obhuyi bhunene niisooka‑mo. Orutumba na risuubha nibhifundikirwa, nichibha chisuute ku‑songa ya ingesi eyo.