Obhusweruro 15:7 - Indagano Inyaaya mu-Chijita

⁷ Owumwi wa ebhibhumbwa ebhina bhya obhuwanga bhirya, ˆnaayaana bhuri owumwi wa bhamaraayika bhataanu na bhabhiri abho, ribhakuri rya inaaryo rinu riijuuye risungu rya Nyamuwanga, omuwanga akajaanende koone.

INDAGANO INYA:YA

⁷ Intyanyi imwi ku ntyanyi ejo ena ni:yana bamaraika abo bata:nu na babiri bibiga bita:nu na bibiri ebya ijaabu binu bi:juye risungu rya Nyamuanga unu ari muanga kajanende na kajanende.

Obhusweruro 15:7 ပူးပေါင်းရင်းမြစ်များ

1 Batesalonika 1:9

Abhaanu abho abhatonda kutyo ꞉mwachikumire na kutyo ꞉mwasigire okuramya amasusano geemwe, nimuyinduka, nimuramya Nyamuwanga omuwanga na owa echimari.

Obhusweruro 1:18

Naanye unu niri omuwanga! Naariga nifuuwe, nawe woori, rora, niri omuwanga rindi akajaanende koone! Ka wone, anye niri na jinyiguriro ja orufu na ja nyombe.

Obhusweruro 10:6

ˆNaarayira kw‑isiina rya Nyamuwanga unu ari omuwanga akajaanende koone, omubhumbi wa orutumba, echaaro, inyanja na bhinu bhiri‑mo. Maraayika oyo, ˆnaayika ati, “Omwanya gwa okurindirira rindi gutachaari‑wo.

Obhusweruro 14:10

omuunu oyo wone arinywa echifuufu. Eryo niryo risungu rya Nyamuwanga, ni ruru kabhukabhu rwa obhwarwa bhunu bhutasasiibhwe‑mo amanji. Nyamuwanga omwene ariisuka mu‑mutawo gwaye gwa risungu, na okuyaana omuunu oyo korereki anywe. Omuunu oyo arinyaaka, mu‑muriro omururu gwa emisimu ja echibhiriiti gunu ogwaka, imbere ya bhamaraayika abheeru na imbere ya Omwana wa Inaama.

Obhusweruro 15:1

Nejire neeya, nindora echibharikisyo echindi echinene na cha okuruguusya mu‑rwire. ꞉Naarorere bhamaraayika bhataanu na bhabhiri nibhareetaga jitambara etaanu na ebhiri ja obhuteero. Jitambara ejo ejikuumisya risungu rya Nyamuwanga.

Obhusweruro 16:2

Mbe, maraayika wa okwamba ˆnaagenda, ˆnaasuka ku‑chaaro risungu rya Nyamuwanga rinu ryariga riri mw‑ibhakuri ryaye. Awoawo, abhaanu bhoone bhanu bhaariga bhari na orunabho rwa rityanyi rirya na bhanu bhaaramyaga risusano ryaryo, nibheemukirwa ebhironda ebhibhiibhi nibhiruma muno.

Obhusweruro 17:1

Neeya, owumwi wa bhamaraayika bhataanu na bhabhiri bhanu bhaariga bhari na amabhakuri garya ga risungu rya Nyamuwanga ˆnaanyiija‑ko, ˆnaambwira ati, “Iija enu, nikweresye kutyo Nyamuwanga ariramura omugasi urya omukuru unu eegusyaga okwibhonera ribhona, eenyanjire ku‑misima myafu.

Obhusweruro 21:9

Neeya owumwi wa bhamaraayika bhataanu na bhabhiri bharya, bhanu bhaariga bhari na amabhakuri gataanu na gabhiri ga jitambara etaanu na ebhiri ja obhuteero, ˆnaaja ˆnaambwira ati, “Iija enu, nikweresye omwenga, unu aribha omugasi wa Omwana wa Inaama.”

Obhusweruro 4:10

Bhuri omwanya Nyamuwanga aariga ˆnaakuuyibhwa na ebhibhumbwa bhirya, abhakaruka makumi gabhiri na bhana bharya, bhaariga nibhagwa bhwifumbike imbere ya unu eenyanjire ku‑chitebhe cha ingʼoma na okumuramya. Omwene oyo, niwe omuwanga akajaanende koone. Wone bhaariga nibhafuura jitengya jeebhwe, nibhajituura imbere ya echitebhe cha ingʼoma, nibhaayikaga ati,

Obhusweruro 5:8

Ejire aaramira echitabho echo, ebhibhumbwa bhirya na abhakaruka bharya nibhagwa bhwifumbike imbere yaaye. Bhuri umwi weebhwe aariga ari na indono na amabhakuri ga inaaryo geejuuywe obhubhaani. Obhubhaani obhwo niryo risabhwa rya abheeru bha Nyamuwanga.