Obhusweruro 15:3 - Indagano Inyaaya mu-Chijita

³ Abhaanu abho bhaariga nibheemba orwimbo rwa Muusa, omukosi wa Nyamuwanga. Orwimbo orwoorwo nirwo rwa Omwana wa Inaama. Bheembaga ati, “Raatabhugenyi awe Nyamuwanga owa obhuturo bhwone, ebhikorwa bhyawo ni bhikuru na ebhya okuruguusya. Awe, niwe Omukama wa amaanga goone, na jinjira jaawo ni ja obhurengeresi na ja echimari.

INDAGANO INYA:YA

³ Nibemba orwimbo rwa Musa omugaya wa Nyamuanga, no rwimbo rwo Mwana wa Ina:ma, niba:ika ati, Ebikorwa byao ni bikuru ne byo kurugu:ra, Awe Ratabugenyi Nyamuanga unu outura byone. Jinjira jao ni jo burenge:resi ne jo kumasya, Awe Mukama wa kajanende.

Obhusweruro 15:3 ပူးပေါင်းရင်းမြစ်များ

Yowana 1:17

Okubha, Nyamuwanga ꞉aasoosiisye ebhiraagiro bhyaye okutura ku‑Muusa, na woori asoosiisye obhwitiriranya bhwaye na echimari chaaye okutura ku‑Yeesu Kirisito.

1 Timoteo 1:17

Nyamuwanga niwe omukama unu atari na obhuteero, atakufwa na atakubhonekana, atari‑wo owundi rwa omwene. Omwene ayaanwe echibharo na rikusyo akajaanende koone. Jibhe kutyo.

Baeburania 3:5

Muusa aariga ari mukosi omwiyikanyibhwa ku‑bhaanu bhoone bha mu‑nju ya Nyamuwanga. Omurimu gwaye gwariga guri chijekekanyo cha emisango jinu Nyamuwanga akasweruriiye abhaanu mu‑siku ja imbere eyo.

Obhusweruro 1:8

Raatabhugenyi Nyamuwanga kaayika ati, “Naanye Obhwambiro na Obhuteero. Anye niri‑wo, naariga niri‑wo na niribha‑wo. Anye niri Nyamuwanga owa obhuturo bhwone.”

Obhusweruro 11:17

nibhaayikaga ati, “Echikusiima Raatabhugenyi Nyamuwanga owa obhuturo bhwone. Awe waariga uri‑wo noorwo woori uri‑wo. Ku‑bhuturo bhwawo obhukuru woori waamba okutunga echaaro choone.

Obhusweruro 14:3

Abhaanu abho, bhaariga bheemereeguuyu imbere ya echitebhe cha ingʼoma chirya, na imbere ya ebhibhumbwa bhina ebhiwanga bhirya na abhakaruka bharya makumi gabhiri na bhana. Abhaanu abho, bhaariga nibheemba orwimbo oruyaaya na atari‑wo omuunu owundi unu ꞉aaturire okwiyigira okwimba orwimbo orwo, tari abho bhaariga bhagurirwe okusooka ku‑chaaro.

Obhusweruro 14:8

Neeya, maraayika owundi ˆnaaruubhira ˆnaayikaga ati, “Gwasingaarika! Omusi omukuru gwa Bhaabheeri gwasingaarika chimwi! Omusi ogwo ꞉gwanywesiisye abhaanu bha amaanga goone echifuufu echiruru kabhukabhu. Echifuufu echo ni obhuromesi bhwagwo.”

Obhusweruro 17:14

Bharigwatana na rityanyi eryo, okukora riremo na Omwana wa Inaama. Nawe Omwana wa Inaama aribhayiga, kwa okubha omwene niwe Raatabhugenyi wa bharaatabhugenyi na Omukama wa abhakama. Bhanu bhari aamwi nage nibho bhabhirikiiywe na okusorwa na Nyamuwanga, abheene ni bheeyikanyibhwa.”

Obhusweruro 19:16

Ku‑mwingiro gwaye gunu guswikiiye ribhaajwa ryaye, rikaamirwe‑ko risiina rinu, Omukama wa abhakama na Raatabhugenyi wa bharaatabhugenyi.

Obhusweruro 19:2

okubha indamu yaaye ni ya chimari na ya rirenga. Aaramura omugasi omukuru urya eegusyaga okwibhonera ribhona unu ꞉aanyamuuye echaaro ku‑bhusengani bhwaye. Nyamuwanga aasubhya orusiima, inguru ya isagama ya abhakosi bhanu omugasi oyo ꞉eetire.”

Obhusweruro 4:8

Ebhibhumbwa ebhina ebhyo, bhuri chimwi chaariga chiri na amabhabha gataanu na rimwi. Bhyone kutyo, bhyariga bhiswirire ameeso bhuri orubhaara, noorwo ku‑mabhabha. Ebhibhumbwa ebhyo bhyariga nibhiimba mu‑ngeta na mu‑mwisi okujibhira wuri. Orwimbo runu bhyembaga ni runu, “Mweru, Mweru, Mweru ni Raatabhugenyi Nyamuwanga owa obhuturo bhwone, aariga ari‑wo, ari‑wo na aribha‑wo.”