Obhusweruro 15:2 - Indagano Inyaaya mu-Chijita

² Ka wone, nindora echiinu chinu chaariga chiri rwa inyanja ya rirore, inu isasikeene na omuriro. Ku‑mbarimbari awo, bhaariga bheemereeguuyu‑wo abhaanu bhanu ꞉bhaayigire rityanyi rirya, risusano ryaryo, aamwi na obhukumi bhwa risiina ryaryo. Abhaanu abho bhaariga bhagwatiriiye jindono mu‑mabhoko geebhwe ganu bhaariga bhayaaywe na Nyamuwanga korereki bhamuramye.

INDAGANO INYA:YA

² Nindora rwa inyanja ya marore gasasikene no muriro. Nindora na banu baigire rityanyi ne cisusano caryo no bukumi bwa risi:na ryaryo, nimbarora be:mereguyu ku nyanja ya marore, bari na matungu ga Nyamuanga.

Obhusweruro 15:2 ပူးပေါင်းရင်းမြစ်များ

Matayo 3:11

“Anye enibhabhatiija mu‑manji okweresya ati, muyindukiiye Nyamuwanga. Nawe kaja okuuja omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

1 Petero 1:7

Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

1 Petero 4:12

Abheendwa bhaani, mwasiga okuruguura inguru ya ebhinyaasyo ebhiruru kabhukabhu bhinu ebhisookerera mw‑imwe okuregeeja eriikirisya ryemwe. Mwasiga okurora wuti ni chiinu chigenyi chinu echibhabhona.

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.

Obhusweruro 13:1

Nejire neeya, nindora rityanyi nirisooka mu‑nyanja. Rityanyi eryo, ryariga riri na emitwe etaanu na ebhiri na amayembe ekumi, na bhuri riyembe ryariga riri na orutengya. Bhuri mutwe gwariga gukaamirwe‑ko risiina rya okufumirisya Nyamuwanga.

Obhusweruro 13:14

Ku‑bhibharikisyo bhinu ꞉ryayaaywe okukora imbere ya rityanyi rya okwamba rirya, nirijiga abhaanu bha ku‑chaaro anu. Niribhwira abhaanu bhabhaaje risusano rya okuyaana echibharo rityanyi rya okwamba, rinu ꞉ryawutasiibhwe kwa imbanda, nawe niriwora, nirigenderera okwikara.

Obhusweruro 13:17

Ka wone, omuunu woonewoone unu ꞉ataateeywe‑ko orunabho ꞉ataaturire okugura amwi okugusya echiinu choonechoone. Orunabho orwo ni siina rya rityanyi rya okwamba rirya, amwi obhukumi bhwa jinyuguta joone ja risiina ryaryo.

Obhusweruro 21:18

Indugu eyo, yaariga yumbakiiywe amabhuyi ga obhugusi obhurambu ga yaasipi. Omusi ogwene wone gwariga guumbakiiywe inaaryo ya ekisi ya okubharangirya rwa rirore.

Obhusweruro 4:6

Ka wone, imbere ya echitebhe cha ingʼoma chaariga chiri‑wo echiinu wuti inyanja ya rirore. Inyanja eyo, yaariga iri rwa ribhuyi rinu eringʼarabhya muno. Agati ya echitebhe cha ingʼoma na abhakaruka bharya, bhyariga bhiri‑wo ebhibhumbwa bhina ebhya obhuwanga. Ebhibhumbwa ebhyo bhyariga bhisingiiye echitebhe cha ingʼoma mbaara joone. Ka wone, bhyariga bhiswirire ameeso bhuri orubhaara ku‑mibhiri jabhyo.

Obhusweruro 5:8

Ejire aaramira echitabho echo, ebhibhumbwa bhirya na abhakaruka bharya nibhagwa bhwifumbike imbere yaaye. Bhuri umwi weebhwe aariga ari na indono na amabhakuri ga inaaryo geejuuywe obhubhaani. Obhubhaani obhwo niryo risabhwa rya abheeru bha Nyamuwanga.