Obhusweruro 14:4 - Indagano Inyaaya mu-Chijita

⁴ Abhaanu abho nibho abharuubha Omwana wa Inaama woonewoone anu kaaja. Ka wone, ꞉bhateejabhiyasiisye na abhagasi, okubha bhaariga bhari bhimura. ꞉Bhaagurirwe okusooka agatigati ya abhaanu abhandi, nibhasoosibhwa wone okubha echoogo cha ebhigeswa cha okwamba ku‑Nyamuwanga na ku‑Mwana wa Inaama.

INDAGANO INYA:YA

⁴ Abo nibo bate:jabiasisye ku bagasi, okuba ni be:baririsi. Abo nibo abaru:ba Omwana wa Ina:ma wo:ne wo:ne enu kagenda. Nibo bagurirwe mu ba:nu babe mutongoro ku Nyamuanga na ku Mwana wa Ina:ma.

Obhusweruro 14:4 ပူးပေါင်းရင်းမြစ်များ

Matayo 19:12

Enaayika kutyo, kwa okubha bhari‑wo abharume abhandi bhanu bhatakutwara kwa okubha bheebhuuywe bhari bhajigaru. Abhandi bhatakutwara kwa okubha abhaanu bhabhakonere korereki bhasige okwibhura. Ka wone, bhari‑wo abhandi bhanu bhatakutwara inguru ya obhukama bhwa mu‑rwire. Omuunu woonewoone unu kaatura okwikirisya omusango ogwo, agwikirisye.”

Matayo 25:1

Niwo Yeesu ˆnaabhwira abheeyigisibhwa bhaaye echijekekanyo echindi ati, “Ku‑mwanya ogwo, obhukama bhwa mu‑rwire bhurisusana na abhayara ekumi bhanu ꞉bhaagegere jidara jeebhwe na okugenda okuramira omutwasi.

Matayo 8:19

Mbe, omwiyigisya umwi wa ebhiraagiro bhya Muusa ˆnaaja ku‑Yeesu, ˆnaamubhwira ati, “Omwiyigisya, woonewoone anu owuja, anye wone enija okukuruubha!”

Yowana 10:27

Jinaama jaani ejuungwa obhuraka bhwani. Anye nijimenyere, ejeene ejinduubha.

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Yowana 13:37

Peetero ˆnaamubhuusya ati, “Raatabhugenyi, kurwa ki nitaamiibhwe okukuruubha woori? Anye niikirisiisye noorwo okufwa inguru yaawo!”

Yowana 8:12

Mbe, Yeesu ˆnaagenderera okubhabhwira ati, “Anye naanye obhweru bhwa echaaro. Omuunu woonewoone unu kaanduubha, atakuribhata mu‑chisuute wuri, tari kaja okubha na obhweru bhunu obhumutangasya okuja mu‑bhuwanga bhwa kajaanende koone.”

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

1 Bakorinto 16:15

Abhayiri bhaani mu‑riikirisya, mumenyere ati Sitefwana aamwi na abhaanu bha iika ewaaye, nibho bhaariga bhari bha okwamba okwikirisya Yeesu Kirisito mu‑mukoowa gwa Akaaya, bheesoosya wone okusakira abheekirisya. Kutyo, enibheerembeeresya,

1 Bakorinto 6:20

kwa okubha ꞉mwagurirwe kwa obhugusi obhurambu. Kutyo mukusyega Nyamuwanga mu‑mibhiri jeemwe.

1 Bakorinto 7:28

Nawe noorwo araabha ukatwara, owubha utakorere echibhiibhi. Omuyarakaji wone, araabha akatwarwa, kaabha atakorere echibhiibhi. Tari, bhanu bhatwareene bharibha na jinyaako mu‑bhurame bhunu. Anye naakeendere jinyaako rwa ejo jaasiga okubhabhona.

2 Bakorinto 11:2

Anye enibhafuyira, rifuwa rinu erisooka ku‑Nyamuwanga, kwa okubha muri rwa omuyarajuma, unu ꞉naasandiiye obhuko omurume umwi, omurume oyo niwe Kirisito.

Baefeso 1:14

Mwoyo Mweru oyo, niwe echigwatirisyo cha omwandu gwaye kw‑iswe bhanu chiri bhaana bhaaye. Omusango ogwo, ogweresya abhwerubhweru ati Nyamuwanga aryerura chimwi abhaanu bhoone bhanu abhamwiyikanya. Chimukuuye inguru ya rikusyo ryaye!

Baefeso 5:27

Isonga iri ati, eebhonere rikanisa erya rikusyo, rinu ritari‑ko esoro, noorwo ifunyo amwi echiinu choonechoone chinu echisusana rwa ebhyo. Tari ribhe ryeru rinyamburwa obhujabhi bhwonebhwone.

1 Timoteo 4:3

Abhaanu abho ku‑meeyigisyo geebhwe, abhayingirira abhaanu bhasige okutwara, amwi bhasige okurya ebhiryo ebhirebhe. Nawe Nyamuwanga ꞉aabhibhumbire korereki abheekirisya bhabhiramire, bhamusiime na okubhirya kwa okubha abheene abhamenya echimari.

Baeburania 12:23

Emwe mwakingire mw‑ikofyanyo rinene rya abheebhurwa bha obhubhere bha Nyamuwanga, bhanu amasiina geebhwe gakaamirwe mu‑rwire. Mwakingire imbere ya Nyamuwanga, unu ari muramusi wa abhaanu bhoone na imbere ya abhaanu abharengeresi bhanu ꞉bhaafuuwe na bhanu woori bhakuumisibhwe.

Yakobo 1:18

Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

Obhusweruro 17:14

Bharigwatana na rityanyi eryo, okukora riremo na Omwana wa Inaama. Nawe Omwana wa Inaama aribhayiga, kwa okubha omwene niwe Raatabhugenyi wa bharaatabhugenyi na Omukama wa abhakama. Bhanu bhari aamwi nage nibho bhabhirikiiywe na okusorwa na Nyamuwanga, abheene ni bheeyikanyibhwa.”

Obhusweruro 21:22

Mu‑musi omwo, ꞉nitaarorere‑mo Riyekaru rya Nyamuwanga, kwa okubha Nyamuwanga, Raatabhugenyi owa obhuturo bhwone, aamwi na Omwana wa Inaama nibho Riyekaru ryagwo.

Obhusweruro 21:23

Omusi ogwo gutakukena esuubha ryake‑mo amwi okwesi kwake‑mo okubha rikusyo rya Nyamuwanga niryo erimirika‑mo, na Omwana wa Inaama niwe idara yeende‑mo.

Obhusweruro 3:4

Nawe mw‑ikanisa rya Sariidi eyo, agati yeemwe bhari‑wo bhatooto bhanu bhachaari okukootya emyenda jeebhwe kwa okukora ebhibhiibhi. Mbe, bharibha aamwi na anye na bharifwafibhwa emyenda emyeru, kwa okubha bheeyire bhafware kutyo.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.