Obhusweruro 14:3 - Indagano Inyaaya mu-Chijita

³ Abhaanu abho, bhaariga bheemereeguuyu imbere ya echitebhe cha ingʼoma chirya, na imbere ya ebhibhumbwa bhina ebhiwanga bhirya na abhakaruka bharya makumi gabhiri na bhana. Abhaanu abho, bhaariga nibheemba orwimbo oruyaaya na atari‑wo omuunu owundi unu ꞉aaturire okwiyigira okwimba orwimbo orwo, tari abho bhaariga bhagurirwe okusooka ku‑chaaro.

INDAGANO INYA:YA

³ Nibemba orwimbo oruya:ya imbere ye citebe ca iŋoma, na imbere ya jintyanyi ena na bakaruka. Amwi atariwo unu katura okwiigira orwimbo orwo tari aba:nu abo 144,000 banu bagurirwe mu ca:ro.

Obhusweruro 14:3 ပူးပေါင်းရင်းမြစ်များ

1 Bakorinto 1:18

Abhaanu bhanu abhabhura abharora ati emisango ja Kirisito okufwa ku‑musarabha ni ja echimuumu, nawe kw‑iswe bhanu echichunguka, emisango ejo nigo amanaga ga Nyamuwanga.

1 Bakorinto 2:14

Nawe omuunu unu atari na Mwoyo wa Nyamuwanga, atakuramira jinu ejisooka ku‑Mwoyo wa Nyamuwanga, isonga iri ati ku‑muunu oyo ejo ni ja chimuumu. Ka wone atakutura okujisombookerwa, kwa okubha ejimenyekana era ku‑bhusakisi bhwa Mwoyo wa Nyamuwanga.

Obhusweruro 14:1

Nejire neeya, nindingira, nindora Omwana wa Inaama eemereeguuyu ku‑chiima chinu echitogwa Sayuuni na aariga ari aamwi na abhaanu bhisira egana na makumi gana na bhana (144,000). Abhaanu abho bhaariga bhakaamirwe ku‑bhisuusu bhyebhwe, risiina rya Omwana wa Inaama na risiina rya Esemwene.

Obhusweruro 15:3

Abhaanu abho bhaariga nibheemba orwimbo rwa Muusa, omukosi wa Nyamuwanga. Orwimbo orwoorwo nirwo rwa Omwana wa Inaama. Bheembaga ati, “Raatabhugenyi awe Nyamuwanga owa obhuturo bhwone, ebhikorwa bhyawo ni bhikuru na ebhya okuruguusya. Awe, niwe Omukama wa amaanga goone, na jinjira jaawo ni ja obhurengeresi na ja echimari.

Obhusweruro 2:17

Unu kaategeresya, noongwe emisango jinu Mwoyo Mweru kaabhwira amakanisa. Omuunu woonewoone unu ariyiga, nirimuyaana ribhaara rya ebhiryo bhya emanu inu ibhisirwe. Nirimuyaana wone ribhuyi eryeru. Ribhuyi eryo rikaamirwe‑ko risiina riyaaya. Atari‑wo omuunu unu arimenya risiina eryo, tari unu ariyaanwa ribhuyi eryo.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.

Obhusweruro 7:4

Nejire neeya, nimbwirwa obhukumi bhwa abhaanu bhanu bhaariga bhateeywe‑ko orunabho rwa Nyamuwanga. Obhukumi bhwebhwe bhoone bhwariga bhuri bhisira egana na makumi gana na bhana (144,000) okusooka mu‑ngʼanda joone ekumi na ebhiri ja Abhayisirayeeri.