Obhusweruro 14:10 - Indagano Inyaaya mu-Chijita

¹⁰ omuunu oyo wone arinywa echifuufu. Eryo niryo risungu rya Nyamuwanga, ni ruru kabhukabhu rwa obhwarwa bhunu bhutasasiibhwe‑mo amanji. Nyamuwanga omwene ariisuka mu‑mutawo gwaye gwa risungu, na okuyaana omuunu oyo korereki anywe. Omuunu oyo arinyaaka, mu‑muriro omururu gwa emisimu ja echibhiriiti gunu ogwaka, imbere ya bhamaraayika abheeru na imbere ya Omwana wa Inaama.

INDAGANO INYA:YA

¹⁰ oyo one arinywa ku bwarwa bwa risungu rya Nyamuanga, bunu butasasisyemo manji, mu cikombe ca risungu ryae. Oyo arinya:sibwa mu muriro ne cibiriti imbere ya bamaraika abe:ru na imbere yo Mwana wa Ina:ma.

Obhusweruro 14:10 ပူးပေါင်းရင်းမြစ်များ

Matayo 20:22

Yeesu ˆnaamusubhya ati, “Mutakumenya jinu omusabhwa. Angu, omutura okunyaaka rwa kutyo enija okunyaaka?” Nibhamusubhya ati, “Echitura.”

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Matayo 26:39

ˆNaafogera imbere kutooto, ˆnaagwa bhwifumbike, ˆnaasabhwa Nyamuwanga ati, “Raata waani, araabha ejiturikana, enikusabhwa unsoosisye‑wo omutawo gunu gwa ebhinyaasyo! Nawe jisige okubha rwa kutyo anye eneenda, tari rwa kutyo awe oweenda.”

Mariko 8:38

Okubha omuunu woonewoone unu arindorera jiswaro anye, na emisango jaani, kw‑iyimbo rinu ribhiibhi, rinu abhaanu bhatari bheeyikanyibhwa imbere ya Nyamuwanga, anye Omwana wa Omuunu wone nirirorera omuunu oyo jiswaro, omwanya gunu niriija na bhamaraayika abheeru mw‑ikusyo rya Raata.”

Mariko 9:44

Amanyoroosi geende‑mo gatakufwa, na omuriro gwende‑mo gutakusima.]

Ebikorwa 10:22

Nibhamubhwira ati, “Chaatumwa na omwangarisi umwi wa abhasirikare, risiina ryaye ni Koroneeriyo. Omwene ni muunu wa obhurengeresi na kaagayuka Nyamuwanga, ka wone kaakuuyibhwa na Abhayawudi bhoone ati ni muunu wa ekisi. ꞉Aabhwiriiywe na maraayika omweru ati, akukume iika ewaaye, korereki ategeresye emisango jinu owuja okumubhwira.”

2 Batesalonika 1:7

niwo aribhafungʼamya emwe na eswe okusooka mu‑bhinyaasyo. Arikora kutyo, bhunu Raatabhugenyi Yeesu arisubha rindi okusooka mu‑rwire, ari aamwi na bhamaraayika bhaaye abha obhuturo bhwafu,

Yuuda 1:7

Mwichuke wone, jinu ꞉jaabhwene abhaanu bha emisi ja Sodoma na Gomoora na bha emisi jinu jaariga jisiijeene nabho. Abhaanu abho, ꞉bhaakorere emisango rwa jinu bhamaraayika abho, ꞉bhaakorere. Bhaakoraga obhuromesi na okuruubha okurigira okubhiibhi kwa emibhiri kunu kutari kwa obhusimukwa. Indamu yeebhwe, yaariga iri okwochiibhwa mu‑muriro. Kurwa ejo, indamu eyo yaabha echijekekanyo cha okuyaanwa ebhitiibha mu‑muriro gwa akajaanende koone.

Obhusweruro 15:7

Owumwi wa ebhibhumbwa ebhina bhya obhuwanga bhirya, ˆnaayaana bhuri owumwi wa bhamaraayika bhataanu na bhabhiri abho, ribhakuri rya inaaryo rinu riijuuye risungu rya Nyamuwanga, omuwanga akajaanende koone.

Obhusweruro 16:19

Kutyo nirireterera omusi omukuru gwa Bhaabheeri nigutaana‑mo mabhaara gasatu na emisi emikuru ja amaanga nijisingaarisibhwa joone. Nawe Nyamuwanga ꞉ataarabhiiywe omusi omukuru gwa Bhaabheeri. ˆNaagusinyiirisya gunywe echifuufu echiruru okusooka mu‑mutawo gwa risungu ryaye eryafu.

Obhusweruro 18:3

Gwagwa kwa okubha abhaanu bha amaanga goone ꞉bhaanyweye echifuufu chaagwo, ꞉bhaakorerwe obhurigire bhwafu bhwa obhuromesi bhwagwo, abhakama bha echaaro ꞉bhaakorere obhuromesi nage. Abhakaani bha ebhiinu ku‑chaaro ꞉bhaaniibhire ku‑songa ya ebhibhiibhi bhyaye bhinu bhitari na indengo.”

Obhusweruro 18:6

Mumukorere rwa kutyo omwene ꞉aakoreeye abhandi, ka wone mumukorere kutyo kwiya kabhiri ya ebhibhiibhi bhinu ꞉aakoreeye abhandi. Mugege omutawo gwaye, mumusukire‑mo risungu kwiya kabhiri kutyo ꞉aabhasukiiye.

Obhusweruro 19:15

Imbanda ya obhuugi eyisooka mu‑kanwa kaaye, korereki ku‑mbanda eyo ayige amaanga. Arigatunga kwa amanaga maafu. Aritajirira riswejisyo rya jijabhiibhu rinu eryeresya risungu rya Nyamuwanga owa obhuturo bhwone.

Obhusweruro 19:20

Nawe rityanyi, aamwi na omuragi omubheeyi unu ꞉aakorere ebhibharikisyo ku‑songa ya rityanyi eryo, ꞉bhaagwatirwe ngwatwa. Ku‑njira ya ebhiruguusyo bhinu omuragi oyo ꞉aakorere, aariga ajigire abhaanu bhanu bhaariga bhateeywe‑ko orunabho rwa rityanyi eryo na okuramya risusano ryaryo. Bhoone ku‑bhubhiri bhwebhwe nibheeswa bhari bhaanga mu‑nyanja ya omuriro omururu gwa emisimu ja echibhiriiti.

Obhusweruro 20:10

Syetaani unu aabhajigaga, aryeswa mu‑nyanja ya omuriro omururu gwa emisimu ja echibhiriiti. Omwo nimwo ꞉ryeeserwe rityanyi rirya na omuragi omubheeyi urya. Abho bhoone bharinyaasibhwa omwo mu‑ngeta na mu‑mwisi, akajaanende koone.

Obhusweruro 20:14

Ejo jejire jaawa, orufu na nyombe nibhyeswa mu‑nyanja ya omuriro omururu. Inyanja ya omuriro eyo, nirwo orufu rwa kabhiri.

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”