Obhusweruro 13:8 - Indagano Inyaaya mu-Chijita

⁸ Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

INDAGANO INYA:YA

⁸ Na baririramya ba:nu bo:ne banu be:kae mu ca:ro, banu bo:ne amasi:na gebwe gatandikirwe mu citabo co buanga eco Mwana wa Ina:ma unu e:tirwe, kuso:kerera ku kuyangwa kwe ca:ro.

Obhusweruro 13:8 ပူးပေါင်းရင်းမြစ်များ

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Ruuka 10:20

“Noorwo kutyo, musige okukondererwa kwa okubha ati amasambwa agabhagayuka. Tari mukondererwega omusango gunu ati, amasiina geemwe gakaamirwe mu‑rwire.”

Yowana 1:29

Mwejo yende‑ko, Yowana ˆnaarora Yeesu ˆnaamuuja‑ko. ˆNaabhwira abhaanu bhanu bhaariga bhari awo ati, “Ringira, oyo niwe Omwana wa Inaama wa Nyamuwanga, unu kaasoosya‑wo ebhibhiibhi bhya abhaanu bhoone bha echaaro chinu!

Baefeso 1:4

Okubha, Nyamuwanga ꞉aachisorere chibhe na obhumwi na Kirisito, noorwo achaari okubhumba echaaro, korereki mu‑ryenda ryaye chibhe abheeru bhanyamburwa esoro mu‑meeso gaaye.

Bafilipi 4:3

Noorwo awe omukosi weejaasu omwiyikanyibhwa, enikusabhwa usakire abhagasi abho, korereki bhabhe na obhukarariiye bhumwi. Abho bhoone bhaanyaakaga muno aamwi na anye na Keremeeti na abhakosi bheejaasu abhandi, mu‑kuraasya Emisango ja Ekisi. Amasiina ga abhaanu abho bhoone gakaamirwe mu‑chitabho cha obhuwanga.

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

Obhusweruro 12:15

Injoka eyo niifubhura amanji maafu muno okusooka mu‑kanwa karyo, ngawurura rwa omusima inyuma ya omugasi oyo, korereki amanji ago gamugege.

Obhusweruro 13:12

Nirikorera obhuturo bhwone bhwa rityanyi rirya rya okwamba na inguru yaaryo eryene. Rityanyi rya kabhiri eryo nirisinyiirisya abhaanu bhoone bha ku‑chaaro bharamye rityanyi rya okwamba rinu ryariga riri na riwuta rya okufwa rinu ꞉ryaworere.

Obhusweruro 17:8

Rityanyi rinu ꞉waarorere, ryariga riri aanga nawe woori ryafuuwe. Rityanyi eryo, riri yeeyi okusooka mu‑ryobho rinu ritari na obhuteero, korereki Nyamuwanga arisingaarisye. Abhaanu bhoone ku‑chaaro bhanu amasiina geebhwe ꞉gataakaamirwe mu‑chitabho cha obhuwanga echaaro chichaari okubhumbwa, bhariruguura aribha bhaarora rityanyi eryo ryariga riri‑wo, woori ritari‑wo na riribha‑wo rindi.”

Obhusweruro 21:27

Nawe echiinu choonechoone chinu chiri echijabhi chitariingira mu‑musi omwo noorwo na akatyari, noorwo omuunu woonewoone unu kaakora emisango jinu ejifuruurusya amwi ja orubheeyi. Tari bhanu bhariingira mu‑musi omwo ni bharya era bhanu amasiina geebhwe gakaamirwe mu‑chitabho cha obhuwanga cha Omwana wa Inaama.

Obhusweruro 3:10

Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.

Obhusweruro 3:20

Mutegeresye! Anye niimereeguuyu ku‑muryango enibhirikira. Omuunu akoongwa obhuraka bhwani na okunyiigurira omuryango, eningira mu‑nju yaaye na okurya aamwi nage.

Obhusweruro 3:5

Omuunu woonewoone unu ariyiga, nirimufwafya emyenda emyeru rwa abho. Nitarisoosya‑mo risiina ryaye kata mu‑chitabho cha obhuwanga, tari nirimwikirisya imbere ya Raata waani na bhamaraayika bhaaye ati unu ni waani.

Obhusweruro 5:12

Ninuungwa nibhaamura obhuraka, nibheemba ati, “Omwana wa Inaama unu ꞉aatemerwe omutwe, eeyire okuramira obhuturo, obhuniibhi na obhwengeeso. Amanaga, echibharo, rikusyo na jikuma ni bhyaye!”

Obhusweruro 5:13

Niwo ninuungwa ebhibhumbwa bhyone mu‑rwire eyo, ku‑chaaro anu, mu‑nyombe eyo na mu‑nyanja nibhiimba aamwi, “Omwene unu eenyanjire ku‑chitebhe cha ingʼoma, na Omwana wa Inaama, bhakusibhwe, bhayaanwe echibharo, bhayaanwe rikusyo na obhuturo akajaanende koone!”

Obhusweruro 6:1

Nejire neeya, nindora Omwana wa Inaama ˆnaasuruumuraga imboyero irya ya okwamba ya obhurimbo ku‑mboyero jirya etaanu na ebhiri. Ka wone, ninuungwa echibhumbwa echimwi ku‑bhina bhirya, nichaamura obhuraka rwa bhwa ribharuka, nichaayikaga ati, “Iija!”