Obhusweruro 13:6 - Indagano Inyaaya mu-Chijita

⁶ Rityanyi eryo niryamba okufumirisya Nyamuwanga, risiina ryaye, obhwikaro bhwaye na bhoone bhanu bheekaaye mu‑rwire.

INDAGANO INYA:YA

⁶ Niryasamya omunwa gwaryo nirifuma Nyamuanga, nirifuma risi:na ryae, na riyema ryae, na banu be:kae mu rwire.

Obhusweruro 13:6 ပူးပေါင်းရင်းမြစ်များ

Matayo 12:34

Emwe orwibhuro rwa jinjoka! Omutura kutiki okwayika emisango ja ekisi keenu muri bhabhiibhi? Omuunu kaayika jinu jiijuuye mu‑mwoyo gwaye.

Matayo 15:19

Mu‑mwoyo gwa omuunu, nimwo obhusooka obhwiganirisya obhubhiibhi, obhwiti, obhuromesi, obhusengani, obhwifi, obhubhambaasi bhwa orubheeyi na amafumo.

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Barumi 3:13

“Ebhimiro bhyebhwe bhiri rwa jiifwa jinu jitasiikiiywe, jindimi jeebhwe ejaayika orubheeyi.” “Mu‑kanwa keebhwe, ejisooka‑mo emisango eja obhusungu rwa obhwa ifwira.”

Bakolosai 1:19

Nikwo kutyo, kwa okubha ꞉jaakondeeye Nyamuwanga ati, obhukuumiiye bhwaye bhwone bhubhe mu‑Mwana waaye.

Bakolosai 2:9

kwa okubha obhukuumiiye bhwone bhwa Nyamuwanga bhuri mu‑mwene, mu‑mubhiri gwa echinyamuunu.

Baeburania 9:2

Riyeema rya okuramirisya‑mo Nyamuwanga, ꞉ryombakirwe riri na ebhisago bhibhiri. Mu‑chisago cha okwamba gwariga guri‑mo omutereko gwa okutuura‑ko jidara, na imeeja ya okutuura‑ko emikaate imbere ya Nyamuwanga. Echisago cha okwamba echo chaariga nichitogwa ati Ayeeru.

Baeburania 9:24

Kirisito ꞉ateengiiye Ayeeru a Ayeeru anu oombakirwe na omuunu. Orubhaara orwo ni chijekekanyo cha orubhaara rwa echimari runu ruri mu‑rwire. Tari omwene ꞉eengiiye mu‑rwire orwene. Eyo niyo kaachisabhirwa woori imbere ya Nyamuwanga.

Obhusweruro 11:12

Niwo abhabhambaasi abhabhiri abho nibhoongwa obhuraka obhunene okusooka mu‑rwire nibhubhabhwiraga ati, “Muuje inguru enu!” Nibhariinya mu‑rwire bhari mu‑riire, keenu abhasoko bheebhwe nibhabharingiraga.

Obhusweruro 12:12

Kurwa ejo, mukonderwe, emwe bhoone bhanu mwikaaye inguru mu‑rwire eyo! Jaabhabhona emwe bhanu mwikaaye ku‑chaaro na ebhibhumbwa bhya mu‑nyanja, okubha Syetaani eeserwe emwaro eyo agatigati yeemwe. Abhiyiriwe muno, kwa okubha kaamenya ati jisiku jaaye ni nooto.”

Obhusweruro 15:5

Ejo jejire jaawa, nindora Riyekaru riguuywe mu‑rwire. Riyekaru eryo, niryo riyeema munu Nyamuwanga aabhuganaga na abhaana bhaaye.

Obhusweruro 18:20

Mukonderwe emwe bhanu mwikaaye mu‑rwire. Mukonderwe, emwe abheeru bha Nyamuwanga, jitumwa na abharagi, kwa okubha Nyamuwanga aasoosya indamu ku‑musi ogwo ku‑jinu ꞉gwabhakoreeye.

Obhusweruro 21:3

Ninuungwa obhuraka obhunene okusooka ku‑chitebhe chirya cha ingʼoma, nibhwayikaga ati, “Ringira! Obhwikaro bhwa Nyamuwanga nibhwo obhwikaro bhwa abhaanu wone. Ariikara aamwi na abhaanu, bharibha abhaana bhaaye, omwene wone aribha Nyamuwanga weebhwe.

Obhusweruro 4:1

Ejo jejire jaawa, nindora echiroro echindi. Ringira! ꞉Naarorere orwigi rwiguuywe‑wo mu‑rwire! Mbe, obhuraka rwa bhwa ingʼombi bhunu ꞉noonguuwe obhwa okwamba nibhumbwira ati, “Iija, riinya inguru enu, korereki nikweresye emisango jinu ni bhusibhusi jikorekane aribha ejo jaatura.”

Obhusweruro 4:4

Ka wone, echitebhe cha ingʼoma echo chaariga chisingiywe na ebhitebhe ebhindi makumi gabhiri na bhina bhya obhutungi. Ku‑bhitebhe ebhyo, bhaariga bheenyanjire‑ko abhakaruka makumi gabhiri na bhana. Abhakaruka abho, bhaariga bhafwaye emyenda emyeru na ku‑mitwe jeebhwe bhaariga bhafwaye jitengya ja inaaryo.

Obhusweruro 5:13

Niwo ninuungwa ebhibhumbwa bhyone mu‑rwire eyo, ku‑chaaro anu, mu‑nyombe eyo na mu‑nyanja nibhiimba aamwi, “Omwene unu eenyanjire ku‑chitebhe cha ingʼoma, na Omwana wa Inaama, bhakusibhwe, bhayaanwe echibharo, bhayaanwe rikusyo na obhuturo akajaanende koone!”

Obhusweruro 7:15

Nikwo okukora bhari imbere ya echitebhe cha ingʼoma cha Nyamuwanga. Abhamukorera emirimu mu‑ngeta na mu‑mwisi mw‑Iyekaru ryaye. Nyamuwanga omwene unu eenyanjire ku‑chitebhe cha ingʼoma, aribha aamwi nabho na okubharinda.

Obhusweruro 7:9

Ejo jejire jaawa, nindingira, nindora echise echinene cha abhaanu chinu omuunu aariga atakutura okubhara. Abhaanu abho bhaariga bhasookere mu‑maanga goone, mu‑ngʼanda joone, mu‑nyaami joone na mu‑nyaayika joone. Abho bhoone bhaariga bheemereeguuyu imbere ya echitebhe cha ingʼoma na imbere ya Omwana wa Inaama. Abhaanu abho bhaariga bhafwaye emingiro jiinyeru na bhaariga bhagwatiriiye amatabhi ga jikinda mu‑mabhoko geebhwe.