Obhusweruro 13:11 - Indagano Inyaaya mu-Chijita

¹¹ Nejire neeya, nindora rityanyi erindi niririinyagisya okusooka mu‑si. Rityanyi eryo ryariga riri na amayembe gabhiri matooto rwa ameyembe ga omwana wa inaama, nawe obhuraka bhwaryo bhwariga bhuri rwa obhwa riyoka.

INDAGANO INYA:YA

¹¹ Nindora rityanyi erindi niriso:ka mu ca:ro. Ryariga na maembe gabiri rwa go mwana wa ina:ma, niryaika rwa riyoka.

Obhusweruro 13:11 ပူးပေါင်းရင်းမြစ်များ

Matayo 7:15

“Mwikengega abharagi abhabheeyi. Omwanya gunu abhabhaaja‑ko, abheekora okubha abhoorooro rwa jinaama, nawe echimari ni bharuru rwa emisege.

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

2 Batesalonika 2:4

Nawe ku‑bhwambiro ariigaana abhwerubhweru, bhuri chiinu chinu abhaanu abhatoga ati ni Nyamuwanga, noorwo bhuri chiinu chinu abharamya. Omwene ariituura inguru ya ebhyo bhyone. Ka wone, ariingira na okwinyanja mw‑Iyekaru rya Nyamuwanga na okwikora wuti omwene niwe Nyamuwanga.

Obhusweruro 11:7

Omwanya gunu bharimara okusoosya obhuragi bhwebhwe inguru ya Nyamuwanga, niwo rityanyi rinu ꞉ryariinyire okusooka mu‑ryobho rinu ritari na obhuteero, ririrwana nabho. Niribhayiga na okubheeta.

Obhusweruro 12:17

Riyoka eryo, niribhiyirirwa muno omugasi oyo, ndigenda okurwana na abhaana abhandi bha omugasi oyo bhanu bhaariga bhasigaaye. Abhaana abho nibho bhanu abhagayuka ebhiraagiro bhya Nyamuwanga na okusoosya obhubhambaasi inguru ya Yeesu. Mbe, riyoka eryo, niriimereeguru ku‑njekekera ya inyanja.

Obhusweruro 13:1

Nejire neeya, nindora rityanyi nirisooka mu‑nyanja. Rityanyi eryo, ryariga riri na emitwe etaanu na ebhiri na amayembe ekumi, na bhuri riyembe ryariga riri na orutengya. Bhuri mutwe gwariga gukaamirwe‑ko risiina rya okufumirisya Nyamuwanga.

Obhusweruro 13:17

Ka wone, omuunu woonewoone unu ꞉ataateeywe‑ko orunabho ꞉ataaturire okugura amwi okugusya echiinu choonechoone. Orunabho orwo ni siina rya rityanyi rya okwamba rirya, amwi obhukumi bhwa jinyuguta joone ja risiina ryaryo.

Obhusweruro 13:4

Nibharamya riyoka rirya, kwa okubha ꞉ryayaanire rityanyi eryo obhuturo bhwa okutunga. Abhaanu nibharamya wone rityanyi eryo, nibhaayikaga ati, “Atari‑wo omuunu owundi rwa rityanyi rinu! Ka wone, atari‑wo unu kaatura okurwana naryo!”

Obhusweruro 16:13

Niwo nindora amasambwa amajabhi gasatu ganu gaasusanaga na gawarukerwe. Erimwi nirisooka mu‑kanwa ka riyoka rirya, erindi nirisooka mu‑kanwa ka rityanyi rirya na erindi nirisooka mu‑kanwa ka omuragi omubheeyi urya.

Obhusweruro 17:6

꞉Naaruguurire muno, nejire naarora omugasi oyo akorerwe isagama ya abheeru bha Nyamuwanga, bhanu ꞉bheetirwe ku‑songa ya okubha abhabhambaasi bha Yeesu.

Obhusweruro 17:8

Rityanyi rinu ꞉waarorere, ryariga riri aanga nawe woori ryafuuwe. Rityanyi eryo, riri yeeyi okusooka mu‑ryobho rinu ritari na obhuteero, korereki Nyamuwanga arisingaarisye. Abhaanu bhoone ku‑chaaro bhanu amasiina geebhwe ꞉gataakaamirwe mu‑chitabho cha obhuwanga echaaro chichaari okubhumbwa, bhariruguura aribha bhaarora rityanyi eryo ryariga riri‑wo, woori ritari‑wo na riribha‑wo rindi.”