Obhusweruro 12:9 - Indagano Inyaaya mu-Chijita

⁹ Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

INDAGANO INYA:YA

⁹ Na riyoka rinene niryeswa, niryo riyoka rya kara, rinu eritogwa Mukurisya, niwe Syetani, unu kabebeya ca:ro co:ne. Ne:swa ku ca:ro, na bamaraika bae nibe:swa aamwi nage.

Obhusweruro 12:9 ပူးပေါင်းရင်းမြစ်များ

Matayo 13:39

Omusoko unu ꞉eejire okubhibha amagorogoro ni Syetaani omwene. Omwanya gwa okugesa ni bhuteero bhwa echaaro chinu, na abhagesi ni bhamaraayika bha Nyamuwanga.

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Matayo 4:1

Neeya Yeesu ˆnaatangasibhwa na Mwoyo Mweru okuja mw‑ibhara, korereki aregeejibhwe na Syetaani.

Matayo 4:10

Nawe Yeesu ˆnaamusubhya ati, “Sooka anu, Syetaani! Jikaamirwe mu‑Bhikaame Ebhyeru ati, ‘Uramye Raatabhugenyi Nyamuwanga waawo. Umukorere emirimu omwene era.’”

Matayo 4:5

Neeya Syetaani ˆnaagega Yeesu ˆnaamusira mu‑musi omweru gwa Yerusareemu, ˆnaamwimereegusyu ku‑chisonge cha Riyekaru,

Matayo 4:8

Ku‑bhuteero, Syetaani ˆnaagega Yeesu ˆnaamusira ku‑chiima echireera muno. Awo, ˆnaamweresya obhukama na obhuniibhi bhwa ebhyaro bhyone,

Ruuka 10:18

Yeesu ˆnaabhasubhya ati, “꞉Naarorere Syetaani ˆneeka rwa orurabhyo okusooka mu‑rwire.

Ruuka 13:16

Mbawo, omugasi unu ni wa mu‑ruganda rwa Bhurayimu, aamarire emiguuga ekumi na etaanu na esatu, abhoyerwega na Syetaani. Mbe, omwene wone jiteenderwe asuruumurwe okusooka mu‑ndwara ku‑rusuku rwa Isabhaato?”

Ruuka 22:3

Mbe, Yuuda Isikariyooti, umwi wa abheeyigisibhwa ekumi na bhabhiri bha Yeesu, ˆneengirwa na Syetaani mu‑mwoyo.

Ruuka 22:31

Yeesu ˆnaayika ati, “Simooni awe, Simooni awe, tegeresya! Nuumenye kisi ati, Syetaani eekirisiibhwe okubharegeeja emwe bhoone. Aribhakora rwa kutyo omuunu kaawungura obhuro.

Ruuka 8:12

Jimbibho jinu ꞉jaaguuwe ku‑njira ejeeresya ati, ni bhaanu bhanu abhoongwa omusango gwa Nyamuwanga. Bhaakamara okutegeresya, awoawo, Syetaani ˆnaaja, ˆnaagusoosya mu‑myoyo jeebhwe, bhaasiga okugwikirisya na okuchungurwa.

Yowana 12:31

Woori gwakinga omwanya gwa Nyamuwanga okuramura echaaro chinu. Woori gwakinga omwanya gwa Nyamuwanga okubhirimya Syetaani okusooka ku‑bhutungi bhwa ku‑chaaro kunu.

Yowana 14:30

Nitakutura okwayika na emwe emisango myafu rindi, kwa okubha Syetaani, omukuru wa echaaro chinu kaaja. Nawe atari na obhuturo inguru yaani.

Yowana 16:11

Aribhaga ˆnaabheeresya ati Nyamuwanga aribharamura, kwa okubha aaramuuye Syetaani omukuru wa echaaro chinu.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Ebikorwa 5:3

Peetero ˆnaamubhuusya ati, “Awe Ananiiya! Ni kurwa ki Syetaani eengira mu‑mutima gwawo? Waabhwira Mwoyo Mweru orubheeyi na okubhisa‑ko ejindi jinu ꞉waabhwene ku‑bhugusi bhwa risambu ryawo.

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

Barumi 16:20

Nyamuwanga unu kaabhayaana omurembe, arifwonyorera aasi Syetaani bhwangu, na okubhayaana obhuyigi inguru yaaye. Obhwitiriranya bhwa Raatabhugenyi weeswe Yeesu Kirisito bhubhe aamwi na emwe. [Jibhe kutyo.]

2 Bakorinto 11:14

Omusango ogwo, gutari gwa okuruguusya, kwa okubha noorwo Syetaani omwene, keekora wuti ni maraayika wa obhweru.

2 Bakorinto 11:3

Nawe woori enuubhaya ati, rwa kutyo Aawa ꞉aajigirwe na injoka irya indigendige, na emwe wone mwasiga okujigwa, nimusiga okwenda Kirisito mu‑bhwiyikanyibhwa na omutima omweru.

2 Bakorinto 12:7

Nawe ꞉naayaaywe ebhinyaasyo mu‑mubhiri gwani bhinu bhiri rwa riiwa rinu erinsoma. Ebhinyaasyo ebhyo ni tumwa wa Syetaani unu ꞉aatumirwe annyaasye, korereki naasiga okwikuuya muno inguru ya emisango myafu ja okuruguusya jinu Raatabhugenyi answeruriiye.

2 Bakorinto 2:11

korereki Syetaani aasiga okuchiyiga, kwa okubha chimenyere kisi obhurigerige bhwaye.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

2 Batesalonika 2:3

Mwasiga okwikirisya omuunu woonewoone abhajige ku‑njira yooneyoone irya, inguru ya orusuku orwo. Orusuku orwo ruchaari okukinga, abhaanu bhaafu bharirema Nyamuwanga, ka wone Omunyamusi urya wa ebhiraagiro, arituurwa abhweru. Obhuteero bhwaye bhuribha okusingaarisibhwa chimwi.

1 Timoteo 2:14

Ka wone, atari Adaamu unu injoka ꞉yaajigire, tari omugasi niwe ꞉aajigirwe, ˆnaabha omunyamusi wa amaragiriro ga Nyamuwanga.

2 Timoteo 3:13

Nawe bhanu abhakora ebhibhiibhi na abhajigi, bharigenderera okukora ebhibhiibhi muno, bharibhaga nibhajiga na okujigwa.

Baeburania 2:14

Mbe, kwa okubha abhaana bhari na emibhiri na isagama, Yeesu wone ꞉eejire ari na omubhiri na isagama rwa abheene. ꞉Aakorere kutyo, korereki ku‑njira ya orufu rwaye, ayige amanaga ga Syetaani, unu ari na obhuturo bhwa orufu.

1 Petero 5:8

Mwiyingirire na okutengeeja, omwanya gwone. Okubha omusoko weemwe, Syetaani, keeyinda enu na erya rwa itare inu eyiruuta, niiyenja omuunu wa okusingaarisya.

1 Yoana 5:19

Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.

Yuuda 1:9

Noorwo Mikayeeri, maraayika omukuru, omwanya gunu aariga ˆnaabhusyanya na okubhambasyanya na Syetaani inguru ya omutumbi gwa Muusa, ꞉ataaregeejere okuramura Syetaani kwa okumufuma. Tari ꞉aamubhwiriiye ati, “Raatabhugenyi omwene akugonye!”

Obhusweruro 12:12

Kurwa ejo, mukonderwe, emwe bhoone bhanu mwikaaye inguru mu‑rwire eyo! Jaabhabhona emwe bhanu mwikaaye ku‑chaaro na ebhibhumbwa bhya mu‑nyanja, okubha Syetaani eeserwe emwaro eyo agatigati yeemwe. Abhiyiriwe muno, kwa okubha kaamenya ati jisiku jaaye ni nooto.”

Obhusweruro 12:3

Nikwiya, ku‑rutumba okwo, nichibha‑ko echibharikisyo echindi cha okuruguusya. Mbe rora! Riyoka rinene ritukurasi kaa nirisoromoka. Riyoka eryo ryariga riri na emitwe etaanu na ebhiri na amayembe ekumi, bhuri omutwe gwariga guri na orutengya.

Obhusweruro 12:7

Niwo niribha‑wo riremo mu‑rwire. Maraayika omukuru, unu kaatogwa ati Mikayeeri, aamwi na bhamaraayika bhaaye, nibharwana na riyoka na bhamaraayika bhaaryo.

Obhusweruro 12:8

Nawe, riyoka na bhamaraayika bhaaryo, nibhabhumwa na okubhirimibhwa okusooka mu‑rwire.

Obhusweruro 13:14

Ku‑bhibharikisyo bhinu ꞉ryayaaywe okukora imbere ya rityanyi rya okwamba rirya, nirijiga abhaanu bha ku‑chaaro anu. Niribhwira abhaanu bhabhaaje risusano rya okuyaana echibharo rityanyi rya okwamba, rinu ꞉ryawutasiibhwe kwa imbanda, nawe niriwora, nirigenderera okwikara.

Obhusweruro 16:14

Amasambwa ago, gaariga gari na obhuturo bhwa okukora ebhibharikisyo na emirimu jaago ni kugenda ku‑bhakama bhoone ku‑chaaro na okubhakumanya, korereki bhakore riremo ku‑rusuku rurya orukuru rwa risungu rya Nyamuwanga owa obhuturo bhwone.

Obhusweruro 18:2

ˆNaamura obhuraka bhunene muno, ˆnaayika ati, “Gwasingaarika! Omusi omukuru gwa Bhaabheeri gwasingaarika! Woori gwabha obhwikaro bhwa okwiyibhisa‑mo amasambwa ga bhuri mbaga. Gwabha obhwigamo bhwa bhuri inyonyi joone jimbiibhi na jinu ejifuruurusya.

Obhusweruro 18:23

Idara itaryaka rindi. Noorwo bhutaribha‑wo obhuregesi bhwa omutwasi noorwo bhwa omwenga. Omusi gwa Bhaabheeri gurikorwa kutyo kwa okubha abhakaani bha ebhiinu bhyagwo bhaariga bhari abhaanu abhakuru bha echaaro. Ku‑bhurosi bhwa omusi ogwo, amaanga goone gajigirwe.

Obhusweruro 19:20

Nawe rityanyi, aamwi na omuragi omubheeyi unu ꞉aakorere ebhibharikisyo ku‑songa ya rityanyi eryo, ꞉bhaagwatirwe ngwatwa. Ku‑njira ya ebhiruguusyo bhinu omuragi oyo ꞉aakorere, aariga ajigire abhaanu bhanu bhaariga bhateeywe‑ko orunabho rwa rityanyi eryo na okuramya risusano ryaryo. Bhoone ku‑bhubhiri bhwebhwe nibheeswa bhari bhaanga mu‑nyanja ya omuriro omururu gwa emisimu ja echibhiriiti.

Obhusweruro 2:13

Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.

Obhusweruro 2:24

Woori emwe mw‑ikanisa rya Tiyaatira, agati yeemwe bhari‑wo abhandi bhanu bhari abheeyikanyibhwa. Abhaanu abho bhatakuruubha ameeyigisyo ga Yejebheeri oyo, noorwo bhatakumenya emisango jinu abhaanu abhandi abhatoga ati ni emisango ja imbisike muno. Chimari emisango ejo ni meeyigisyo ga Syetaani! Tari abhaanu abheeyikanyibhwa bharya, enibhabhwira ati, nitaribhoongesya‑ko omugugu ogundi,

Obhusweruro 2:9

Enimenya ebhinyaasyo bhyemwe na obhutaka bhwemwe. Nawe chimari emwe muri bhaniibhi! Ka wone, enimenya amafumo ganu omufumwa. Amafumo ago agasoosibhwa na bhanu abheetoga ati, ni bhaana bha Nyamuwanga, nawe bhatari abhaana bha Nyamuwanga, abheene ni bharuubhirisya bha Syetaani.

Obhusweruro 20:10

Syetaani unu aabhajigaga, aryeswa mu‑nyanja ya omuriro omururu gwa emisimu ja echibhiriiti. Omwo nimwo ꞉ryeeserwe rityanyi rirya na omuragi omubheeyi urya. Abho bhoone bharinyaasibhwa omwo mu‑ngeta na mu‑mwisi, akajaanende koone.

Obhusweruro 20:8

Mbe, omwanya gunu ariigurirwa, arigenda okujiga amaanga mbaara joone ja echaaro, ganu agatogwa Googu na Amagogi. Syetaani aribhakofya korereki bharwane riremo, wone bharibha abharuubhirisya bhaafu rwa omusenyi gwa inyanja.

Obhusweruro 3:9

Mutegeresye! Niribhareeta abharuubhirisya bha Syetaani. Abheene abheetoga ati ni bhaana bha Nyamuwanga keenu bhatari nibho, tari ni abhabheeyi. Mbe abho, niribhakora bhaaje bhabharamye. Niwo abho bhoone bharimenya ati nibheendere emwe.

Obhusweruro 9:1

Neeya maraayika wa kataanu wone ˆnaabhuma ingʼombi yaaye. Niwo nindora injota inu yaariga isookere mu‑rutumba, iguuye ku‑chaaro anu. Injota eyo, niiyaanwa orwiguriro rwa orwigi rwa eryobho rinu ritari na obhuteero.

Obhusweruro 9:20

Abhaanu bhanu ꞉bhataafuuwe ku‑tambara jinu ꞉jaabhwene abheejaabho, ꞉bhataataaye ebhibhiibhi bhyebhwe. ꞉Bhaagendereeye okuramirisya amasambwa na amasusano ga inaaryo, jipirya, isyabha, amabhuyi na jimbawu ganu ꞉bhaakonjere abheene. Amasusano ago gatakurora, gatakungwa, noorwo gatakuribhata.