Obhusweruro 12:1 - Indagano Inyaaya mu-Chijita

¹ Niwo, inguru ku‑rutumba eyo, nichibha‑wo echibharikisyo cha okuruguusya muno. Ku‑rutumba okwo aariga ari‑ko omugasi unu aariga afwaye risuubha na amaguru gaaye gaariga gatajire ku‑kwesi. Ka wone, ku‑mutwe gwaye aariga afwaye orutengya runu ruri na jinjota ekumi na ebhiri.

INDAGANO INYA:YA

¹ Niciboneka ecibarikisyo cinene mu rwire. Omugasi naboneka unu ariga afwae risu:ba, no kwesi kwariga emwaro ya maguru gae, na ku mutwe gwae ariga afwae orutenga rwa jinjota ekumi ne:biri.

Obhusweruro 12:1 ပူးပေါင်းရင်းမြစ်များ

Matayo 12:38

Mbe, Abhafarisaayo abharebhe na abheeyigisya bha ebhiraagiro bhya Muusa nibhabhwira Yeesu ati, “Omwiyigisya, echeenda ukore echibharikisyo cha okweresya ati, usookere ku‑Nyamuwanga.”

Matayo 24:30

“Ku‑mwanya ogwo, echibharikisyo cha Omwana wa Omuunu chiribhonekana ku‑rutumba, na abhaanu bha amaanga goone bharyamba okurira kwa okuyaya. Runu niriija, abhaanu bhoone bharindora niri mu‑meere niri na amanaga na rikusyo rikuru.

Mariko 13:25

na jinjota jirigwa okusooka mu‑rutumba. Amanaga ago goone ga mu‑rutumba garisingisibhwa.

Ruuka 21:11

Bhuri rubhaara riribha‑wo rinyamutikima rya echaaro, omweko omururu kabhukabhu, na amarwara amawuute amabhiibhi muno. Echibharikisyo echinene chirisookerera ku‑rutumba. Abhaanu bharirora emisango emisito jinu jiribhakanga muno.

Ruuka 21:25

“Chiribha‑ko ebhibharikisyo kw‑isuubha, ku‑kwesi, na ku‑njota. Ku‑chaaro anu, jinyanja jiribha na echiwurumo chaafu na amakonjo nigarundumaga. Abhaanu bhanu bhatari Bhayawudi bharinyaaka na okuyaya.

Yowana 3:29

Omumura unu ari na omwenga niwe omutwasi. Anye niri rwa omusaani wa omutwasi, niimereeguuyu ku‑mbari yaaye, na enikonderwa okuungwa jinu omutwasi kaayika. Chimari musango gunu gwankondisya muno.

Ebikorwa 2:19

Nirikora ebhiruguusyo ku‑rutumba inguru, na ebhibharikisyo ku‑chaaro emwaro anu. Bharirora ebhibharikisyo rwa bhinu, isagama, omuriro, na ingesi sito muno.

Barumi 13:14

Tari woori, mu‑bhurame bhwemwe bhwone, mutangasibhwega na Raatabhugenyi Yeesu Kirisito. Mwasiga okwikirisya noorwo na akatyari okutangasibhwa na obhusimukwa bhwemwe bhwa echibhiibhi kwa okuruubha okurigira kwemwe okubhiibhi.

Barumi 3:22

Abhaanu bhoone bhanu abheekirisya Yeesu Kirisito, Nyamuwanga kaabhabhara ati ni bharengeresi imbere yaaye, okutura ku‑bhwiyikanyibhwa bhwa Yeesu oyo. Nyamuwanga atakusoroora omuunu woonewoone,

2 Bakorinto 11:2

Anye enibhafuyira, rifuwa rinu erisooka ku‑Nyamuwanga, kwa okubha muri rwa omuyarajuma, unu ꞉naasandiiye obhuko omurume umwi, omurume oyo niwe Kirisito.

Bagalatia 3:27

Emwe bhoone bhanu ꞉mwabhatiijiibhwe, muri na obhumwi na Kirisito, muri wuti mufwaye Kirisito.

Bagalatia 4:26

Nawe Yerusareemu ya mu‑rwire ni musi gunu guri na obhwitaage, ogwo nigwo maayi unu achiibhuuye.

Bagalatia 6:14

Nawe anye nitakwenda nibhe na omusango gwa okwikumangisya, tari musarabha gwa Raatabhugenyi weeswe Yeesu Kirisito. Okuruubhana na orufu rwaye, emisango joone ja echaaro chinu jitari na obhugajuro kw‑anye, na bhumuunu bhwani bhwa kara bhubhambirwe aamwi nage ku‑musarabha.

Baefeso 5:32

Imbisike eyo ikomeeye turuturu, nawe anye enisimura inguru ya Kirisito na rikanisa.

Obhusweruro 1:20

꞉Waarorere jinjota etaanu na ebhiri mu‑kubhoko kwani kwa ebhuryo. ꞉Waarorere wone emitereko etaanu na ebhiri ja inaaryo ja okutuura‑ko jidara. Siga nikwiyigisye obhugajuro bhwa jimbisike ejo. Emitereko jirya ni amakanisa garya agataanu na gabhiri, jinjota jirya etaanu na ebhiri ni bhamaraayika bha amakanisa ago.”

Obhusweruro 11:19

Niwo, orwigi rwa Riyekaru rya Nyamuwanga rya mu‑rwire nirwiguka. Risandikwa rya indagano ya Nyamuwanga niribhonekana mw‑Iyekaru eryo. Nindora jindabhyo na ninuungwa obhuraka bhwa ribharuka. Rinyamutikima rya echaaro niritura na niigwa ingʼubha nyafu muno ya amabhuyi amanene.

Obhusweruro 12:3

Nikwiya, ku‑rutumba okwo, nichibha‑ko echibharikisyo echindi cha okuruguusya. Mbe rora! Riyoka rinene ritukurasi kaa nirisoromoka. Riyoka eryo ryariga riri na emitwe etaanu na ebhiri na amayembe ekumi, bhuri omutwe gwariga guri na orutengya.

Obhusweruro 15:1

Nejire neeya, nindora echibharikisyo echindi echinene na cha okuruguusya mu‑rwire. ꞉Naarorere bhamaraayika bhataanu na bhabhiri nibhareetaga jitambara etaanu na ebhiri ja obhuteero. Jitambara ejo ejikuumisya risungu rya Nyamuwanga.

Obhusweruro 21:14

Indugu eyo, yaariga yumbakirwe ku‑mabhuyi ekumi na gabhiri ga orufuka. Bhuri ribhuyi ryariga rikaamirwe‑ko risiina rya owumwi wa jitumwa ekumi na bhabhiri bha Omwana wa Inaama.

Obhusweruro 21:23

Omusi ogwo gutakukena esuubha ryake‑mo amwi okwesi kwake‑mo okubha rikusyo rya Nyamuwanga niryo erimirika‑mo, na Omwana wa Inaama niwe idara yeende‑mo.