Obhusweruro 11:8 - Indagano Inyaaya mu-Chijita

⁸ Emitumbi ja abhabhambaasi abho jirimaama kw‑iparapara rikuru rya omusi omukuru. Ogwo nigwo omusi gunu Raatabhugenyi weebhwe ꞉aabhambirwe ku‑musarabha. Omusi ogwo guri na itungwa rwa ya Sodoma na ya echaaro cha Miisiri.

INDAGANO INYA:YA

⁸ Ne bitundu byebwe biriba mwiparapara ryo musi omunene gunu ogutogerwa mu byo mwoyo ati, Sodoma na Misiri, niyo eyo na Ratabugenyi abambiywe ku musaraba.

Obhusweruro 11:8 ပူးပေါင်းရင်းမြစ်များ

Matayo 10:15

Ni chimari enibhabhwira ati, orusuku rwa indamu, Nyamuwanga arisoosya indamu isito muno ku‑bhaanu bha omusi ogwo, okukira inu arisoosya ku‑bhaanu bha emisi ja Sodoma na Gomoora!

Ebikorwa 9:4

ˆNaagwa aasi, ˆnoongwa obhuraka nibhumubhuusya ati, “Saawuri awe! Saawuri awe! Ni kurwa ki owunnyaasya?”

Baeburania 13:12

Niyo isonga Yeesu wone ꞉aanyaasiibhwe na okwitwa anja ya omusi gwa Yerusareemu, korereki eesye abhaanu ebhibhiibhi bhyebhwe ku‑njira ya isagama yaaye.

Baeburania 6:6

Nawe woori, bhasigire okwikirisya Nyamuwanga. Jitakuturikana wuri okusubhya abhaanu abho, korereki bhate rindi ebhibhiibhi bhyebhwe ku‑Nyamuwanga. Ku‑njira ya okurema Omwana wa Nyamuwanga, abhamubhamba ku‑musarabha rwa kabhiri na okumuswasya abhwerubhweru.

2 Petero 2:6

Ka wone, Nyamuwanga ˆnaasingaarisya kwa omuriro emisi ja Sodoma na Gomoora na abhaanu bha emisi ejo. ˆNaabhakora bhabhe echijekekanyo ku‑bhaanu bhanu bhatakumugayukaga.

Yuuda 1:7

Mwichuke wone, jinu ꞉jaabhwene abhaanu bha emisi ja Sodoma na Gomoora na bha emisi jinu jaariga jisiijeene nabho. Abhaanu abho, ꞉bhaakorere emisango rwa jinu bhamaraayika abho, ꞉bhaakorere. Bhaakoraga obhuromesi na okuruubha okurigira okubhiibhi kwa emibhiri kunu kutari kwa obhusimukwa. Indamu yeebhwe, yaariga iri okwochiibhwa mu‑muriro. Kurwa ejo, indamu eyo yaabha echijekekanyo cha okuyaanwa ebhitiibha mu‑muriro gwa akajaanende koone.

Obhusweruro 11:13

Omwanya ogwoogwo, rinyamutikima rinene rya echaaro niritura, ribhaara rimwi kw‑ikumi rya omusi nirigwa. Rinyamutikima eryo nirireterera abhaanu bhiwumbi bhitaanu na bhibhiri (7,000) okufwa. Abhaanu bhanu ꞉bhaawonere, nibhoobhaya, nibhakuuya Nyamuwanga wa mu‑rwire.

Obhusweruro 11:9

Abhaanu bha jinyaami joone, jingʼanda joone, jinyaayika joone na abha amaanga goone, bharirora emitumbi ja abhabhambaasi abhabhiri abho ku‑mwanya gwa masuubha gasatu na esinja. Ataribha‑wo omuunu unu ariikirisibhwa okubhasiika mu‑fwa.

Obhusweruro 14:20

Amatwasyo ago, nigatajiirirwa mw‑iswejisyo anja ya omusi omukuru. Nigasoosya isagama, isagama eyo niibha omusima mureera. Obhureera bhwagwo, bhwariga bhuri kiromeeta magana gasatu (300) na obhwima, bhwariga bhuri echita chimwi na esinja.

Obhusweruro 14:8

Neeya, maraayika owundi ˆnaaruubhira ˆnaayikaga ati, “Gwasingaarika! Omusi omukuru gwa Bhaabheeri gwasingaarika chimwi! Omusi ogwo ꞉gwanywesiisye abhaanu bha amaanga goone echifuufu echiruru kabhukabhu. Echifuufu echo ni obhuromesi bhwagwo.”

Obhusweruro 16:19

Kutyo nirireterera omusi omukuru gwa Bhaabheeri nigutaana‑mo mabhaara gasatu na emisi emikuru ja amaanga nijisingaarisibhwa joone. Nawe Nyamuwanga ꞉ataarabhiiywe omusi omukuru gwa Bhaabheeri. ˆNaagusinyiirisya gunywe echifuufu echiruru okusooka mu‑mutawo gwa risungu ryaye eryafu.

Obhusweruro 17:1

Neeya, owumwi wa bhamaraayika bhataanu na bhabhiri bhanu bhaariga bhari na amabhakuri garya ga risungu rya Nyamuwanga ˆnaanyiija‑ko, ˆnaambwira ati, “Iija enu, nikweresye kutyo Nyamuwanga ariramura omugasi urya omukuru unu eegusyaga okwibhonera ribhona, eenyanjire ku‑misima myafu.

Obhusweruro 17:18

Omugasi unu ꞉waarorere ni musi omukuru gunu gutungire abhakama bhoone bha ku‑chaaro.”

Obhusweruro 17:5

Ku‑chisuusu chaaye, ryariga rikaamirwe‑ko risiina rinu obhugajuro bhwaryo bhwariga bhuri mbisike. Risiina eryene ni rinu, Omusi Omukuru gwa Bhaabheeri, Nyiramwene Abhagasi Bhanu Abheegusya Okwibhonera Ribhona na Owa Amafuruurusyo ga Echaaro.

Obhusweruro 18:10

Abhakama abho bhariimereeguru kura na omusi ogwo kwa okuubhaya ebhinyaasyo bhyagwo bhinu bhirigubhona. Bharirira nibhaayikaga ati, “Jiribhona, jiribhona omusi omukuru, Bhaabheeri, omusi gwa amanaga! Indamu yaawo yakukingira bhwangu muno.”

Obhusweruro 18:18

Omwanya gunu bharirora ingesi ya okwochiibhwa kwago, bharyamura obhuraka nibharira, nibhaayikaga ati, “Gutari‑wo omusi ogundi omukuru rwa omusi ogwo!”

Obhusweruro 18:2

ˆNaamura obhuraka bhunene muno, ˆnaayika ati, “Gwasingaarika! Omusi omukuru gwa Bhaabheeri gwasingaarika! Woori gwabha obhwikaro bhwa okwiyibhisa‑mo amasambwa ga bhuri mbaga. Gwabha obhwigamo bhwa bhuri inyonyi joone jimbiibhi na jinu ejifuruurusya.

Obhusweruro 18:21

Mbe, maraayika owumwi owa amanaga, ˆnaabhatura ribhuyi risito rwa orubhuyi rwa okuseera‑ko, ˆnaaryesa mu‑nyanja, ˆnaayika ati, “Ku‑managa maafu rwa kutya, omusi omukuru gwa Bhaabheeri guryeswa na okusingaarika chimwi.

Obhusweruro 18:24

Mu‑musi omwo, ꞉gaabhonekeene‑mo isagama ya abharagi na eya abheeru bha Nyamuwanga, aamwi na isagama ya abhaanu bhoone bhanu ꞉bheetirwe ku‑chaaro anu.”