Obhusweruro 11:16 - Indagano Inyaaya mu-Chijita

¹⁶ Niwo abhakaruka makumi gabhiri na bhana bhanu bhaariga bheenyanjire ku‑bhitebhe bhyebhwe imbere ya Nyamuwanga, nibhagwa bhwifumbike na okuramya Nyamuwanga,

INDAGANO INYA:YA

¹⁶ Na bakaruka amakumi agabiri na:bana, banu benyanjire ku bitebe byebwe bye cikama imbere ya Nyamuanga, nibafukama nibaramya Nyamuanga.

Obhusweruro 11:16 ပူးပေါင်းရင်းမြစ်များ

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Obhusweruro 19:4

Abhakaruka makumi gabhiri na bhana bharya, aamwi na ebhibhumbwa bhina bhirya, nibhagwa bhwifumbike, nibharamya Nyamuwanga unu aariga eenyanjire ku‑chitebhe cha ingʼoma, nibhaayikaga ati, “Jibhe kutyo! Nyamuwanga akusibhwe!”

Obhusweruro 4:10

Bhuri omwanya Nyamuwanga aariga ˆnaakuuyibhwa na ebhibhumbwa bhirya, abhakaruka makumi gabhiri na bhana bharya, bhaariga nibhagwa bhwifumbike imbere ya unu eenyanjire ku‑chitebhe cha ingʼoma na okumuramya. Omwene oyo, niwe omuwanga akajaanende koone. Wone bhaariga nibhafuura jitengya jeebhwe, nibhajituura imbere ya echitebhe cha ingʼoma, nibhaayikaga ati,

Obhusweruro 4:4

Ka wone, echitebhe cha ingʼoma echo chaariga chisingiywe na ebhitebhe ebhindi makumi gabhiri na bhina bhya obhutungi. Ku‑bhitebhe ebhyo, bhaariga bheenyanjire‑ko abhakaruka makumi gabhiri na bhana. Abhakaruka abho, bhaariga bhafwaye emyenda emyeru na ku‑mitwe jeebhwe bhaariga bhafwaye jitengya ja inaaryo.

Obhusweruro 5:14

Ebhibhumbwa bhina bhirya nibhiitabhirisya, nibhyayikaga ati, “Jibhe kutyo!” Abhakaruka bharya wone nibhagwa bhwifumbike, nibharamya Nyamuwanga na Omwana wa Inaama.

Obhusweruro 7:11

Bhamaraayika bhoone bhaariga bheemereeguuyu bheeyindire echitebhe cha ingʼoma, abhakaruka bharya na ebhibhumbwa bhina bhirya. Nibhagwa bhwifumbike imbere ya echitebhe echo, nibharamya Nyamuwanga,