Obhusweruro 1:2 - Indagano Inyaaya mu-Chijita

² Anye Yowana enisoosya obhubhambaasi bhwa emisango joone jinu ꞉naarorere. Emisango ejo ni inguru ya echimari chinu Yeesu Kirisito ꞉aasweruuye na nigwo omusango gwa Nyamuwanga.

INDAGANO INYA:YA

² Yoana niwe unu agwimireko omusango gwa Nyamuanga no kwimako kwa Yesu Kristo, ne:mako jo:ne jinu arorere.

Obhusweruro 1:2 ပူးပေါင်းရင်းမြစ်များ

Yowana 1:32

Niwo Yowana ˆnaasoosya obhubhambaasi ˆnaayikaga ati, “Naarora Mwoyo Mweru ˆneekaga okusooka mu‑rwire rwa echiguuti, ˆnaagwa inguru yaaye.

Yowana 12:17

Abhaanu bhanu bhaariga bhari na Yeesu omwanya gunu ꞉aabhirikiiye Rajaaro okusooka mu‑fwa na okumusuurura okusooka mu‑bhafuuwe, nibho bhaariga bhaaraasiisye inguru ya emisango jinu Yeesu ꞉aakorere.

Yowana 19:35

Emisango jinu ꞉jaakaamirwe na omuunu unu ꞉aarorere jinu jaariga nijikorekana. Obhubhambaasi bhwaye ni bhwa echimari, ka wone amenyere ati kaayika ja echimari, korereki emwe wone mwikirisye.

Yowana 21:24

Omwiyigisibhwa oyo niwe urya ꞉aasoosiisye obhubhambaasi inguru ya emisango jinu na okujikaama. Eswe chimenyere ati jinu ꞉aayikire ni ja chimari.

Yowana 3:11

Ni chimari enikubhwira ati, eswe echaayika jinu chimenyere, na echisoosya obhubhambaasi ku‑jinu chirorere. Nawe emwe mutakwikirisya obhubhambaasi bhweswe.

Ebikorwa 22:15

Okubha uribha omubhambaasi waaye, ku‑bhaanu bhoone, ku‑jinu ꞉waarorere na okuungwa.

Ebikorwa 26:16

Woori iimuka, wimereeguru! Okubha naakusoromokera korereki ubhe omukosi waani, usoosye obhubhambaasi ku‑jinu waarora reero na jirya nirikweresya.

Ebikorwa 4:20

Okubha eswe chitakutura okusiga okwayika inguru ya emisango jinu ꞉chaarorere na okuungwa!”

1 Bakorinto 1:6

Ejo ejeeresya ati emisango inguru ya Kirisito jinu ꞉chaabharaasisiisye ni ja chimari.

1 Bakorinto 2:1

Abhayiri bhaani mu‑riikirisya, omwanya gunu ꞉neejire kw‑imwe okubharaasisya inguru ya obhutinge bhwa imbisike ya Nyamuwanga bhunu bhwariga bhubhisirwe, ꞉nitaabhuraasiisye mu‑bhwa ekisi bhwa emisango noorwo mu‑bhwengeeso.

1 Yoana 1:1

Echibharaasisya inguru ya Musango wa obhuwanga, unu ꞉aabheeye‑wo chichaari okubha‑wo echiinu choonechoone. Eswe ꞉chaamutegeresiisye, ꞉chaamurore na ameeso geeswe abheene, ꞉chaamuringiiye na okumukuunʼya‑ko na amabhoko geeswe.

1 Yoana 4:14

Eswe chibhuganganyiisye ameeso na Omwana wa Nyamuwanga. Woori, echibhwira abhaanu abhandi echimari ati, oyo niwe Raata Nyamuwanga ꞉aatumire mu‑chaaro okubha Omuchungusi wa abhaanu bhoone.

3 Yoana 1:12

Abhaanu bhoone abhakuuya Demetiriiyo, abhaayika ati ni muunu wa ekisi. Kaaruubha echimari cha Nyamuwanga mu‑bhurame bhwaye. Noorwo eswe wone, echaayika ati ni muunu wa ekisi. Awe omwene, owumenya ati obhubhambaasi bhweswe ni bhwa echimari.

Obhusweruro 1:11

Obhuraka obhwo nibhumbwira ati, “Kaama mu‑chitabho emisango joone jinu owuja okurora. Ukamara usire echitabho echo mu‑makanisa ganu gari mu‑misi etaanu na ebhiri jinu jiri Yefeeso, Simuriina, Perigaamo, Tiyaatira, Sariidi, Firadeefiya, na Rawodeekiya.”

Obhusweruro 1:19

“Woori kaama emisango jinu waarora, jinu ejikorekana woori kutya na jinu jirikorekana aribha ejo jaatura.

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Obhusweruro 12:11

Woori abheekirisya abheejaasu bhaayigire Syetaani ku‑sagama ya Omwana wa Inaama na ku‑bhubhambaasi bhunu bhasoosiisye. Okubha ꞉bhateeganire obhurame bhwebhwe, bhaariga bhatengeejere noorwo okufwa.

Obhusweruro 12:17

Riyoka eryo, niribhiyirirwa muno omugasi oyo, ndigenda okurwana na abhaana abhandi bha omugasi oyo bhanu bhaariga bhasigaaye. Abhaana abho nibho bhanu abhagayuka ebhiraagiro bhya Nyamuwanga na okusoosya obhubhambaasi inguru ya Yeesu. Mbe, riyoka eryo, niriimereeguru ku‑njekekera ya inyanja.

Obhusweruro 20:4

Nejire neeya, nindora ebhitebhe bhya obhutungi bhinyanjirwe‑ko bhanu bhaariga bhayaaywe obhuturo bhwa okusoosya indamu. Abho, jaariga jiri emitima ja abhaanu bhanu ꞉bheetirwe isonga iri ati, ꞉bhaasoosiisye obhubhambaasi inguru ya Yeesu na okuraasya emisango ja Nyamuwanga. ꞉Bhataaramiisye rityanyi rirya noorwo risusano ryaryo. ꞉Bhateekirisiisye okutuurwa‑ko orunabho rwa rityanyi eryo ku‑bhisuusu bhyebhwe noorwo ku‑mabhoko geebhwe. Mbe abhaanu abho nibhasuuruka, nibhatunga aamwi na Kirisito emiguuga chiwumbi chimwi.

Obhusweruro 22:21

Obhwitiriranya bhwa Raatabhugenyi Yeesu bhubhe aamwi na emwe bhoone. Jibhe kutyo.

Obhusweruro 6:9

Neeya, Omwana wa Inaama ˆnaasuruumura imboyero ya kataanu ya obhurimbo. Mw‑ifuufu rya echigabhiro, nindora emitima ja abhaanu. Abhaanu abho bhaariga bheetirwe ku‑songa ya okwikirisya omusango gwa Nyamuwanga na okuguraasya ku‑bhaanu abhandi.