Obhusweruro 1:11 - Indagano Inyaaya mu-Chijita

¹¹ Obhuraka obhwo nibhumbwira ati, “Kaama mu‑chitabho emisango joone jinu owuja okurora. Ukamara usire echitabho echo mu‑makanisa ganu gari mu‑misi etaanu na ebhiri jinu jiri Yefeeso, Simuriina, Perigaamo, Tiyaatira, Sariidi, Firadeefiya, na Rawodeekiya.”

INDAGANO INYA:YA

¹¹ nibwaika ati, Jinu ourora ujandike mu citabo, ujitume ku kanisa eta:nu ne:biri jinu jiri Efeso, na Simurina, na Perigamo, na Tuatira, na Saridi, na Filadefia, na Laodikia.

Obhusweruro 1:11 ပူးပေါင်းရင်းမြစ်များ

Ebikorwa 16:14

Mu‑bhanu bhaachitegeresyaga, aariga ari‑mo omugasi umwi, asookere mu‑musi gwa Tiyaatira, risiina ryaye aatogwaga Riidiya. Riidiya oyo, aariga ari omugusi wa emyenda ja ekisi ja ijambarawu na aaramyaga Nyamuwanga. Pawuro ejire aabhabhwira Emisango ja Ekisi, Raatabhugenyi ˆneegura mutima gwa Riidiya, ˆnaategeresya kisi omusango gunu Pawuro aariga ˆnaaraasya.

Ebikorwa 18:24

Mbe Omuyawudi umwi, omwibhurwa wa mu‑musi gwa Arekijandiriya risiina ryaye Apooro, ˆnaaja Yefeeso. Apooro oyo aariga ari muunu owa obhuturo bhunene bhwa okusimura na okusombookerwa kisi Ebhikaame Ebhyeru.

Ebikorwa 20:17

Omwanya gunu Pawuro aariga ari Mireeto awo, ˆnaabhirikira abhakaruka bha rikanisa rya Yefeeso bhabhugane nage.

1 Bakorinto 15:32

Araabha obhwiyikanyo bhwani bhukabheeye bhwa ku‑chaaro kunu era, okurwana kwani na jityanyi jinduru mu‑musi gwa Yefeeso nikabhwene‑mo ki? Araabha abhafuuwe bhatakusuururwa, mbe, “Chirye na chinywe, kwa okubha mutondo echifwa.”

1 Bakorinto 16:8

Nawe woori enisigara mu‑musi gwa Yefeeso anu, okukingira orusuku rwa Pendekoosite rukinge.

Baefeso 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga. Enikaamira emwe abheeru bha Nyamuwanga [bhanu muri mu‑musi gwa Yefeeso]. Emwe muri abheeyikanyibhwa mu‑kubha na obhumwi na Kirisito Yeesu.

Bakolosai 2:1

Eneenda mumenye kutyo enirwanirira emirimu jinu inguru yeemwe, inguru ya abhaanu bha mu‑musi gwa Rawodeekiya na inguru ya abhaanu abhandi bhoone bhanu nichaariga okubhugana nabho.

1 Timoteo 1:3

Omwanya gunu ꞉neemukire okugenda mu‑mukoowa gwa Makedooniya, ꞉naakusabhirwe ubhe mu‑musi gwa Yefeeso. ꞉Naakusabhirwe ukore kutyo korereki ugonye abhaanu bhanu abheeyigisya ameeyigisyo ga orubheeyi.

Obhusweruro 1:17

Nejire naamurora, ningwa ku‑maguru gaaye bhwifumbike wuti nifuuwe. Nawe, ˆnaankuunʼya‑ko na okubhoko kwaye kwa ebhuryo, ˆnaambwira ati, “Siga okuubhaya! Anye niri wa okwamba na owa obhuteero.

Obhusweruro 1:19

“Woori kaama emisango jinu waarora, jinu ejikorekana woori kutya na jinu jirikorekana aribha ejo jaatura.

Obhusweruro 1:2

Anye Yowana enisoosya obhubhambaasi bhwa emisango joone jinu ꞉naarorere. Emisango ejo ni inguru ya echimari chinu Yeesu Kirisito ꞉aasweruuye na nigwo omusango gwa Nyamuwanga.

Obhusweruro 1:20

꞉Waarorere jinjota etaanu na ebhiri mu‑kubhoko kwani kwa ebhuryo. ꞉Waarorere wone emitereko etaanu na ebhiri ja inaaryo ja okutuura‑ko jidara. Siga nikwiyigisye obhugajuro bhwa jimbisike ejo. Emitereko jirya ni amakanisa garya agataanu na gabhiri, jinjota jirya etaanu na ebhiri ni bhamaraayika bha amakanisa ago.”

Obhusweruro 1:4

Inyarubha inu, niikaamire anye Yowana. Enikaamira emwe abharuubhirisya bha Yeesu bha mu‑makanisa gataanu na gabhiri ganu gari mu‑chaaro cha Asiya Inooto. Enibhasabhirwa bhwitiriranya na omurembe okusooka ku‑Nyamuwanga unu ari‑wo, unu aariga ari‑wo na unu aribha‑wo, okusooka ku‑myoyo etaanu na ebhiri jinu jiri imbere ya echitebhe cha ingʼoma

Obhusweruro 1:8

Raatabhugenyi Nyamuwanga kaayika ati, “Naanye Obhwambiro na Obhuteero. Anye niri‑wo, naariga niri‑wo na niribha‑wo. Anye niri Nyamuwanga owa obhuturo bhwone.”

Obhusweruro 10:4

Omwanya gunu amabharuka ago ꞉geetabhiirisiisye, naariga nineenda okukaama emisango jinu jaayikwaga na amabharuka ago, nawe ninuungwa obhuraka okusooka mu‑rwire nibhumbwira ati, “Emisango ja amabharuka ejo, siga okujikaama! Emisango ejo ni mbisike!”

Obhusweruro 14:13

Ninuungwa obhuraka okusooka mu‑rwire, nibhumbwira ati, “Kaama ati, okwambira woori, bhari na amabhando abhaanu bhoone bhanu abhafwa bheekirisiisye Raatabhugenyi Yeesu.” Neeya Mwoyo wa Nyamuwanga ˆnaayika ati, “Cha, bharibhona amabhando maafu. Bhariisya omwoyo okusooka ku‑mirimu jeebhwe emisito, okubha bhariyaanwa ebhiyaanwa inguru ya ebhikorwa bhyebhwe bhya ekisi.”

Obhusweruro 19:9

Maraayika urya ˆnaambwira ati, “Kaama ati, bhari na ribhando bhanu bhakokerwe mu‑bhuregesi bhwa Omwana wa Inaama.” ˆNaambwira wone ati, “Ejo nijo emisango ja echimari ja Nyamuwanga.”

Obhusweruro 2:1

Omuunu oyo, ˆnaagenderera okwayika ati, “Ukaamire maraayika wa mw‑ikanisa rya Yefeeso kutya, Anye niri na jinjota jirya etaanu na ebhiri mu‑kubhoko kwani kwa ebhuryo, anye eniribhataga agatigati ya emitereko etaanu na ebhiri ja inaaryo ja okutuura‑ko jidara. Mutegeresye jinu enibhabhwira!

Obhusweruro 2:12

“Ukaamire maraayika wa mw‑ikanisa rya Perigaamo kutya, Niri na imbanda eya amoogi gabhiri. Mutegeresye jinu enibhabhwira!

Obhusweruro 2:18

“Ukaamire maraayika wa mw‑ikanisa rya Tiyaatira kutya, Anye, naanye Omwana wa Nyamuwanga. Ameeso gaani gari rwa jimbeesi ja omuriro na amaguru gaani agangʼarabhya muno rwa echuuma echitukurasi chinu chikuubhirwe muno. Mutegeresye jinu enibhabhwira!

Obhusweruro 2:24

Woori emwe mw‑ikanisa rya Tiyaatira, agati yeemwe bhari‑wo abhandi bhanu bhari abheeyikanyibhwa. Abhaanu abho bhatakuruubha ameeyigisyo ga Yejebheeri oyo, noorwo bhatakumenya emisango jinu abhaanu abhandi abhatoga ati ni emisango ja imbisike muno. Chimari emisango ejo ni meeyigisyo ga Syetaani! Tari abhaanu abheeyikanyibhwa bharya, enibhabhwira ati, nitaribhoongesya‑ko omugugu ogundi,

Obhusweruro 2:8

“Ukaamire maraayika wa mw‑ikanisa rya Simuriina kutya, Anye niri wa okwamba na owa obhuteero. ꞉Naafuuwe, ninsuuruka! Mutegeresye jinu enibhabhwira!

Obhusweruro 21:5

Neeya unu aariga eenyanjire ku‑chitebhe cha ingʼoma ˆnaayika ati, “Ringira, enikora bhuri chiinu okubha echiyaaya!” ˆNaambwira wone ati, “Kaama ati, ejo ni misango ja okwiyikanyibhwa na ja echimari.”

Obhusweruro 22:10

Neeya maraayika oyo, ˆnaambwira ati, “Waasiga okusereka emisango ja obhuragi bhwa echitabho chinu, okubha joone jinu jaayikirwe omwo ejija okukorekana bhwangu.

Obhusweruro 22:16

“Anye Yeesu, naanye orwibhuro orukuru rwa omukama Dawudi, naanye eniseekaana rwa inyamaananga. Anye, naanye unu ꞉naatumire maraayika waani mu‑makanisa, korereki abhwire emwe abharuubhirisya bhaani emisango jinu.”

Obhusweruro 3:1

Niwo omuunu oyo ˆnaagenderera okwayika, ˆnaambwiraga ati, “Ukaamire maraayika wa mw‑ikanisa rya Sariidi kutya, Anye, naanye nitungire emyoyo etaanu na ebhiri ja Nyamuwanga na niri na jinjota etaanu na ebhiri jirya. Mutegeresye jinu enibhabhwira! Enimenya ebhikorwa bhyemwe. Muri na jikuma ja okubha abhaanga echinyamwoyo, keenu mufuuwe.

Obhusweruro 3:14

“Ukaamire maraayika wa mw‑ikanisa rya Rawodeekiya kutya, Anye, naanye Jibhe kutyo, omubhambaasi omwiyikanyibhwa wa echimari inguru ya Nyamuwanga. Anye, naanye obhusimukwa bhwa ebhibhumbwa bhyone bhinu Nyamuwanga ꞉aabhumbire. Mutegeresye jinu enibhabhwira!

Obhusweruro 3:4

Nawe mw‑ikanisa rya Sariidi eyo, agati yeemwe bhari‑wo bhatooto bhanu bhachaari okukootya emyenda jeebhwe kwa okukora ebhibhiibhi. Mbe, bharibha aamwi na anye na bharifwafibhwa emyenda emyeru, kwa okubha bheeyire bhafware kutyo.

Obhusweruro 3:7

“Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!