Obhusweruro 1:10 - Indagano Inyaaya mu-Chijita

¹⁰ Rusuku rumwi, ruri rusuku rwa Raatabhugenyi Yeesu, Mwoyo Mweru ˆneeka inguru yaani. Awoawo ninuungwa obhuraka obhunene inyuma yaani, obhuraka rwa bhwa ingʼombi.

INDAGANO INYA:YA

¹⁰ Nimba mu Mwoyo ku rusiku rwa Ratabugenyi, ninungwa oburaka bunene inyuma yani, rwo bwa iŋombi,

Obhusweruro 1:10 ပူးပေါင်းရင်းမြစ်များ

Matayo 22:43

Yeesu ˆnaabhabhuusya ati, “Araabha ejo ni ja chimari, ni kurwa ki Dawudi, omwanya gunu aatangasibhwaga na Mwoyo wa Nyamuwanga, ꞉aabhirikiiye Kirisito, ‘Raatabhugenyi’? ꞉Aayikire ati,

Yowana 20:19

Yejire yaakinga keegoro orusuku orwoorwo, abheeyigisibhwa bha Yeesu nibheekumanya mu‑nju imwi. Bhejire bheengira nibheegara jinjigi, isonga iri ati bhoobhayaga abhatangasya bha Abhayawudi. Noorwo kutyo jinjigi jaariga jigaaywe, Yeesu ˆnaabhonekana abhwerubhweru, na okwimereeguru agati yeebhwe, ˆnaabhabhwira ati, “Omurembe gubhe aamwi na emwe!”

Yowana 20:26

Jejire jaatura siku etaanu na esatu, abheeyigisibhwa bha Yeesu nibheekumanya aamwi rindi mu‑nju. Orusuku orwo Tomaasi wone aariga ari aamwi nabho. Bhaariga bheegaye jinjigi, nawe Yeesu ˆnaabhonekana abhwerubhweru, ˆneemereeguru agatigati yeebhwe, ˆnaabhakeesya ati, “Omurembe gubhe aamwi na emwe!”

Ebikorwa 20:7

Orusuku rwa obhwoyo rwejire rwakinga, nichiikumanya, korereki chikore obhumwi bhwa okubhega omukaate. Awo Pawuro ˆnaaraasisya abhaanu omusango gwa Nyamuwanga, nikinga mu‑bhwire agati, kwa okubha aariga akarariiye okusooka awo mwejo yende‑ko.

1 Bakorinto 12:3

Kutyo, enibhabhwira ati omuunu woonewoone unu kaatangasibhwa na Mwoyo wa Nyamuwanga atakutura okwayika ati, “Yeesu eeyiimwe.” Ka wone omuunu woonewoone atakutura okwayika ati, “Yeesu ni Raatabhugenyi,” araabha atakutangasibhwa na Mwoyo Mweru.

1 Bakorinto 16:2

Ku‑bhuri rusuku rwa obhwoyo, bhuri muunu agati yeemwe abhiikega echibhiikwa okuruubhana na ribhona ryaye, korereki obhusoroosya bhwasiga okukorekana, omwanya gunu niribhaaja‑ko eyo.

Obhusweruro 17:3

Mbe, Mwoyo wa Nyamuwanga ˆneeka inguru yaani. Maraayika oyo ˆnaankingya mw‑ibhara. Nejire naakinga eyo, nindora omugasi ariinyire kw‑ityanyi rirya rya okwamba. Rityanyi eryo ryariga riri ritukurasi, riri na emitwe etaanu na ebhiri na ameyembe ekumi. Ka wone, ryariga riswirire amasiina ga okufumirisya Nyamuwanga.

Obhusweruro 21:10

Niwo Mwoyo Mweru ˆneeka inguru yaani, maraayika oyo ˆnaansira ku‑chiima echinene echireera. ˆNaanyeeresya omusi omweru Yerusareemu, nigwikaga okusooka mu‑rwire ku‑Nyamuwanga.