Matayo 9:8 - Indagano Inyaaya mu-Chijita

⁸ Abhaanu bhejire bhaarora ejo, nibharuguura na okuubhaya muno. Nibhakusya Nyamuwanga unu ayaaye abhaanu obhuturo bhwa imbaga eyo.

INDAGANO INYA:YA

⁸ Ebise byejire byarora nibyubaya nibikusya Nyamuanga unu ayana aba:nu obuinga bwejabo obwo.

Matayo 9:8 ပူးပေါင်းရင်းမြစ်များ

Matayo 12:23

Ebhise bhya abhaanu bhanu bhaariga bhari awo nibharuguura muno, nibhaayika ati, “Angu, unu kaatura okubha Omwana wa Dawudi?”

Matayo 15:31

Abhaanu nibharuguura muno bhejire bhaarora abhajibhi nibharoma, abharema nibhawora, abhafuuwe bha amaguru nibharibhata na abhawofu nibharora. Nibhaamba okukusya Nyamuwanga wa Abhayisirayeeri.

Matayo 28:18

Mbe, Yeesu ˆnaabhafogera‑ko, ˆnaabhabhwira ati, “Nyamuwanga anaaye obhuturo bhwone bhwa mu‑rwire na obhwa ku‑chaaro.

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Matayo 9:7

Awoawo, omurwaye oyo ˆneemuka, ˆnaagenda iika ewaaye.

Mariko 2:12

Awoawo, omuunu oyo ˆneemereeguru, ˆnaagega riraro ryaye, ˆnaawuruka anja, bhoone bhanu bhaariga bhari arya nibharuguura na okukusya Nyamuwanga, nibhaayikaga ati, “Chichaariga okurora kata echikorwa rwa chinu!”

Mariko 7:37

Nibharuguura muno, nibhaayika ati, “Joone jinu aakora ni ja kisi. Kaawosya abhaanu abha amatwi, bhoongwe, na abhajibhi, bhaayike!”

Ruuka 13:13

Yeesu ˆnaamutuura‑ko amabhoko, niwo ˆneemereeguru eemire chorwechorwe, ˆnaamba okukuuya Nyamuwanga.

Ruuka 17:15

Owumwi weebhwe, ejire aarora ati, aawosiibhwe, ˆnaasubha ku‑Yeesu, ˆnaamuraga obhuraka ˆnaakuuyaga Nyamuwanga.

Ruuka 17:18

Ataasubha noorwo omuunu owundi ˆnaakuuyaga Nyamuwanga, tari mugenyi unu era?”

Ruuka 18:43

Awoawo, ˆnaarora rindi, ˆnaaruubha Yeesu, enu ˆnaakuuyaga Nyamuwanga. Abhaanu bhoone bhejire bhaarora ejo, nibhakuuya Nyamuwanga.

Ruuka 2:20

Abhareefi abho nibhasubha‑wo, keenu nibhasiimaga Nyamuwanga na okumukusya ku‑joone jinu ꞉bhoonguuwe na okurora, kwa okubha jinu ꞉bhaabhwiriiywe na maraayika nikwo kutyo joone ꞉jaabheeye.

Ruuka 23:47

Ejire aamara okwayika kutyo, ˆnaafwa. Omwangarisi wa abhasirikare ejire aarora ejo, ˆnaakuuya Nyamuwanga ˆnaayikaga ati, “Chimari, omuunu unu aariga ari murengeresi imbere ya Nyamuwanga!”

Ruuka 7:16

Abhaanu abho bhoone, nibharuguura muno, nibhaamba okukusya Nyamuwanga, nibhaayikaga ati, “Omuragi omukuru unu eebhuka okusooka mw‑iswe!” Nibhaayika rindi ati, “Nyamuwanga aaja okusakira eswe abhaanu bhaaye!”

Yowana 15:8

Araabha mukatwasya amatwasyo maafu na okubha abheeyigisibhwa bhaani bha echimari, omubha nimweresya abhwerubhweru rikusyo rya Raata waani.

Ebikorwa 11:18

Omwanya gunu Abhayawudi abho ꞉bhoonguuwe ejo, nibhasiga okubhambasyanya nage. Nibhakusya Nyamuwanga nibhaayika ati, “Mbe, Nyamuwanga aayaana abhaanu bhanu bhatari Bhayawudi wone obhuwanga bhwa akajaanende mu‑kuta ebhibhiibhi bhyebhwe!”

Ebikorwa 21:20

Yakobho na abhakaruka bha rikanisa bhejire bhoongwa ejo, nibhakuuya Nyamuwanga. Niwo nibhabhwira Pawuro ati, “Omuyiri weeswe waarora ebhiwumbi na ebhiwumbi bhya Abhayawudi bhanu bheekirisiisye Yeesu na bhoone abharuubhirisya muno ebhiraagiro bhya Muusa.

Ebikorwa 4:21

Peetero na Yowana bhejire bhaamara okwayika kutyo, abhakuru abho nibhabhagonya kwa obhururu muno, nibhabhataatira bhagende. ꞉Bhataabhwene injira ya okubhabhuma, kwa okubha abhaanu bhoone bhaariga nibhakuuya Nyamuwanga muno inguru ya echiruguusyo echo.

2 Bakorinto 9:13

Bharikusya Nyamuwanga, kwa okubha omurimu gwemwe ogweresya ati, muri bhakosi bha ekisi. Ka wone bharimukusya ku‑songa ya obhugayuki bhwemwe mu‑kwikirisya Emisango ja Ekisi inguru ya Kirisito, na ku‑songa ya obhufura bhwemwe bhwa okubhasakira na okusakira abhandi bhoone.

Bagalatia 1:24

Mbe, nibhakusya Nyamuwanga inguru ya jinu aariga ankoreeye.

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.