Matayo 9:35 - Indagano Inyaaya mu-Chijita

³⁵ Mbe, Yeesu aaturaga enu na erya mu‑misi joone na mu‑nguuyo. Woonewoone anu aariga ˆnaatura, eengiraga mu‑nju ja ameekofyanyo geebhwe na okwiyigisya abhaanu. Ka wone, aaraasyaga Emisango ja Ekisi inguru ya obhukama bhwa mu‑rwire na okuwosya abhaanu abha amarwara ga bhuri mbaga.

INDAGANO INYA:YA

³⁵ Yesu naturatura mu misi jo:ne na mu nguyo jo:ne, neigisya mu mekofyanyisyo gebwe, nasimura ebigambo byo bwana ebyo bukama, naosya jindwara jo:ne no burwaririsi bwone.

Matayo 9:35 ပူးပေါင်းရင်းမြစ်များ

Matayo 10:1

Neeya, Yeesu ˆnaabhirikira abheeyigisibhwa bhaaye ekumi na bhabhiri, ˆnaabhayaana obhuturo bhwa okusoosya‑ko amasambwa na obhwa okuwosya abhaanu abha amarwara ga bhuri mbaga.

Matayo 11:1

Yeesu ejire aamara okuragirira abheeyigisibhwa bhaaye ekumi na bhabhiri, ˆnaasooka awo, ˆnaagenda mu‑musi ogundi gwa Gariraaya okwiyigisya na okuraasisya abhaanu eyo.

Matayo 11:5

Mumubhwire ati, abhawofu abharora, abharema abharibhata, abhagenge abheesibhwa, bhanu bhasibhirwe amatwi abhoongwa, abhafuuwe abhasuururwa na abhataka abharaasibhwa Emisango ja Ekisi ja Nyamuwanga.

Mariko 1:14

Nijitura siku nyafu, Yowana ˆnaabhoywa mw‑ibhoyero. Omwanya gunu aariga ari mw‑ibhoyero, Yeesu ˆnaagenda mu‑mukoowa gwa Gariraaya, ˆnaaraasyaga Emisango ja Ekisi ja Nyamuwanga.

Mariko 6:56

Woonewoone anu ꞉aajiiye, ibhe iri mu‑nguuyo, mu‑misi amwi mu‑chaaro chirya, bhaariga nibhamureetera abharwaye mu‑maguriro. Nibheerembeeresya Yeesu ati, eekirisisye abharwaye abho bhakuunʼye noorwo ku‑bhisangʼarye bhya ku‑bhufunyiro bhwa omwenda gwaye era. Niwo bhoone bhanu ꞉bhaabhikuniisye‑ko, nibhawora.

Mariko 6:6

ˆNaaruguura muno, kwa okubha abhaanu abho bhaariga bhatari na eriikirisya noorwo na akatyari. Niwo Yeesu ˆneeyindaga mu‑nguuyo ja ayeeyi okwiyigisya abhaanu.

Ruuka 13:22

Omwanya gunu Yeesu aariga ari mu‑rugendo rwa okugenda Yerusareemu, eeyigisyaga abhaanu bha mu‑misi na mu‑nguuyo jinu aariga ˆnaatura‑mo.

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Ebikorwa 2:22

Peetero ˆnaagenderera okwayika ati, “Emwe abhaanu bha Yisirayeeri, muntegeresye kisi! Nyamuwanga ꞉eeresiisye abhweru kw‑imwe ati Yeesu Omunajareeti ni wa echimari. ꞉Aakorere kutyo, ku‑njira ya ebhikorwa bhya obhuturo, ebhiruguusyo na ebhibharikisyo bhya mbaga nyafunyafu bhinu Nyamuwanga ꞉aamuyaaye amanaga okukora agati yeemwe. Ejo emwe abheene mujimenyere.