Matayo 9:22 - Indagano Inyaaya mu-Chijita

²² Ejire aayikuunʼya‑ko, awoawo Yeesu ˆneekebhuukira inyuma. Ejire aarora omugasi oyo, ˆnaamubhwira ati, “Muyaasya waani, siiriika! Waawosibhwa ku‑songa ya eriikirisya ryawo!” Awoawo, omugasi oyo ˆnaawora.

INDAGANO INYA:YA

²² Nawe Yesu ejire acu:ka namurora, na:ika ati, Muyasya wani, si:ri:ka, okwikirisya kwao kakuosya. Omugasi uyo naora kuso:ka mu mwanya ogwo.

Matayo 9:22 ပူးပေါင်းရင်းမြစ်များ

Matayo 15:28

Yeesu ˆnaamusubhya ati, “Maayi, uri na eriikirisya enene! Nyamuwanga akukorere rwa kutyo oweenda.” Awoawo, omuyaasya waaye ˆnaawora.

Matayo 17:18

Bhejire bhaamukingya, Yeesu ˆnaagonya risambwa rinu ryariga riri mu‑mubhiri gwaye, nirisooka‑mo. Awoawo, omwana oyo ˆnaawora.

Matayo 8:13

Mbe, Yeesu ˆnaabhwira omwangarisi oyo ati, “Genda era iika. Ejija okubha rwa kutyo weekirisya.” Omugaya waaye ˆnaawora omwanya ogwoogwo.

Matayo 9:2

Ejire aakinga eyo, abhaanu abhandi nibhamureetera omuunu unu aariga afuuwe omubhiri, amaamire kw‑iraro. Yeesu ejire aarora eriikirisya ryebhwe, ˆnaabhwira omurwaye oyo ati, “Omwana waani, siiriika! Waafwirwa echigongo ebhibhiibhi bhyawo.”

Matayo 9:29

Niwo Yeesu ˆnaakuunʼya ku‑meeso geebhwe, ˆnaabhabhwira ati, “Ku‑songa ya eriikirisya ryemwe, ejija okubha kutyo.”

Mariko 10:52

Yeesu ˆnaamubhwira ati, “Waawosibhwa ku‑songa ya eriikirisya ryawo. Genda iika.” Awoawo, omuunu oyo ˆnaamba okurora, niwo ˆnaamuruubha ku‑njira.

Mariko 5:34

Yeesu ˆnaamubhwira ati, “Muyaasya waani, waawosibhwa ku‑songa ya eriikirisya ryawo. Nuugende na omurembe, obhurwaye bhusige okukusubha‑ko rindi.”

Ruuka 17:19

Niwo Yeesu ˆnaabhwira omuunu oyo ati, “Imereeguru, ugende ewaawo! Waawosibhwa ku‑songa ya eriikirisya ryawo.”

Ruuka 18:42

Yeesu ˆnaamubhwira ati, “Nuurore rindi! Waawosibhwa ku‑songa ya eriikirisya ryawo.”

Ruuka 7:50

Awo, Yeesu ˆnaabhwira omugasi oyo ati, “Waachungurwa kwa okubha weekirisya! Nuugende na omurembe.”

Ruuka 8:48

Mbe, Yeesu ˆnaamubhwira ati, “Muyaasya waani, waawosibhwa ku‑songa ya eriikirisya ryawo! Nuugende na omurembe.”

Yowana 4:53

Mbe, esemwene omumura oyo, ˆnaasombookerwa ati, aamawora omwanya guryagurya gunu Yeesu ꞉aamubhwiriiye ati, “Omumura waawo aaworere.” Kurwa ejo, omusakisi oyo aamwi na abhaanu bhoone bha iika waaye, nibheekirisya Yeesu.

Ebikorwa 14:9

Omwanya gunu Pawuro aaraasyaga, omuunu oyo wone aariga eenyanjire awo ˆnaamutegeresyaga. Pawuro ˆnaamuringira nekeneke, ˆnaarora ati, ari na eriikirisya rya okuwosibhwa.

Ebikorwa 16:18

ˆNaakora kutyo bhuri rusuku, okukingira Pawuro ˆnaabhiyirwa muno. Ku‑bhuteero, ˆnaaringira omugayagasi oyo, ˆnaagonya risambwa rinu ryariga rimuri‑ko ati, “Enikugonya kw‑isiina rya Yeesu Kirisito, sooka ku‑muyarakaji unu!” Awoawo risambwa eryo nirimusooka‑ko.

Baeburania 4:2

Eswe chiraasisiibhwe emisango ja ekisi ejo ja orubhaara rwa okwisya omwoyo rwa kutyo bhasaaja weeswe wone ꞉bhaaraasisiibhwe. Nawe emisango ejo ꞉jitaabhasakiiye gwonegwone, kwa okubha ꞉bhaajuunguuwe tari ꞉bhataajiikirisiisye.