Matayo 9:13 - Indagano Inyaaya mu-Chijita

¹³ Mbe, mugende mwiyigire obhugajuro bhwa emisango ja Nyamuwanga mu‑Bhikaame Ebhyeru. Kaayika ati, ‘Eneenda mubhe na echigongo okukira okusoosya echoogo.’ Mbe, anye ꞉niteejire okubhirikira abhaanu abharengeresi bhayindukire Nyamuwanga, tari abhakosi bha ebhibhiibhi.”

INDAGANO INYA:YA

¹³ Nawe nimugende mwiigire obugajuro bwe cigambo cinu ati, Enenda ecigongo amwi nitakwenda co:go. Okuba nite:jire kubirikira abarengeresi tari abe bibi:bi.

Matayo 9:13 ပူးပေါင်းရင်းမြစ်များ

Matayo 12:3

Yeesu ˆnaabhasubhya ati, “Angu, muchaariga okusoma mu‑Bhikaame Ebhyeru jinu Dawudi ꞉aakorere, ari aamwi na abheejaabho omwanya gunu ꞉bhoonguuwe omweko?

Matayo 12:5

Ka wone, muchaariga okusoma jinu ebhiraagiro bhya Muusa ebhyayika inguru ya abhagabhisi bhanu bhaafurubhendaga mw‑Iyekaru rya Nyamuwanga ku‑rusuku rwa Isabhaato? Bhaanyamuraga ebhiraagiro bhya Isabhaato, nawe Nyamuwanga ꞉ataabhabharire ati, bhari na echikayo.

Matayo 12:7

Nyamuwanga kaayika mu‑Bhikaame Ebhyeru ati, ‘Eneenda mubhe na echigongo okukira okusoosya echoogo.’ Araabha mwakabheeye mumenyere obhugajuro bhwa emisango ejo, mutaakaramuuye abhaanu bhanu bhatakorere echikayo choonechoone.

Matayo 19:4

Yeesu ˆnaabhasubhya ati, “Muchaariga okusoma mu‑Bhikaame Ebhyeru ati okusookerera ku‑bhwambiro bhwa obhubhumbi, ‘Nyamuwanga ꞉aabhumbire omurume na omugasi’?

Matayo 21:42

Niwo Yeesu ˆnaabhabhwira ati, “Angu, muchaariga okusoma jinu jikaamirwe mu‑Bhikaame Ebhyeru? Jikaamirwe ati, ‘Ribhuyi rinu abhoombaki ꞉bhaaremere, niryo ryabha ribhuyi rinene rya orufuka. Raatabhugenyi niwe aakora ogwo, ogwo ni musango gwa okuruguusya kw‑iswe.’”

Matayo 3:2

“Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Matayo 3:8

Mbe, mukore ebhikorwa bhinu ebhyeresya ati, chimari mwata ebhibhiibhi bhyemwe ku‑Nyamuwanga.

Matayo 4:17

Ku‑mwanya ogwo, Yeesu ˆnaamba okuraasisya abhaanu ati, “Mute ebhibhiibhi bhyemwe ku‑Nyamuwanga, kwa okubha obhukama bhwa mu‑rwire bhuri yeeyi!”

Mariko 12:26

Nawe ni chimari ati, abhafuuwe bharisuuruka. Angu, muchaariga okusoma mu‑chitabho cha Muusa, kutyo Nyamuwanga ꞉aayikire mu‑chisaka chinu chaariga nichaaka omuriro? Mu‑chisaka arya, Nyamuwanga ꞉aabhwiriiye Muusa ati, ‘Anye niri Nyamuwanga wa Bhurayimu, Isaaka na Yakobho.’

Mariko 12:33

Ka wone waayika ati, wendega Nyamuwanga kwa omwoyo gwawo gwone, kwa obhwenge bhwawo bhwone, kwa amanaga gaawo goone, na wendega wone oweejaanyu rwa kutyo owiyenda omwene. Ago nigo amaragiriro ga bhusibhusi muno. Emisango jinu ni ja bhusibhusi okukora okukira okusoosya ebhyogo bhyone bhya okwochiibhwa na ebhitambwa ebhindi bhyone.”

Mariko 2:17

Yeesu ejire oongwa emisango jeebhwe, ˆnaabhabhwira ati, “Abhaanu bhanu bhatarwaye bhatakukena omuragusi, tari abharwaye nibho abhamukena. Anye ꞉niteejire okubhirikira abhaanu bhanu abheerora wuti ni bharengeresi, tari abhakosi bha ebhibhiibhi.”

Ruuka 10:26

Yeesu ˆnaamusubhya ati, “Jikaamirwe kutiki mu‑bhiraagiro bhya Muusa? Owubhisombookerwa kutiki?”

Ruuka 19:10

Okubha anye Omwana wa Omuunu ꞉neejire okuyenja na okuchungura abhaanu bhanu bhabhurire.”

Ruuka 24:47

Abhaanu bha amaanga goone okwambira Yerusareemu, bhariraasibhwa okuta na okufwirwa echigongo ebhibhiibhi bhyebhwe kwa risiina ryaye.

Ruuka 5:31

Yeesu ˆnaabhasubhya ati, “Abhaanu bhanu bhatarwaye, bhatakukena omuragusi. Tari abharwaye nibho abhamukena!

Ruuka 5:32

Anye ꞉niteejire okubhirikira bhanu abheerora wuti ni bharengeresi imbere ya Nyamuwanga. Tari niijire okubhirikira abhakosi bha ebhibhiibhi, korereki bhate ebhibhiibhi.”

Yowana 10:34

Yeesu ˆnaabhabhuusya ati, “Angu, jitakaamirwe mu‑Bhikaame Ebhyeru ati Nyamuwanga ꞉aayikire ati, ‘Emwe muri bhanyamuwanga’?

Ebikorwa 11:18

Omwanya gunu Abhayawudi abho ꞉bhoonguuwe ejo, nibhasiga okubhambasyanya nage. Nibhakusya Nyamuwanga nibhaayika ati, “Mbe, Nyamuwanga aayaana abhaanu bhanu bhatari Bhayawudi wone obhuwanga bhwa akajaanende mu‑kuta ebhibhiibhi bhyebhwe!”

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Ebikorwa 3:19

Kurwa ejo, mute chimwi ebhibhiibhi bhyemwe na muyindukire Nyamuwanga, korereki abhafwire echigongo. Nikwo kutyo Nyamuwanga aribhasimbiisya emwe, ku‑njira ya okubha ayeeyi na emwe,

Ebikorwa 5:31

Neeya, Nyamuwanga ˆneenamusya Yeesu unu, ˆnaamutuura orubhaara rwaye rwa ebhuryo, abhe Omutungi na Omuchungusi, korereki asakire Abhayisirayeeri bhate ebhibhiibhi bhyebhwe, bhafwirwe echigongo.

2 Petero 3:9

Abhaanu abhandi abheetogera ati Raatabhugenyi kaakoora okukuumisya jinu ꞉aaragire, nawe atakukoora. Tari omwene keegumiirisya ku‑songa yeemwe, okubha atakwenda omuunu noorwo umwi abhure. Chinu keenda ni ati bhoone bhate ebhibhiibhi bhyebhwe.