Matayo 8:6 - Indagano Inyaaya mu-Chijita

⁶ Omuunu oyo, ˆnaamwirembeeresya, ˆnaayikaga ati, “Raatabhugenyi, iika ewaani eyo, omugaya waani amaamire era, afuuwe omubhiri, kaasibhwa muno.”

INDAGANO INYA:YA

⁶ Na:ika ati, Ratabugenyi, akamura kani kama:mire mu nyumba kakomborikire, aka:sibwa muno.

Matayo 8:6 ပူးပေါင်းရင်းမြစ်များ

Matayo 4:24

Emisango inguru ya Yeesu nijiswirana muno, nijikinga mu‑chaaro choone cha Siiriya. Abhaanu nibhamureetera abharwaye bheebhwe bhoone bha amarwara ga bhuri imbaga. Mu‑bhaanu abho, bhaariga bhari‑mo bhanu bhaariga nibhanyaasibhwa muno, bhanu bhaariga bhawungirwe amasambwa, bhanu bhaariga nibhagwa echitwe na bhanu bhaariga bhafuuwe emibhiri. Yeesu ˆnaabhawosya bhoone.

Matayo 8:7

Yeesu, ˆnaamusubhya ati, “Enija okuuja okumuwosya.”

Matayo 9:2

Ejire aakinga eyo, abhaanu abhandi nibhamureetera omuunu unu aariga afuuwe omubhiri, amaamire kw‑iraro. Yeesu ejire aarora eriikirisya ryebhwe, ˆnaabhwira omurwaye oyo ati, “Omwana waani, siiriika! Waafwirwa echigongo ebhibhiibhi bhyawo.”

Ebikorwa 10:7

Maraayika ejire aamara okubhwira Koroneeriyo ejo, ˆnaasooka‑wo. Awo Koroneeriyo ˆnaabhirikira abhakosi bhabhiri bha iika, na omusirikare umwi unu aamufurubhenderaga, ka wone aariga ˆnaaramya Nyamuwanga.

Ebikorwa 8:7

Firipo aariga ˆnaasoosya‑ko amasambwa ku‑bhaanu bhaafu, amasambwa ago gaabhasookaga‑ko nigamwaya. Ka wone aawosyaga abharema bhaafu na bhanu bhaariga bhafuuwe emibhiri.

Ebikorwa 9:33

Mu‑musi omwo, ˆnaabhugana na omuunu, risiina ryaye aatogwaga Ayineeya. Oyo aariga afuuwe omubhiri, amaamire kw‑iraro omwanya gwa emiguuga etaanu na esatu.

Bakolosai 3:11

Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

Bakolosai 4:1

Emwe abhaami, mukoreraga abhagaya bheemwe mu‑bhurengeresi rwa kutyo jiiyire bhakorerwe. Mwichuke ati emwe wone muri na omwami weemwe mu‑rwire, niwe Raatabhugenyi.

1 Timoteo 6:2

Araabha abhagaya bhari na abhaami abheekirisya bhasige okubhagaya, kwa okubha abheene wone ni bhayiri. Abhagaya abho, abhakenwa bhabhakorere ja ekisi muno, kwa okubha abhabha nibhasakira abheekirisya abheejaabho, ka wone ni bheendwa bheebhwe. Ejo ujiiyigisye na okujikomeeresya.

Filemoni 1:16

Okwambira woori, omwene atari rwa omugaya era kw‑awe, tari omwene ari na ingʼoryo muno okukira omugaya, ari rwa omuyiri omwendwa. Anye enimwenda muno, awe urimwenda okukira anye, rwa omugaya mu‑nju yaawo, ka wone rwa omuyiri mu‑Raatabhugenyi Yeesu.