Matayo 8:22 - Indagano Inyaaya mu-Chijita

²² Yeesu ˆnaamusubhya ati, “Awe nuunduubhe, siga bhanu bhafuuwe echinyamwoyo bhasiike abhafuuwe bheebhwe.”

INDAGANO INYA:YA

²² Nawe Yesu namubwira ati, Ndu:ba, siga abafu:ye basi:ke abafu:ye bebwe.

Matayo 8:22 ပူးပေါင်းရင်းမြစ်များ

Matayo 8:21

Mbe, omuunu owundi, owumwi wa abheeyigisibhwa bha Yeesu, ˆnaayika ati, “Raatabhugenyi, nuunyikirisisye nigende okwamba okusiika raata.”

Matayo 9:9

Yeesu ejire aasooka awo, bhunu aaribhataga ku‑njira, ˆnaarora omutobhesya umwi wa rigooti unu aatogwaga ati, Mataayo. Omutobhesya oyo, aariga eenyanjire mw‑itobhesisyo rya rigooti. Yeesu ˆnaamubhwira ati, “Nuunduubhe.” Awoawo, Mataayo ˆneemuka, ˆnaamuruubha.

Mariko 2:14

Neeya Yeesu ˆnaasooka awo ˆnaagenda, ku‑njira ˆnaarora Raawi omwana wa Arufwayo, eenyanjire mw‑itobhesisyo rya rigooti. Yeesu ˆnaamubhwira ati, “Nuunduubhe.” Awoawo, Raawi ˆneemuka, ˆnaamuruubha.

Ruuka 15:24

kwa okubha omwana waani unu, aariga afuuwe, woori anu aasuuruka. Aariga abhurire, woori anu aabhonekana rindi!’ Mbe, bhoone nibhaamba okusandabha.

Ruuka 15:32

Nawe omutooto waawo unu, jeenderwe chimukorere obhugenyi, chikonderwe na okusandabha aamwi. Okubha aariga ari wuti afuuwe, woori anu aasuuruka. Aariga abhurire, woori anu, aabhonekana rindi!’”

Ruuka 9:59

Yeesu ˆnaabhwira omuunu owundi ati, “Nuunduubhe!” Omuunu oyo ˆnaamubhwira ati, “Raatabhugenyi, nuunyikirisisye nigende okwamba okusiika raata.”

Ruuka 9:60

Nawe Yeesu ˆnaamusubhya ati, “Siga bhanu bhafuuwe echinyamwoyo bhasiike abhafuuwe bheebhwe. Nawe awe, genda uraasisye abhaanu emisango inguru ya obhukama bhwa Nyamuwanga.”

Yowana 1:43

Mwejo yende‑ko, Yeesu ˆnaaramura okugenda mu‑mukoowa gwa Gariraaya. Niwo ˆnaasongʼana Firipo, ˆnaamubhwira ati, “Nuunduubhe.”

Yowana 21:19

Yeesu ꞉aayikire kutyo okweresya ati ni rufu rwa mbaga ki runu Peetero arifwa, na kutyo ruriyaana Nyamuwanga rikusyo. Mbe, Yeesu ejire aamara okwayika ejo, ˆnaabhwira Peetero ati, “Nuunduubhe.”

Yowana 21:22

Yeesu ˆnaamusubhya ati, “Araabha nikeenda ati arame okukingira omwanya gunu nirisubha, ogwo ogukusaasa ki? Awe nuunduubhe.”

Baefeso 2:1

Emwe mwariga mufuuwe echinyamwoyo, inguru ya bhunyatagayuka bhwemwe na ebhibhiibhi bhyemwe.

Baefeso 2:5

꞉aachiyaaye obhuwanga aamwi na Kirisito. ꞉Aakorere kutyo, noorwo kutyo chaariga chifuuwe echinyamwoyo inguru ya ebhibhiibhi bhyeswe. Nikwo kutyo chichunguuywe kwa obhwitiriranya bhwaye.

Baefeso 5:14

Nikwo okukora ejaayikwa ati, “Rafya awe, unu uwongeeye. Usuuruke okusooka mu‑bhafuuwe, Kirisito arikungʼarabhisya obhweru.”

Bakolosai 2:13

Muchaari okwikirisya Kirisito, mwariga mufuuwe inguru ya ebhibhiibhi bhyemwe, ka wone ꞉mutatenderwe bhumuunu bhwemwe bhwa ebhibhiibhi. Nawe Nyamuwanga ꞉aabhayaaye obhuwanga aamwi na Kirisito na ꞉aachifwiriiye echigongo ebhibhiibhi bhyeswe bhyone.

1 Timoteo 5:6

Nawe omutumbagasi unu atakutura okwiyangarira, oyo ari rwa omufuuwe noorwo kutyo kaabhonekana okubha omuwanga.