Matayo 8:20 - Indagano Inyaaya mu-Chijita

²⁰ Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”

INDAGANO INYA:YA

²⁰ Yesu namubwira ati, Banyamubwe barina mo:bo na jinyonyi ja mu rutumba jiri na moswi, nawe Omwana wo mu:nu atana wa kuta mutwe gwae.

Matayo 8:20 ပူးပေါင်းရင်းမြစ်များ

Matayo 12:32

Ka wone, Nyamuwanga arifwira echigongo abhaanu bhanu abhanyayika kubhiibhi, anye Omwana wa Omuunu. Nawe atarifwira echigongo abhaanu bhanu abhaayika kubhiibhi Mwoyo Mweru, ku‑mwanya gunu, amwi gunu oguuja.

Matayo 12:40

Rwa kutyo Yoona ꞉aabheeye mu‑nda ya iiswi inene siku esatu mu‑ngeta na mu‑mwisi, nikwo kutyo anye wone Omwana wa Omuunu, niribha mu‑fwa jisiku esatu mu‑ngeta na mu‑mwisi.

Matayo 12:8

Kurwa ejo, anye Omwana wa Omuunu, naanye Raatabhugenyi wa orusuku rwa Isabhaato.”

Matayo 13:37

Yeesu ˆnaabhabhwira ati, “Omuunu unu ꞉aabhibhire jimbibho ja ekisi, naanye Omwana wa Omuunu.

Matayo 16:13

Yeesu ejire aakinga orubhaara runu rwatogwaga ati Kayisaariya‑Firiipi, ˆnaabhuusya abheeyigisibhwa bhaaye ati, “Abhaanu abhaayika ati, anye Omwana wa Omuunu, naanye ga?”

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 17:9

Omwanya gunu bhaariga bhachooromoka okusooka ku‑chiima okwo, Yeesu ˆnaabharagirira ati, “Mutarija okubhwira omuunu woonewoone jinu mwarora, okukingira omwanya gunu anye Omwana wa Omuunu, nirisuuruka okusooka mu‑bhafuuwe.”

Matayo 19:28

Yeesu ˆnaabhasubhya ati, “Ni chimari enibhabhwira ati, anye Omwana wa Omuunu niriinyanja rwa omukama ku‑chitebhe chaani cha rikusyo mu‑chaaro echiyaaya. Niwo emwe wone bhanu munduubhire, muriinyanja ku‑bhitebhe bhya obhutungi ekumi na bhibhiri, okuramura jingʼanda ekumi na ebhiri ja Abhayisirayeeri.

Mariko 8:38

Okubha omuunu woonewoone unu arindorera jiswaro anye, na emisango jaani, kw‑iyimbo rinu ribhiibhi, rinu abhaanu bhatari bheeyikanyibhwa imbere ya Nyamuwanga, anye Omwana wa Omuunu wone nirirorera omuunu oyo jiswaro, omwanya gunu niriija na bhamaraayika abheeru mw‑ikusyo rya Raata.”

Ruuka 12:8

“Enibhabhwira ati, omuunu woonewoone unu kaanyikirisya imbere ya abhaanu, anye wone Omwana wa Omuunu nirimwikirisya imbere ya bhamaraayika bha Nyamuwanga ati, omuunu oyo ni waani.

Ruuka 18:8

Enibhabhwira ati, kaja okubhayaana rirenga rwebhwe bhwangwe. Nawe, anye Omwana wa Omuunu omwanya gunu nirisubha ku‑chaaro, angu nirisongʼana abhaanu bhachaanyikirisyaga?”

Ruuka 2:12

Echibharikisyo cha okubheeresya ejo ni ati, omuja okusongʼana omwana omurera afundikiywe emyenda, amaamibhwe mw‑itubha rya okuriisisya‑mo jiingʼa.”

Ruuka 2:16

Kurwa ejo, nibhagenda bhwangubhwangu. Bhejire bhaakinga nibhasongʼana Maryamu na Jejefu, nibharora omwana omurera oyo amaamibhwe mw‑itubha.

Ruuka 2:7

ˆNeebhura omwana waaye wa obhubhere ari wa echirume. ˆNaamuswikira emyenda, ˆnaamumaamya mw‑itubha rya okuriisisya‑mo jiingʼa, kwa okubha ꞉bhataabhwene obhumaamo mu‑nju ya abhagenyi.

Ruuka 21:36

Kurwa ejo, mubhega mutengeejere omwanya gwone! Mugenderere okusabhwa Nyamuwanga, korereki abhayaane obhuturo bhwa okwiruka joone jinu jirikorekana, na mwimereeguru imbere yaani, anye Omwana wa Omuunu.”

Ruuka 8:3

Aariga ari‑wo wone Yoana, omugasi wa Kuja. Kuja oyo, niwe aariga ari mubhiiki omukuru wa ebhiinu bhya omukama Yeroode Atipaasi. Aariga ari‑wo Susana, na abhagasi abhandi bhaafu, bhanu bhaasoosyaga ebhiinu bhyebhwe okusakira Yeesu na abheeyigisibhwa bhaaye.

Ruuka 9:58

Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”

Yowana 1:51

Yeesu ˆnaagenderera okwayika ati, “Ni chimari enibhabhwira ati, murirora orwire rwigukire, ka wone murirora bhamaraayika bha Nyamuwanga nibhariinyaga na okwika inguru yaani, anye Omwana wa Omuunu.”

Yowana 12:34

Mbe, echise cha abhaanu nichisubhya Yeesu ati, “Eswe chisomere mu‑Bhikaame Ebhyeru ati, Kirisito kaarama akajaanende koone. Mbe, ni kurwa ki owaayika ati jeenderwe Omwana wa Omuunu anungwe inguru? Angu, Omwana wa Omuunu niga?”

Yowana 13:31

Mbe, Yuuda ejire aawuruka anja, Yeesu ˆnaabhwira abheeyigisibhwa bhaaye ati, “Woori rikusyo ryani, anye Omwana wa Omuunu, riri yeeyi okubhonekana abhwerubhweru. Noorwo rikusyo rya Nyamuwanga erija okubhonekana abhwerubhweru okutura kw‑anye.

Yowana 3:13

Atari‑wo omuunu woonewoone unu arajiiye mu‑rwire. Nawe anye Omwana wa Omuunu, naanye ꞉neejire okusooka mu‑rwire.

Yowana 3:14

“Omwanya gunu Abhayisirayeeri bhaariga bhari mw‑ibhara, Muusa ꞉aakonjere risusano rya injoka ya isyabha na okurisunga kw‑iti, korereki bhawone. Nyabhuriko na anye Omwana wa Omuunu niryendwa okusungwa,

Yowana 6:27

Mwasiga okukora emirimu inguru ya okubhona ebhiryo bhinu ebhinyamuka, tari mukorega emirimu inguru ya okubhona ebhiryo bhinu bhitakunyamuka, ka wone ebhiyaana abhaanu obhuwanga bhwa akajaanende koone. Anye Omwana wa Omuunu, eniyaana abhaanu ebhiryo ebhyo, kwa okubha Raata Nyamuwanga anaaye obhuturo bhwa okukora kutyo.”

Yowana 6:53

Okuruubhana na ejo, Yeesu ˆnaabhabhwira ati, “Ni chimari enibhabhwira ati, aribha mwarema okurya omubhiri gwani, na okunywa isagama yaani, anye Omwana wa Omuunu, mutaribhona obhuwanga bhwa akajaanende koone.

Yowana 6:62

Woori, jiribha kutiki aribha mwandora anye Omwana wa Omuunu, nindiinya okugenda mu‑rwire anu naariga niri ku‑bhwambiro?

Ebikorwa 7:56

Awo ˆnaayika ati, “Murore! Enirora orwire rwigukire, na Omwana wa Omuunu eemereeguuyu orubhaara rwa ebhuryo rwa Nyamuwanga!”

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.