Matayo 8:2 - Indagano Inyaaya mu-Chijita

² Ringira, omuunu umwi unu aariga arwaye ebhigenge ˆnaaja, ˆneefukama imbere yaaye, ˆnaamubhwira ati, “Raatabhugenyi, nimenyere ati, uri na obhuturo bhwa okummosya korereki neere. Ukeenda, enisabhwa ummosye!”

INDAGANO INYA:YA

² Mbe na:ja omugenge namuramya na:ika ati, Ratabugenyi, ukenda outura okunyesya.

Matayo 8:2 ပူးပေါင်းရင်းမြစ်များ

Matayo 10:8

Muwosyega abharwaye, musuururega abhafuuwe, mwesyega abhagenge na musoosyege‑ko amasambwa okusooka mu‑bhaanu. Muyaaywe obhuturo obhwo kutyo era, woori emwe wone, musakirega kutyo era.

Matayo 13:58

Mbe, Yeesu ꞉ataakorere ebhiruguusyo bhyafu eyo, kwa okubha abhaanu abho, ꞉bhataamwikirisiisye.

Matayo 14:33

Mbe, abheeyigisibhwa bhanu bhaariga bhasigaaye mu‑ngama, nibhamwifukamira, nibhaayikaga ati, “Chimari, awe uri Mwana wa Nyamuwanga!”

Matayo 15:25

Omugasi oyo ˆnaafogera ku‑Yeesu, ˆneefukama imbere yaaye, ˆnaamwirembeeresya ati, “Raatabhugenyi, nuunsakire!”

Matayo 18:26

“Mbe, omugaya oyo, ˆneefukama imbere ya omwami waaye, ˆnaamwirembeeresya, ˆnaayikaga ati, ‘Enisabhwa unyigumiirisye, nirikuriya ribhanja ryawo ryone!’

Matayo 2:11

Mbe, nibheengira mu‑nju, nibharora omwana aamwi na Maryamu nyiramwene, nibheefukama nibharamya omwana oyo. Nibhasuruumura jisagwa jeebhwe, nibhasoosya‑mo ebhiyaanwa bhya inaaryo, obhubhaani na amafuta amarange, nibhayaana omwana oyo.

Matayo 20:20

Niwo, omugasi wa Jebhedaayo ˆnaaja ku‑Yeesu aamwi na abhaana bhaaye bhabhiri, ˆneefukama imbere yaaye, ˆnaamusabhwa amukorere omusango gumwi.

Matayo 26:6

Niwo Yeesu ˆnaagenda mu‑ruguuyo rwa Bheetaniya, ˆneekara mu‑nju ya Simooni unu kara aariga arwaye ebhigenge.

Matayo 28:17

Eyo niyo ꞉bhaamurorere. Bhejire bhaamurora, nibhamuramya, nawe abhaanu abharebhe agati yeebhwe nibhajira echiitimaato araabha ni Yeesu.

Matayo 28:9

Mbe, bhunu bhaariga bhachaagenda okubhwira abheeyigisibhwa bhaaye, awoawo Yeesu ˆnaabhugana nabho, ˆnaabhabhwira ati, “Naabhakeesya!” Nibhamujaa‑ko, nibhamuramya kwa okugwata amaguru gaaye.

Matayo 4:9

ˆnaamubhwira ati, “Araabha ukandamya, enikuyaana bhyone bhinu.”

Matayo 8:1

Yeesu ejire aasooka ku‑chiima, ebhise bhyafu bhya bhaanu nibhimuruubha.

Matayo 8:25

Abheeyigisibhwa bhaaye nibhamuuja‑ko, nibhamurafya, nibhaayikaga ati, “Raatabhugenyi, nuucheerure! Echisingaarika!”

Matayo 9:18

Omwanya gunu Yeesu aariga achaayika emisango ejo, ˆnaaja omukuru umwi wa inju ya eriikofyanyo, ˆneefukama imbere yaaye, ˆnaamubhwira ati, “Omuyaasya waani, kaamara okufwa woori anu! Enisabhwa chigende, umuteere‑ko okubhoko kwawo, omwoyo oguja okumusubha‑mo rindi.”

Ruuka 4:27

“Ku‑mwanya gwa omuragi Erisya, wone bhaariga bhari‑wo abhagenge bhaafu mu‑chaaro cha Yisirayeeri, nawe ꞉bhataawosiibhwe bhoone tari Naamaani era, omuunu kusooka mu‑chaaro cha Siiriya!”

Yowana 9:38

Omuunu oyo ˆnaayika ati, “Raatabhugenyi, enikwikirisya.” Niwo omuunu oyo, ˆnaamuramya.

Ebikorwa 10:14

Peetero ˆnaamubhwira ati, “Wuri, Raatabhugenyi! Nichaariga okurya sirisiri, echiryo choonechoone echijabhi!”

Ebikorwa 10:25

Omwanya gunu Peetero aariga ˆneengira, Koroneeriyo ˆnaamuramira, ˆneefukama imbere yaaye, ˆneenamya obhusu aasi, korereki amuramye.

1 Bakorinto 14:25

Jinu jiiserekere mu‑mwoyo gwaye, ejibha abhweru, niwo keefukama na okwinamya obhusu okukinga aasi okuramya Nyamuwanga, ˆnaayika ati, “Chimari Nyamuwanga ari agati yeemwe!”

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”