Matayo 8:17 - Indagano Inyaaya mu-Chijita

¹⁷ Ejo ꞉jaakorekeene korereki gukuumire omusango gunu ꞉gwayikirwe na omuragi Iisaya ati, “Omwene ꞉aagegere obhwasibhwa bhweswe, ꞉aawosiisye amarwara geeswe.”

INDAGANO INYA:YA

¹⁷ Korereki cikumire eco caikirwe no muragi Isaya ati, Omwene a:gegere amarwaririsi geswe, ne:twika jindwara jeswe.

Matayo 8:17 ပူးပေါင်းရင်းမြစ်များ

Matayo 1:22

Ejo joone ꞉jaakorekeene kutyo, korereki gukuumire omusango gunu Raatabhugenyi ꞉aayikire okutura ku‑muragi waaye ati,

Matayo 2:15

Bhejire bhaakinga mu‑chaaro echo, nibhabha omwo, okukingira omwanya gunu Yeroode ꞉aafuuwe. Emisango ejo ꞉jaakorekeene kutyo, korereki gukuumire omusango gunu Raatabhugenyi ꞉aayikire ku‑njira ya omuragi waaye ati, “꞉Naabhirikiiye omwana waani okusooka Miisiri.”

Matayo 2:23

Nibhaja mu‑musi gunu gwatogwaga ati Najareeti, nibheekara eyo. Niwo omusango ꞉gwakuumiiye gunu ꞉gwayikirwe inguru ya Yeesu ku‑njira ya abharagi ati, “Aritogwa Omunajareeti.”

Mariko 1:32

Orusuku orwo keegoro, Isabhaato yejire yaatura, abhaanu bha mu‑musi omwo nibhareetera Yeesu abharwaye bhaafu, na bhanu bhaariga bhawungirwe amasambwa.

Ruuka 4:40

Mbe, risuubha ryejire ryatubhira, orusuku rwa Isabhaato niruyitingʼana. Abhaanu nibhareetera Yeesu abharwaye bheebhwe bhanu bhaariga bhari na amarwara ga mbaga nyafunyafu. Yeesu ˆnaatuura amabhoko gaaye ku‑bharwaye abho, ˆnaabhawosya bhoone.

2 Bakorinto 12:10

Enikondererwa obhujorobhoke bhwani, ka wone enikondererwa amafumo, jimbuma, jinyaako, na ebhinyaasyo, bhinu ebhimbona inguru ya Kirisito. Enikondererwa, kwa okubha omwanya gunu enibha niri mujorobhoke, niwo enibha niri na amanaga.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.