Matayo 8:12 - Indagano Inyaaya mu-Chijita

¹² Nawe Abhayisirayeeri abharebhe bhanu bhaariga nibheeyikanya okwingira mu‑bhukama obhwo, bharyeswa anja mu‑chisuute, omwo nimwo bhaririraga na okuguguna ameeno.”

INDAGANO INYA:YA

¹² Nawe aba:na bo bukama baryeswa mu cisu:te ca anja, niyo kuriba okurira no kuguguna ame:no.

Matayo 8:12 ပူးပေါင်းရင်းမြစ်များ

Matayo 13:38

Risambu ni chaaro, jimbibho ja ekisi ni bhaanu bha obhukama bhwa mu‑rwire, na amagorogoro ni bhaanu bha Omubhiibhi urya Syetaani.

Matayo 13:42

Bhamaraayika abho, bharyesa abhaanu abhajabhi bhoone mu‑nyanja ya omuriro. Omwo nimwo bhaririraga na okuguguna ameeno.

Matayo 13:50

Niwo bharyesa abhakosi bha ebhibhiibhi mu‑nyanja ya omuriro. Omwo nimwo bhaririraga na okuguguna ameeno.”

Matayo 21:43

Yeesu ˆnoongesya ati, “Enibhabhwira ati, ku‑songa eyo Nyamuwanga arisoosya‑wo obhukama bhwaye kw‑imwe na okuyaana abhaanu bha amaanga agandi bhanu bharitwasya amatwasyo inguru yaaye.

Matayo 24:51

Niwo omwami waaye arimuyaana jimbuma muno na okumwesa anu abheerimaanya bhari. Omwo nimwo abhaanu bhaririraga na okuguguna ameeno.”

Matayo 25:30

Omugaya oyo, atari na omuriiro gwonegwone. Mumwese anja mu‑chisuute munu bhaririraga na okuguguna ameeno.’”

Ruuka 13:28

“Niwo muririraga na okuguguna ameeno, kwa okubha murirora Bhurayimu, Isaaka, na Yakobho, na abharagi bhoone bhari mu‑bhukama bhwa Nyamuwanga, nawe emwe abheene muribhaga mujugunirwe anja!

Ebikorwa 3:25

Emwe muri bhaana bha abharagi, omuyaanwa indagano inu Nyamuwanga ꞉aakorere na bhasaaja waanyu. Nyamuwanga ꞉aaragire Bhurayimu ati, ‘Okutura ku‑muunu wa mu‑rwibhuro rwawo, abhaanu bha mu‑bhyaro bhyone bhariyaanwa ribhando.’

Barumi 9:4

Abho nibho Abhayisirayeeri, abhaanu bhanu Nyamuwanga ꞉aasorere bhabhe abhaana bhaaye, ꞉aabheeresiisye rikusyo ryaye na ꞉aakorere jindagano nabho. Ka wone ꞉aabhayaaye ebhiraagiro bhyaye, aamwi na emirago jaaye, na ꞉aabharagiriiye kutyo jeenderwe bhamuramye.

2 Petero 2:17

Abhaanu abho bhari rwa amajibha ganu goomirire, bhari rwa orukoowa runu oruyembwa na echifurafufi. Echisuute echirafuru ti chibhiikirwe inguru yeebhwe.

2 Petero 2:4

Nikwo kutyo bhamaraayika bhanu ꞉bhaakorere ebhibhiibhi, Nyamuwanga ꞉ataabhasigire, tari ꞉aabheesere nyombe, anu bhabhoyerwe na amaseega. Mu‑chisuute echirafuru cha nyombe eyo, abharindirira orusuku rurya rwa okuramurwa.

Yuuda 1:13

Bhatakutura okwiyingirira, bhari rwa amakonjo amanene ga mu‑nyanja ganu agasaaruuma, na ebhikorwa bhyebhwe bhya jiswaro ebhiswirana rwa rifiro rya amakonjo kutyo erifukumba. Bhari rwa jinjota jinu ejiyengayenga na okubhura. Echisuute echirafuru ti chibhiikirwe inguru yeebhwe akajaanende koone.

Obhusweruro 22:15

Nawe, abharosi bhoone, abharomesi, abheeti, abhaanu bhanu abharamya amasusano na abhaanu bhoone bhanu abheenda okwayika orubheeyi, bharibha anja ya omusi ogwo rwa jimbwa.