Matayo 7:6 - Indagano Inyaaya mu-Chijita

⁶ “Mwasiga okuyaana jimbwa ebhiinu bhinu bhiri bhya Nyamuwanga, kwa okubha ejija okuyinduka na okubhakaabhura. Ka wone, mwasiga okwesera jimbiiji ebhiinu bhya obhugusi obhurambu, kwa okubha ejija okubhitajiirira.

INDAGANO INYA:YA

⁶ Mutayanaga mbwa ci:nu ce:ru, amwi mute:saga jiru:ru jemwe imbere ya jingurube, jasiga okujitajirira ne bigere byajo, nijicu:ka okubaka:bura.

Matayo 7:6 ပူးပေါင်းရင်းမြစ်များ

Matayo 15:26

Yeesu ˆnaamusubhya ati, “Jitari ja ekisi okugega ebhiryo bhya abhaana na okwesera jimbwa.”

Matayo 24:10

Niwo abhaanu bhaafu bharisiga okunduubha. Bhariromerana iniku na okusokana abheene kwa abheene.

Matayo 7:5

Omwirimaanya awe! Nuusoosye okwamba echuura chinu chiri mu‑riiso ryawo. Niwo owutura okurora kisi na okusoosya akabhambo kanu kari mu‑riiso rya oweejaanyu.

2 Bakorinto 11:26

Kwiya kaafu mu‑ngʼendo jaani, naariga niri mu‑ngʼanga ya okugegwa na emisima, mu‑ngʼanga ya okugwatwa na abhasaakusi, mu‑ngʼanga ya okusooka ku‑Bhayawudi bheejaasu na okusooka ku‑bhaanu bhanu bhatari Bhayawudi. Naariga niri mu‑ngʼanga mu‑misi, mu‑ngʼanga mw‑ibhara, na mu‑nyanja. Naariga niri mu‑ngʼanga ya okunyaasibhwa na bhanu abheekora wuti ni bheekirisya abheejaasu.

Bafilipi 3:2

Mwikenge abheeyigisya bhanu abhengisya ebhiraagiro bhya Echiyawudi mw‑ikanisa. Abhaanu abho bhari rwa jimbwa, ni abhakosi bha ebhibhiibhi, abhakomeeresya okutenda.

Baeburania 10:29

Mbe woori mwiganirisye! Ebhitiibha bhiribha kutiki ku‑muunu unu kaagaya Omwana wa Nyamuwanga na okurora isagama ya indagano inu ꞉yaamwesiisye noorwo ebhibhiibhi bhyaye ati chitari chiinu cha obhugajuro? Angu, ebhitiibha bhiribha kutiki ku‑muunu oyo, nikwo okwayika ati, unu keeyimirisya Mwoyo Mweru wa obhwitiriranya?

Baeburania 6:6

Nawe woori, bhasigire okwikirisya Nyamuwanga. Jitakuturikana wuri okusubhya abhaanu abho, korereki bhate rindi ebhibhiibhi bhyebhwe ku‑Nyamuwanga. Ku‑njira ya okurema Omwana wa Nyamuwanga, abhamubhamba ku‑musarabha rwa kabhiri na okumuswasya abhwerubhweru.

2 Petero 2:22

Iri‑wo inyaayika ya echimari inu eyayika ati, “Imbwa eyirya amatanake gaayo,” wone iri‑wo eyindi inu eyayika ati, “Imbiiji inu yosiibhwe eyigaragasya rindi mu‑matoto!” Nikwo kutyo abheene wone ꞉bhaakorere.

Obhusweruro 22:15

Nawe, abharosi bhoone, abharomesi, abheeti, abhaanu bhanu abharamya amasusano na abhaanu bhoone bhanu abheenda okwayika orubheeyi, bharibha anja ya omusi ogwo rwa jimbwa.