Matayo 7:24 - Indagano Inyaaya mu-Chijita

²⁴ “Mbe, omuunu woonewoone unu kaategeresya emisango jaani na okujigayuka, kaasusana na omuumbaki wa inju unu ꞉oombakire inju yaaye ku‑rutare.

INDAGANO INYA:YA

²⁴ Mbe mu:nu wo:ne unu kongwa ebigambo byani binu no kubikora kwarikora nasusanyibwa rwo mu:nu wo bwenge unu ombakire inyumba yae ku rutare.

Matayo 7:24 ပူးပေါင်းရင်းမြစ်များ

Matayo 12:50

Okubha omuunu woonewoone unu kaakora okwenda kwa Raata waani unu ari mu‑rwire, oyo niwe omumura waasu, omuyara waasu na maayi.”

Matayo 16:18

Anye enikubhwira ati, awe Peetero uri rutare, inguru ya orutare runu, nikwo niryumbaka rikanisa ryani, noorwo amanaga ga nyombe gataririyiga wuri.

Matayo 24:45

Yeesu ˆnaabhuusya abheeyigisibhwa bhaaye ati, “Mbe, ni mugaya ki omwiyikanyibhwa na owa obhwengeeso? Ni mugaya unu omwami waaye ateeye‑wo okubha omwangarisi wa bhagaya abhandi mu‑nju yaaye, korereki abhe ˆnaabhayaana ebhiryo ku‑mwanya gwaye.

Matayo 25:2

Bhataanu mw‑ikumi abho, bhaariga bhari bhataamutaamu nawe abhandi bhaariga bhari abha obhwengeeso.

Matayo 25:4

Nawe abheengeeso bhataanu bharya, ꞉bhaagegere jidara jeebhwe, na mu‑bhiinu bhyebhwe ebhindi nibhagega amafuta ga okwongesya mu‑dara ejo.

Matayo 25:9

Nawe abhayara abheengeeso nibhabhasubhya ati, ‘Jitakuturikana! Chitakutura okubhasakira, kwa okubha amafuta ganu chiri nago, gatakutura okwiya eswe na emwe. Akiri mugende ku‑bhanu abhagusya amafuta, mwigurire ageemwe.’

Matayo 7:25

Rusuku rumwi, ingʼubha inyafu ꞉yaaguuye, emisima nijiijura, amanji nigawurura bhuyagayaga, omuyaga omururu niguyemba na okukuura inju yaaye, nawe inju eyo, ꞉itaasingaarikire, kwa okubha orufuka rwayo, rwariga ruumbakirwe ku‑rutare.

Matayo 7:26

Nawe omuunu unu kaategeresya emisango jaani, ˆnaarema okujigayuka, oyo ari rwa omuunu omumuumu unu ꞉oombakire inju yaaye ku‑musenyi.

Ruuka 11:28

Nawe Yeesu ˆnaayika ati, “Ni chimari! Tari, bhari na ribhando muno abhaanu bhanu abhoongwa omusango gwa Nyamuwanga na okugugayuka!”

Yowana 13:17

Araabha mwasombookerwa ejo, mbe Nyamuwanga kaja okubhayaana amabhando mukajikora rwa kutyo naabhabhwira.

Yowana 14:15

“Araabha mukanyeenda, murigwata ebhiraagiro bhyani.

Yowana 15:10

Araabha mukagwata ebhiraagiro bhyani, omuja okugenderera okurama mu‑ryenda ryani, rwa kutyo anye enigayuka ebhiraagiro bhya Raata waani na okurama mu‑ryenda ryaye.

Yowana 15:14

Araabha mukakora jinu nibharagiriiye, emwe muri bhasaani bhaani.

Barumi 2:13

Bhariramurwa, kwa okubha Nyamuwanga atakubhara omuunu okubha omurengeresi kwa okuungwa ebhiraagiro ebhyo era, tari unu kaakora jinu ebhiraagiro ebhimuragirira akore.

1 Yoana 2:3

Araabha chikagayuka ebhiraagiro bhyaye, niwo echimenya ati echimusombookerwa.