Matayo 7:19 - Indagano Inyaaya mu-Chijita

¹⁹ Bhuri riiti rinu ritakutwasya amatwasyo ga ekisi, eritemwa na okweswa mu‑muriro.

INDAGANO INYA:YA

¹⁹ Eti ryone rinu ritakutwasya matwasyo ga kisi abaritema nibaryesa mu murio.

Matayo 7:19 ပူးပေါင်းရင်းမြစ်များ

Matayo 3:10

Woori indamu ya Nyamuwanga iri inguru yeemwe rwa imbasa inu iteeywe ku‑masina ga amati. Abhaanu bhanu bhatakukora ebhikorwa bhya ekisi bhariramurwa, rwa kutyo bhuri riiti rinu ritakutwasya amatwasyo ga ekisi eritemwa na okweswa mu‑muriro.

Matayo 7:18

Riiti rya ekisi ritakutura okutwasya amatwasyo amabhiibhi, na riiti ribhiibhi ritakutura okutwasya amatwasyo ga ekisi.

Ruuka 3:9

Woori indamu ya Nyamuwanga iri inguru yeemwe rwa imbasa inu iteeywe ku‑masina ga amati. Abhaanu bhanu bhatakukora ebhikorwa bhya ekisi bhariramurwa, rwa kutyo bhuri riiti rinu ritakutwasya amatwasyo ga ekisi eritemwa na okweswa mu‑muriro.”

Tiito 3:14

Abheejaasu bhoone, bheeyigire okwikomeesye okukora ebhikorwa bhya ekisi, korereki bhabhe na obhuturo bhwa okusakira abhaanu bha obhukene bhwa bhusibhusi. Bhaakakora kutyo obhurame bhwebhwe bhutaribhurwa amatwasyo.

Baeburania 6:8

Nawe iisi inu eyimesya amawa na amagorogoro, itakusakira abharimi omusango gwonegwone, na iri yeeyi okwiyiimwa na Nyamuwanga. Obhuteero bhwayo ni okwochiibhwa mu‑muriro.

Yuuda 1:12

Abhaanu abho, omwanya gunu omurya ebhiryo aamwi nabho mu‑bhugenyi bhwemwe bhwa eryenda, abharya keenu nibheegana abheene era, bhatakwiswara wuri. Abhaanu abho, bhari rwa ebhyaji bhya mu‑nyanja bhinu bhitakubhonekana, ni ngʼanga kw‑imwe. Bhatari na omuriiro gwonegwone, bhari rwa ameere ganu gatari‑mo amanji, omuyaga ogugayemba na okugasira woonewoone. Bhari rwa amati ganu gawungurukire, gafuuwe kwiya kabhiri, nikwo okwayika ati gatari na amatwasyo, na geeyirwe chimwi.