Matayo 7:15 - Indagano Inyaaya mu-Chijita

¹⁵ “Mwikengega abharagi abhabheeyi. Omwanya gunu abhabhaaja‑ko, abheekora okubha abhoorooro rwa jinaama, nawe echimari ni bharuru rwa emisege.

INDAGANO INYA:YA

¹⁵ Mwikenge abaragi bo rurimi, banu aba:ja kwimwe bafwae bifwaro bya ji:na:ma, nawe munda ni misege miruru mika:busi.

Matayo 7:15 ပူးပေါင်းရင်းမြစ်များ

Matayo 10:17

Mwikengega abhaanu, kwa okubha bharibhasira mu‑maramuriro, ka wone, bharibhasira mu‑nju ja ameekofyanyo geebhwe na okubhabhuma na jijaridi.

Matayo 16:11

Mbawo mutakusombookerwa ati jinu naabhabhwira jitari inguru ya emikaate? Mbe, jinu enaayika ni ati, mwikenge echifwimbya cha Abhafarisaayo na Abhasadukaayo.”

Matayo 16:6

Yeesu ˆnaabhabhwira ati, “Mwikenge echifwimbya cha Abhafarisaayo na Abhasadukaayo.”

Matayo 24:11

“Ku‑mwanya ogwo, bharibhaga nibheebhuka abharagi bhaafu bha orubheeyi, bhajige abhaanu bhaafu.

Matayo 7:14

Nawe rirango rinu erirosya mu‑bhuwanga ni funde, na injira ya okurosya eyo, ni funde. Abhaanu bhanu abhayisombookerwa, ni bhatyari.

Ruuka 12:15

Niwo, Yeesu ˆnaabhwira abhaanu abho ati, “Murore! Mwikenge na omuruuru gwa ebhiinu! Okubha, obhuwanga bhwa omuunu, bhutakusookana na obhwafu bhwa ebhiinu bhyaye.”

Ruuka 6:26

Jiribhabhona emwe, araabha abhaanu abhabhakumangya, kwa okubha, noorwo bhasaaja weebhwe, nikwo kutyo bhaariga nibhakorera abharagi bha orubheeyi.

Yowana 10:12

Omuunu unu kaareebha jinaama korereki eebhonere omuyeero, oyo atari mureefi wa jinaama, ka wone jinaama jitari jaaye. Araabha aakarora omusege niguuja, keeruka na okusiga jinaama jenyere. Kurwa ejo, omusege ogugwata‑ko jinaama jindebhe, na ejindi jinu ejisigara ejinyaragana.

Ebikorwa 13:40

Kurwa ejo mwiyangarire kisi korereki mwasiga okugwatwa na emisango jinu ꞉jaakaamirwe mu‑bhitabho bhya abharagi ati,

Ebikorwa 13:6

Bhejire bhaamara okutura agatigati ya Kiipuro, nibhakinga mu‑musi gwa Paafo. Awo nibhabhugana na Omuyawudi umwi owa amawufyo, omuragi omubheeyi, risiina ryaye ni Bhaari‑Yeesu.

Bagalatia 2:4

Omusango gwa okutenda ogwo ꞉gwabhusiibhwe na abhaanu bhanu bhaariga nibheekora wuti ni bhayiri bheeswe. Abhaanu abho, ꞉bheeyingisiisye mu‑bhumbise okutatirisya obhwitaage bhweswe bhunu ꞉chaayaaywe na Kirisito Yeesu. Obhukarariiye bhwebhwe bhwariga bhuri kuchikora chibhe abhagaya bha ebhiraagiro bhya Muusa.

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

Baefeso 5:6

Mwasiga okwikirisya omuunu woonewoone okubhajiga kwa emisango ja kutyo era, okubha ebhibhiibhi ebhyo bhyone, nibhyo ebhikora risungu rya Nyamuwanga niriitika ku‑bhanyatagayuka.

Bafilipi 3:2

Mwikenge abheeyigisya bhanu abhengisya ebhiraagiro bhya Echiyawudi mw‑ikanisa. Abhaanu abho bhari rwa jimbwa, ni abhakosi bha ebhibhiibhi, abhakomeeresya okutenda.

Bakolosai 2:8

Mubhe mwiyangariiye, omuunu woonewoone aasiga okubhayabhya kwa ameeyigisyo ga kutyo era na ga orubheeyi. Ameeyigisyo ago, agaruubhana na obhusimukwa bhwa abhaanu, na obhutinge bhwa akatungiiywe bhwa echaaro chinu. Ameeyigisyo ago gatakusooka ku‑Kirisito,

2 Timoteo 3:13

Nawe bhanu abhakora ebhibhiibhi na abhajigi, bharigenderera okukora ebhibhiibhi muno, bharibhaga nibhajiga na okujigwa.

2 Timoteo 4:3

Okubha guriija omwanya gunu abhaanu bharibhaga bhatakutegeresya ameeyigisyo ga echimari. Bharyenda okutegeresya ganu agabhakondisya era na okusora abheeyigisya bha okubheeyigisya ganu abheenda okuungwa.

2 Petero 3:17

Mbe, emwe abheendwa bhaani, mwamenyere emisango ja abheeyigisya bha orubheeyi abho. Kurwa ejo mutengeeje, korereki mwasiga okujigwa mu‑bhwengebhwenge bhwa abhakayi abho, nimugwa na okusiga okurumatana kwemwe.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

Obhusweruro 16:13

Niwo nindora amasambwa amajabhi gasatu ganu gaasusanaga na gawarukerwe. Erimwi nirisooka mu‑kanwa ka riyoka rirya, erindi nirisooka mu‑kanwa ka rityanyi rirya na erindi nirisooka mu‑kanwa ka omuragi omubheeyi urya.

Obhusweruro 17:6

꞉Naaruguurire muno, nejire naarora omugasi oyo akorerwe isagama ya abheeru bha Nyamuwanga, bhanu ꞉bheetirwe ku‑songa ya okubha abhabhambaasi bha Yeesu.

Obhusweruro 19:20

Nawe rityanyi, aamwi na omuragi omubheeyi unu ꞉aakorere ebhibharikisyo ku‑songa ya rityanyi eryo, ꞉bhaagwatirwe ngwatwa. Ku‑njira ya ebhiruguusyo bhinu omuragi oyo ꞉aakorere, aariga ajigire abhaanu bhanu bhaariga bhateeywe‑ko orunabho rwa rityanyi eryo na okuramya risusano ryaryo. Bhoone ku‑bhubhiri bhwebhwe nibheeswa bhari bhaanga mu‑nyanja ya omuriro omururu gwa emisimu ja echibhiriiti.

Obhusweruro 20:10

Syetaani unu aabhajigaga, aryeswa mu‑nyanja ya omuriro omururu gwa emisimu ja echibhiriiti. Omwo nimwo ꞉ryeeserwe rityanyi rirya na omuragi omubheeyi urya. Abho bhoone bharinyaasibhwa omwo mu‑ngeta na mu‑mwisi, akajaanende koone.