Matayo 7:14 - Indagano Inyaaya mu-Chijita

¹⁴ Nawe rirango rinu erirosya mu‑bhuwanga ni funde, na injira ya okurosya eyo, ni funde. Abhaanu bhanu abhayisombookerwa, ni bhatyari.

INDAGANO INYA:YA

¹⁴ Okuba omuryango omufunde na injira inu eigenda mu buanga ni funde na banu abaibona bakeere.

Matayo 7:14 ပူးပေါင်းရင်းမြစ်များ

Matayo 20:16

Yeesu ˆnaamariisya kwa okwayika ati, “Kutyo, abhaanu bhanu bhasingiriiye woori, bharitangata. Ka wone, abhaanu bhanu bhatangatire woori, bharisingirira.”

Matayo 22:14

Yeesu ˆnaamariisya kwa okwayika ati, “Abhaanu bhanu abhabhirikirwa okwingira mu‑bhukama bhwa mu‑rwire ni bhaafu, nawe bhanu bhasorerwe okwingira ni bhatyari.”

Matayo 7:13

“Muture mw‑irango rifunde mwingire. Okubha rirango rigari rirya, erirosya mu‑kusingaarika, na injira ya okurosya eyo, ni ngari. Abhaanu bhanu abhatura okwo, ni bhaafu.

Matayo 7:15

“Mwikengega abharagi abhabheeyi. Omwanya gunu abhabhaaja‑ko, abheekora okubha abhoorooro rwa jinaama, nawe echimari ni bharuru rwa emisege.

Mariko 8:34

ˆNaabhirikira echise cha abhaanu aamwi na abheeyigisibhwa bhaaye, ˆnaabhabhwira ati, “Omuunu woonewoone unu keenda okunduubha, keendwa eeyigaane omwene, abhature omusarabha gwaye, anduubhe.

Ruuka 12:32

“Emwe echise echitooto, mwasiga okuubhaya, kwa okubha Esomwana keenda okubhayaana obhukama bhwaye.

Yowana 16:2

Abhaanu bharibhakindika mu‑nju ja ameekofyanyo. Oguuja omwanya gunu bhuri muunu unu aribheetaga, ariitogera ati kaakora emirimu ja Nyamuwanga.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

Barumi 9:32

Kurwa ki ꞉bhataabharirwe okubha abharengeresi imbere ya Nyamuwanga? ꞉Bhataabharirwe isonga iri ati ꞉bheeyikanyiisye ebhikorwa bhyebhwe na ꞉bhateekirisiisye Kirisito. Kirisito niwe ribhuyi rinu ꞉bheekuujuuwe‑ko,