Matayo 6:9 - Indagano Inyaaya mu-Chijita

⁹ Kurwa ejo, emwe musabhwega Nyamuwanga nimwayika ati, ‘Raata weeswe unu uri mu‑rwire, risiina ryawo rikusibhwe. Obhukama bhwawo bhuuje.

INDAGANO INYA:YA

⁹ Mbe musabwega kutya ati, Rata unu uri mu rwire, Risi:na ryao rikusibwe.

Matayo 6:9 ပူးပေါင်းရင်းမြစ်များ

Matayo 10:29

“Jimakuyure ebhiri jitakugusibhwa yera nooto era? Aamwi na ejo, katari‑wo noorwo kamwi kanu akagwa aasi Esomwana ateendere.

Matayo 23:9

Ka wone, musige okubha nimubhirikira omuunu woonewoone, ‘raata’ ku‑chaaro kunu, kwa okubha muri na Raata umwi era unu ari mu‑rwire.

Matayo 26:29

Enibhabhwira ati, nitarinywa echifuufu rindi okukingira ku‑rusuku runu nirinywa echifuufu echiyaaya aamwi na emwe mu‑bhukama bhwa Raata waani.”

Matayo 26:42

Yeesu ˆnaabhasiga awo rindi, ˆnaagenda eyo rwa kabhiri, ˆnaasabhwa Nyamuwanga ati, “Raata waani, jikabha ati omutawo gunu gwa bhinyaasyo jitakuturikana okunsooka‑ko, mbe jikorekane rwa kutyo oweenda.”

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Matayo 5:48

Mbe, mukuumirega rwa Esomwana unu ari mu‑rwire kutyo akuumiiye.

Matayo 6:14

Yeesu ˆnaagenderera okubhabhwira ati, “Araabha mukafwira echigongo abhaanu ebhikayo bhyebhwe, Esomwana unu ari mu‑rwire wone aribhafwira echigongo ebhibhiibhi bhyemwe.

Matayo 6:6

Tari omwanya gwa okusabhwa, ingira mu‑chisago chaawo, na wigare orwigi. Niwo usabhwe Esomwana unu ari mu‑mbisike. Niwo Esomwana unu kaarora jinu ejikorekena mu‑mbisike, arikuyaana echiyaanwa.

Matayo 7:11

Chimari, emwe muri abha ebhibhiibhi, nawe mumenyere okuyaana abhaana bheemwe ebhiinu bhya ekisi. Esomwana unu ari mu‑rwire aribhakunyiirira ebhiinu bhya ekisi abhaanu bhoone bhanu abhamusabhwa!

Ruuka 15:18

Enija okusubha ku‑raata, nimubhwire ati, “Raata, anye naakora echibhiibhi ku‑Nyamuwanga, na naakukayira awe wone.

Ruuka 15:21

Omwana oyo, ˆnaabhwira esemwene ati, ‘Raata, nikorere echibhiibhi ku‑Nyamuwanga, na nikayire imbere yaawo. Kurwa ejo, niteeyire okutogwa omwana waawo rindi.’

Ruuka 2:14

“Nyamuwanga wa mu‑rwire akusibhwe! Ku‑chaaro anu, omurembe gubhe ku‑bhaanu bhanu eendere.”

Yowana 20:17

Yeesu ˆnaamubhwira ati, “Nuusige okungwata‑ko. Nichaari okugenda mu‑rwire ku‑Raata. Mbe, genda ubhwire abhayiri bhaani, ati enigenda mu‑rwire ku‑Raata waani, unu ari Esomwana wone, ku‑Nyamuwanga waani unu ari Nyamuwanga weemwe wone.”

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

Barumi 8:15

Nyamuwanga ꞉ataabhayaaye Mwoyo Mweru, korereki mubhe rindi abhagaya bhanu abhamuubhaya, tari ꞉aabhayaaye Mwoyo Mweru, korereki mubhe abhaana bhaaye. Mwoyo oyo, niwe kaachiyaana obhuturo bhwa okubhirikira Nyamuwanga ati, “Abha,” obhugajuro bhwaryo “Raata!”

Bagalatia 1:1

Inyarubha inu, niikaamire anye Pawuro. Anye ꞉nitaatumirwe na abhaanu amwi okuragirirwa na omuunu omurebhe, tari ꞉naatumirwe na Yeesu Kirisito omwene na Raata Nyamuwanga unu ꞉aasuuruuye Yeesu okusooka mu‑bhafuuwe.

Bagalatia 4:6

Mbe, kwa okubha chiri bhaana bha Nyamuwanga, omwene ꞉aatumire Mwoyo wa Omwana waaye mu‑myoyo jeeswe. Mwoyo oyo, niwe kaakora chibhirikire Nyamuwanga ati “Abha,” obhugajuro bhwaryo “Raata.”

1 Timoteo 6:16

Nyamuwanga era, niwe atakufwa, eenyanjire mu‑bhweru bhunu omuunu woonewoone atakutura okubhufogera‑ko. Ka wone, atari‑wo omuunu unu aramurorere, noorwo unu kaatura okumurora. Echibharo na obhuturo ari nabhyo omwene, akajaanende koone. Jibhe kutyo.

1 Petero 1:17

Omwanya gunu omusabhwa, omubhirikira Nyamuwanga ati Raata. Omwene atari na isoroore ku‑muunu woonewoone. Ariramura abhaanu bhoone okuruubhana na ebhikorwa bhinu bhakorere. Kurwa ejo, mwikare nimuramya Nyamuwanga omwanya gunu gusigaaye emwe okwikara ku‑chaaro kunu.

Obhusweruro 4:11

“Raatabhugenyi na Nyamuwanga weeswe, wiiyire ukuuyibhwe, okuyaanwa echibharo na okubha na obhuturo bhwone. Okubha awe ꞉waabhumbire ebhiinu bhyone, mu‑kwenda kwawo ꞉bhyabhumbirwe, ka wone bhiri‑wo.”

Obhusweruro 5:12

Ninuungwa nibhaamura obhuraka, nibheemba ati, “Omwana wa Inaama unu ꞉aatemerwe omutwe, eeyire okuramira obhuturo, obhuniibhi na obhwengeeso. Amanaga, echibharo, rikusyo na jikuma ni bhyaye!”