Matayo 6:24 - Indagano Inyaaya mu-Chijita

²⁴ “Atari‑wo omukosi unu kaatura okukorera abhaami bhabhiri ku‑mwanya gumwi. Aakakora kutyo, kaatura okusoka omwami umwi na okwenda owundi, amwi okuyaana echibharo owumwi na okugaya owundi. Kurwa ejo, mutakutura okukorera Nyamuwanga na obhuniibhi ku‑mwanya gumwi!

INDAGANO INYA:YA

²⁴ Atariwo mu:nu unu katura okubakorera besebugenyi babiri. Okuba amwi arisokako oumwi, nenda oundi, amwi naruma ku umwi, nagaya oundi. Mutakutura kukorera Nyamuanga no kukorera obuni:bi one.

Matayo 6:24 ပူးပေါင်းရင်းမြစ်များ

Matayo 4:10

Nawe Yeesu ˆnaamusubhya ati, “Sooka anu, Syetaani! Jikaamirwe mu‑Bhikaame Ebhyeru ati, ‘Uramye Raatabhugenyi Nyamuwanga waawo. Umukorere emirimu omwene era.’”

Ruuka 16:11

Araabha mukarema okubha abheeyikanyibhwa ku‑bhuniibhi bhwa ku‑chaaro anu, niga unu aribheekirisya ku‑bhuniibhi bhwa echimari bhwa mu‑rwire?

Ruuka 16:13

Atari‑wo omukosi unu kaatura okukorera abhaami bhabhiri ku‑mwanya gumwi. Aakakora kutyo, kaatura okusoka omwami umwi na okwenda owundi, amwi okuyaana echibharo owumwi na okugaya owundi. Kurwa ejo, mutakutura okukorera Nyamuwanga na obhuniibhi ku‑mwanya gumwi!”

Ruuka 16:9

Ka wone, enibhabhwira ati, obhuniibhi bhwa echaaro chinu bhuriwaa‑wo. Woori, musakirega abhaanu abhandi ku‑bhuniibhi bhunu muri nabhwo, niwo muribhonera abhasaani. Araabha murikora kutyo, Nyamuwanga aribhakuma mu‑bhwikaro bhwaye bhwa akajaanende koone.

Bagalatia 1:10

Woori, omwitogera ati, eniyenjeresya okwikirisibhwa na abhaanu? Wuri, anye eniyenjeresya okwikirisibhwa na Nyamuwanga era. Amwi omwitogera ati eniyenjeresya okukondisya abhaanu? Araabha naakabheeye niyenjeresya okukondisya abhaanu, nitaakabheeye omukosi wa Kirisito.

1 Timoteo 6:17

Ukomeeresyega abhaniibhi bha ebhiinu bhya mu‑chaaro munu ati bhasige okwikuuya, noorwo okwiyikanya obhuniibhi bhwebhwe. Obhuniibhi obhwo ni bhwa kasinjeeke era. Tari bheeyikanye Nyamuwanga unu mu‑bhufura bhwaye kaachiyaana ebhiinu bhyone bhinu echikena, korereki chibhikondererwe.

2 Timoteo 4:10

Okubha Deema ꞉eegombere bhya ku‑chaaro kunu, ˆnaansiga ˆnaabhirimira mu‑musi gwa Tesaroonike. Kireseke ꞉aagendere okukorera Nyamuwanga mu‑mukoowa gwa Garaatiya. Nyabhuriko Tiito ꞉aagendere okumukorera mu‑mukoowa gwa Daramaatiya.

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.