Matayo 6:2 - Indagano Inyaaya mu-Chijita

² “Mbe, ukasakira abhataka, waasiga okuraasisya abhaanu chinu owukora. Abheerimaanya nibho abhakora kutyo mu‑nju ja ameekofyanyo ga Abhayawudi na ku‑njira, korereki abhaanu bhabhakumangye.

INDAGANO INYA:YA

² Mbe awe ukagabira abataka, utabumaga ŋombi imbere yao rwa bo rurimi kutyo abakora mu mekofyanyisyo na mu njira, korereki aba:nu babayane ecibaro. Ni cimari enibabwira ati, bamarire okuyabwa omuyero gwebwe.

Matayo 6:2 ပူးပေါင်းရင်းမြစ်များ

Matayo 15:7

Emwe abheerimaanya! Kasi jinu omuragi Iisaya ꞉aaragire inguru yeemwe, ni ja echimari.

Matayo 16:3

Nawe bhukacha katondo nimwayika ati, ‘Reero, ingʼubha ya orwijogoro eyitura okugwa, kwa okubha orutumba rwirabhusiisye na ameere gayingire.’ Kasi emwe omumenya okusomboora orususo rwa orutumba, nawe ebhibharikisyo bhya emyanya jinu mutakutura okubhisomboora!]

Matayo 22:18

Nawe Yeesu ꞉aamenyere obhukarariiye bhwebhwe obhubhiibhi, ˆnaabhasubhya ati, “Emwe abheerimaanya, kurwa ki omwenda okunteganya?

Matayo 23:5

Joone jinu abhakora, abhakora korereki bharorwe na bhaanu. Abheebhoyaga ku‑bhisuusu na ku‑mabhoko jikobha jinene okukira bhya abhandi bhinu bhakaamire‑ko ebhiraagiro. Ka wone abhoongesya‑ko ebhisangʼarye bhya ku‑bhufunyiro bhwa emyenda jeebhwe bhibhe bhireera okukira bhya abhandi.

Matayo 23:6

Mu‑siku ja jichikukuru, abhabhaga nibheenda muno okwinyanja ku‑bhitebhe bhya abhagenyi bha echibharo. Noorwo mu‑nju ja ameekofyanyo geebhwe, abhabhaga nibheenda okwinyanja ku‑bhitebhe bhya imbere bhya echibharo.

Matayo 24:51

Niwo omwami waaye arimuyaana jimbuma muno na okumwesa anu abheerimaanya bhari. Omwo nimwo abhaanu bhaririraga na okuguguna ameeno.”

Matayo 5:18

Ni chimari enibhabhwira ati, okukingira omwanya gunu orutumba na echaaro bhirisoosibhwa‑wo, katari‑wo akasango amwi akanyuguta kamwi ka ebhiraagiro kanu karisoosibhwa‑wo, okukingira joone jikuumire.

Matayo 6:16

“Omwanya gunu omwiyima ebhiryo, obhusu bhwemwe bhwasiga okweresya obhusurumbaaye rwa kutyo abheerimaanya abhakora. Abheene abhasurumbara korereki abhaanu abhandi bhabharore ati, bheeyimire ebhiryo. Ni chimari enibhabhwira ati, bhaamarire okuramira omuyeero gwebhwe gwone.

Matayo 6:3

Ni chimari enibhabhwira ati, bhaamarire okuramira omuyeero gwebhwe gwone. Nawe ukasoosya echiyaanwa, okubhoko kwawo kwa ebhumoosi kwasiga okumenya chinu okubhoko kwawo kwa ebhuryo okusoosya,

Matayo 6:5

“Omwanya gunu omusabhwa Nyamuwanga, mwasiga okubha rwa abheerimaanya. Abheene abheendaga okusabhwa bheemereeguuyu mu‑nju ja ameekofyanyo ga Abhayawudi na ku‑sonde ja ku‑njira korereki abhaanu abhandi bhabharore. Ni chimari enibhabhwira ati, bhaamarire okuramira omuyeero gwebhwe gwone.

Matayo 7:5

Omwirimaanya awe! Nuusoosye okwamba echuura chinu chiri mu‑riiso ryawo. Niwo owutura okurora kisi na okusoosya akabhambo kanu kari mu‑riiso rya oweejaanyu.

Mariko 12:39

Noorwo mu‑nju ja ameekofyanyo geebhwe, abhabhaga nibheenda okwinyanja ku‑bhitebhe bhya imbere bhya echibharo. Mu‑siku ja jichikukuru, abhabhaga nibheenda muno okwinyanja ku‑bhitebhe bhya abhagenyi abha echibharo.

Mariko 7:6

Yeesu ˆnaabhasubhya ati, “Emwe muri bheerimaanya. Nyamuwanga ꞉aayikire echimari inguru yeemwe okutura ku‑muragi Iisaya ati, ‘Abhaanu bhanu abhanaana echibharo kwa emisango era, nawe emyoyo jeebhwe jiri kura na anye.

Ruuka 11:41

Muyaanega abhanare ebhiinu kwa emyoyo jeemwe joone, niwo bhyone ebhibha bhyosiibhwe kwa emwe.

Ruuka 11:43

“Nawe jiribhabhona, emwe Abhafarisaayo! Okubha noorwo mu‑nju ja ameekofyanyo geemwe omubhaga nimwenda okwinyanja ku‑bhitebhe bhya imbere na okukeesibhwa kwa echibharo mu‑maguriro.

Ruuka 12:33

Mugusye ebhiinu bhyemwe, jiyera jinu omuja okubhona okuruubhana na ebhiinu ebhyo, muyaane abhataka. Mwibhariirire jisagwa jinu jitakunyamuka, na okwibhiikira ebhibhiikwa mu‑rwire anu bhitakugeruka‑ko. Eyo niwo omwifi atakukinga, korereki eebhe, noorwo amayeenje gatakunyamura.

Ruuka 12:56

Emwe abheerimaanya! Kasi mumenyere kisi okusomboora kutyo orususo rwa echaaro na orutumba, oruyindukayinduka. Ejibha kutiki mutaamiibhwe okusombookerwa obhugajuro bhwa emisango jinu ejikorekana ku‑siku jinu?

Ruuka 13:15

Nawe, Raatabhugenyi Yeesu ˆnaabhasubhya ati, “Abheerimaanya emwe! Niga agati yeemwe unu atakwigurira iingʼa yaaye amwi isikiri yaaye okusooka mw‑igutu ayisire okunywa amanji ku‑rusuku rwa Isabhaato?

Ruuka 20:46

“Mwikengega abheeyigisya bha ebhiraagiro bhya Muusa. Abheene abheenda okuribhata ku‑njira bhafwayega emingiro jeebhwe emireera. Ka wone, abheenda muno bhakeesibhwe na abhaanu kwa echibharo mu‑maguriro. Noorwo mu‑nju ja ameekofyanyo geebhwe abhabhaga nibheenda okwinyanja ku‑bhitebhe bhya imbere bhya echibharo. Mu‑siku ja jichikukuru, abhabhaga nibheenda muno okwinyanja ku‑bhitebhe bhya imbere bhya abhagenyi abha echibharo.

Ruuka 6:24

Nawe jiribhabhona, emwe abhaniibhi, kwa okubha mwabhwene okusiiriisibhwa kwemwe.

Ruuka 6:42

Angu, owutura kutiki okubhwira oweejaanyu ati, ‘Weejaasu, siga nikusoosye akabhambo kanu kari mu‑riiso ryawo,’ keenu awe omwene utakurora echuura chinu chiri mu‑riiso ryawo? Omwirimaanya awe! Nuusoosye okwamba echuura chinu chiri mu‑riiso ryawo, niwo owutura okurora kisi na okusoosya akabhambo kanu kari mu‑riiso rya oweejaanyu.

Yowana 13:29

Okubha Yuuda niwe aariga ˆnaabhiika isagwa ya jipirya, abhandi ꞉bheetogeeye ati Yeesu ꞉aabhwiriiye Yuuda ati, agure ebhiinu bhinu bhyariga nibhikenwa mu‑chikukuru ya Okwambuka, amwi ati, agende ayaane abhataka jipirya.

Yowana 5:41

Anye nitakwiyikanya okubhona echibharo okusooka ku‑bhaanu.

Yowana 5:44

Emwe mwendere okukuuyibhwa na abheejaanyu, nawe mutakwikomeesya okuyenja echibharo chinu echisooka ku‑Nyamuwanga omwene. Woori, omutura kutiki okunyikirisya?

Yowana 7:18

Omuunu woonewoone unu kaayika ku‑bhuturo bhwaye omwene, oyo keeyenjera echibharo chaaye omwene. Nawe unu kaayenja echibharo inguru ya unu ꞉aamutumire, oyo kaayika echimari, atakwayika orubheeyi wuri.”

Ebikorwa 10:2

Ka wone, aariga ˆnaagayuka Nyamuwanga, aamwi na abhaanu bhoone bha iika ewaaye. Aariga ˆnaasabhwa Nyamuwanga bhuri omwanya. Aamwi na ejo, aariga ˆnaasakira abhaanu abhanare.

Ebikorwa 10:31

ˆNaambwira ati, ‘Koroneeriyo, Nyamuwanga oongwa risabhwa ryawo, aarora na kutyo owusakira abhanare.

Ebikorwa 10:4

Koroneeriyo ˆnaaroreerera maraayika oyo kwa obhuubha, ˆnaamubhuusya ati, “Mwami waani, chaabha‑wo ki?” Maraayika oyo ˆnaamubhwira ati, “Nyamuwanga oongwa risabhwa ryawo, aarora na kutyo owusakira abhanare. Ejo joone, kaajimenya na okujikondererwa mu‑rwire.

Ebikorwa 11:29

Okuruubhana na obhuragi obhwo, abheeyigisibhwa nibharamura ati, bhuri umwi weebhwe, ku‑bhuturo bhwaye, asoosye obhusakisi ku‑bheekirisya abheejaabho bhanu bhaariga bheekaaye Yuudeya.

Ebikorwa 24:17

“Mbe, emiguuga ꞉jaaturire myafu ꞉niteejire Yerusareemu. Nejire neeya niniija korereki nireete obhusakisi ku‑Bhayawudi bheejaasu abhataka na okusoosya echitambwa ku‑Nyamuwanga.

Ebikorwa 9:36

Mu‑musi gwa Yoopa aariga ari‑mo omugasi umwi, omwiyigisibhwa wa Raatabhugenyi Yeesu, risiina ryaye aatogwaga Tabhiija, mu‑nyaayika ya Echiyunaani, risiina rinu ni Dorikaasi. Tabhiija aariga ˆnaasakira abhanare, na okukora ebhikorwa ebhindi bhya ekisi.

Barumi 12:8

Omuunu unu ayaaywe echiyaanwa cha okusimbiisya abheejaabho, akore kutyo kisikisi. Omuunu unu ayaaywe echiyaanwa cha obhufura ku‑bhaanu, abhakume kwa omwoyo gwone. Omuunu unu ayaaywe echiyaanwa cha obhutangasya, atangasye mu‑bhwikomeesya bhwone. Omuunu unu ayaaywe echiyaanwa cha echigongo, afwire echigongo abhaanu kwa rikonderwa.

1 Bakorinto 13:3

Ka wone nikasoosya ribhona ryani ryone okuyaana abhataka, na noorwo nikeesoosya noochibhwe mu‑muriro, nawe araabha nitari na eryenda, nitakubhona omuriiro gwonegwone.

Bagalatia 2:10

Abhatangasya abho ꞉bhaachikomeeresiisye omusango gumwi ati, chibhe nichiichuka abhataka. Anye wone niikomeesiisye muno okukora omusango ogwo.

Baefeso 4:28

Omwifi asige okugenderera okwibha, nawe akiri afurubhende, akore emirimu ja okwibhusya‑mo kwa amabhoko gaaye, korereki abhone echiinu cha okuyaana‑ko owa obhukene.

1 Batesalonika 2:6

Eswe chaariga chitakukena abhaanu bhachikuuye, ka wone chaariga chitakukena emwe noorwo abhaanu abhandi bhoone bhachikuuye. Noorwo kutyo eswe chiri jitumwa ja Kirisito, chaakeendere ebhiinu ebhirebhe okusooka kw‑imwe, nawe ꞉chitaakorere kutyo.

1 Timoteo 6:18

Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

Filemoni 1:7

Omuyiri waani, waankondisya na okunsiiriisya muno, kwa okubha eryenda ryawo, ryakora emyoyo ja abheekirisya abheejaanyu jisandabhe.

Baeburania 13:16

Mugenderere okusakira abheejaanyu na okusangira aamwi nabho ebhiinu bhinu muri nabhyo, okubha okukora kutyo, nicho echoogo chinu echikondisya Nyamuwanga.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.